మహేష్ ‘వారణాసి’ పై కార్తికేయ బిగ్ అప్డేట్..గట్టిగనే ప్లాన్ చేస్తున్నారే!

Varanasi Movie: టాలీవుడ్ దర్శక ధీరుడు ఎస్ ఎస్ రాజమౌళి సినిమా అంటే దేశవ్యాప్తంగా ఈ సినిమా కోసం అభిమానులు ఎంతో ఆతృతగా ఎదురు చూస్తూ ఉంటారు. ఇదివరకు రాజమౌళి డైరెక్షన్లో ప్రేక్షకుల ముందుకు వచ్చిన సినిమాలో ఆస్కార్ అవార్డు కూడా సొంతం చేసుకున్న సంగతి తెలిసిందే. ఈ నేపథ్యంలోనే రాజమౌళి డైరెక్షన్లో రాబోతున్న వారణాసి (Varanasi) సినిమా పై గ్లోబల్ స్థాయిలో అంచనాలు ఏర్పడ్డాయి. ఇక ఈ సినిమా షూటింగ్ పనులు దాదాపు పూర్తి అయ్యాయని చెప్పాలి. ప్రస్తుతం చిత్ర బృందం పోస్ట్ ప్రొడక్షన్ పనులలో బిజీ కాబోతున్నారు.

వారణాసికి ట్రైలర్ ఉంటుంది..

ఇటీవలే మహేష్ బాబు(Mahesh Babu) కూడా ఈ సినిమా షూటింగు పూర్తి చేసుకున్నారు. 2027 ఉగాది పండుగ సందర్భంగా ఏప్రిల్ 7 వ తేదీ ఈ సినిమా ప్రేక్షకుల ముందుకు రాబోతున్న విషయాన్ని చిత్ర నిర్మాతలు అధికారికంగా తెలియజేశారు. ఈ నేపథ్యంలోనే పోస్ట్ ప్రొడక్షన్ పనులు కూడా ప్రారంభమయ్యాయి. ఈ సినిమా గురించి సోషల్ మీడియాలో ఎన్నో రకాల వార్తలు బయటకు వచ్చాయి. ఈ సినిమాకు ట్రైలర్ ఉండదని, నాని ప్యారడైజ్ సినిమా తరహాలోనే ఈ సినిమా కూడా ట్రైలర్ లేకుండా విడుదల కాబోతోంది అంటూ గత కొద్దిరోజులుగా సోషల్ మీడియాలో వార్తలు హల్చల్ చేశాయి.

కార్తికేయ డోంట్ ట్రబుల్ ద ట్రబుల్ మూవీ…

ఇలా వారణాసి సినిమా గురించి ఈ విధమైనటువంటి వార్తలు వస్తున్న నేపథ్యంలో ఈ సినిమా నిర్మాతలలో ఒకరైన ఎస్ ఎస్ కార్తికేయ (S.S.Karthikeya) ఈ సినిమా ట్రైలర్ గురించి కీలక అప్డేట్ ఇచ్చారు. ప్రస్తుతం ఎస్ ఎస్ కార్తికేయ నిర్మాణంలో తెరకెక్కిన డోంట్ ట్రబుల్ ద ట్రబుల్ సినిమా ప్రమోషన్ కార్యక్రమాలలో బిజీగా ఉన్నారు. ఈ సినిమా అక్టోబర్ రెండో తేదీ ప్రేక్షకుల ముందుకు రాబోతోంది. ఈ నేపథ్యంలోనే ఒక ఇంటర్వ్యూలో పాల్గొన్న కార్తికేయకు వారణాసి సినిమా గురించి ప్రశ్నలు ఎదురయ్యాయి.

ఆస్కార్ కోసం సినిమా చేయలేదు..

ఇలా వారణాసి సినిమా గురించి కార్తికేయ మాట్లాడుతూ.. వారణాసి సినిమా ప్రమోషన్లను చాలా గట్టిగా ప్లాన్ చేశామని తెలిపారు. అయితే ఈ సినిమాకు ట్రైలర్ కూడా విడుదల అవుతుందని కార్తికేయ క్లారిటీ ఇచ్చారు.ఈ సినిమా కోసం ఇంగ్లీష్ వెర్ష‌న్ ఒక‌టి రెడీ చేసే ఆలోచ‌న ఉంద‌ని, అందుకోసం రాజ‌మౌళి ప్లాన్ చేస్తున్నార‌ని చెప్పుకొచ్చారు. ఇక ఈ సినిమాని కూడా ఆస్కార్ వరకు తీసుకువెళ్తారా? అనే ప్రశ్న ఎదురవడంతో తాము ఈ సినిమాని ఆస్కార్ అవార్డు కోసం చేయడం లేదని, అది ఆర్గానిక్ గా జరిగితే చాలా సంతోషమని తెలిపారు.ఆస్కార్ విష‌యంలో హాలీవుడ్ సినిమాల స్టైల్ వేరుగా ఉంటుంద‌ని, ఆస్కార్ ప్ర‌మోష‌న్ల కోసం చాలా గ‌ట్టిగా ఖ‌ర్చు పెడ‌తార‌ని, ఆ డబ్బుతో మనం ఇక్కడ ఒక పెద్ద సినిమా చేయొచ్చు అంటూ కార్తికేయ ఈ సందర్భంగా తెలియజేశారు. ఏది ఏమైనా వారణాసి సినిమాకు ట్రైలర్ ఉంటుందని ప్రమోషన్లను కూడా గట్టిగా ప్లాన్ చేశామని చెప్పడంతో మహేష్ బాబు అభిమానులు హ్యాపీగా ఫీల్ అవుతున్నారు.

Also Read: డబ్బింగ్ షూర్ చేసిన ‘ కాకా ‘ .. సంక్రాంతి విడుదలకు సిద్ధం!