Slum Dog: డేరింగ్ అండ్ డాష్ అండ్ డైరెక్టర్ పూరి జగన్నాథ్(PuriJagannadh) దర్శకత్వంలో తమిళ స్టార్ హీరో విజయ్ సేతుపతి(Vijay Sethupathi) నటిస్తున్న తాజా చిత్రం “స్లమ్ డాగ్ 33 టెంపుల్ రోడ్”(Slum Dog). ఈ సినిమా ఇప్పటికే ప్రేక్షకుల ముందుకు రావాల్సి ఉండగా కొన్ని కారణాలవల్ల వాయిదా పడుతుంది. ఇకపోతే ఇప్పటికే సినిమా నుంచి మేకర్స్ పలు అప్డేట్స్ ఇవ్వగా సినిమా పట్ల మంచి అంచనాలను పెంచేసాయి అయితే తాజాగా ఈ సినిమా నుంచి మేకర్స్ నటి జరీనా వాహబ్ (Zarina Wahab)ను పరిచయం చేస్తూ చిన్నపాటి గ్లింప్స్ విడుదల చేశారు. ప్రస్తుతం ఈ వీడియో సోషల్ మీడియాలో వైరల్ అవుతుంది.
ఇందులో భాగంగా నాంపల్లి స్టేషన్ వెళ్లి ట్రైన్ కింద తలపెట్టి చనిపోవాలనుకున్నాను కానీ ధైర్యం సరిపోలేదు అనే డైలాగ్ తో ఈ గ్లింప్స్ ప్రారంభం అవుతుంది. ఈ ఆకలి ముందు అన్ని ఓడిపోతాయి రా.. సిగ్గు, లజ్జ, మానం, మర్యాద అన్నీ మంటకలిసిపోతాయి.నాకు తెలియకుండానే నా చేతులు అడుక్కోవడం మొదలుపెట్టాయి అంటూ నటి జరీనా ఎమోషనల్ డైలాగ్స్ హైలెట్ అయ్యాయి. ఇక చివరిలో పూరి జగన్నాథ్ వాయిస్ తో “అమ్మ ఉన్నది అన్నం పెట్టడానికి.. అడుక్కోవడానికి కాదు” వంటి డైలాగ్ ఈ గ్లింప్స్ లో హైలెట్ అయింది. ఇలా నటి జరీనా జుబేదా అనే పాత్రలో నటిస్తోంది అంటూ పరిచయం చేస్తూ విడుదల చేసిన ఈ గ్లింప్స్ సినిమాపై అంచనాలను పెంచేసింది.
ఈ సినిమా నుంచి విడుదల చేసిన గ్లింప్స్ చూస్తే మాత్రం ఈ సినిమా మదర్ సెంటిమెంట్ నేపథ్యంలోనే ప్రేక్షకుల ముందుకు రాబోతుందని తెలుస్తోంది. పూరి జగన్నాథ్ డైరెక్షన్లో ఇదివరకు ప్రేక్షకుల ముందుకు వచ్చిన అమ్మానాన్న ఓ తమిళమ్మాయి, లోఫర్ వంటి సినిమాలు మదర్ సెంటిమెంట్ నేపథ్యంలోనే ప్రేక్షకుల ముందుకు వచ్చి మంచి సక్సెస్ అందుకున్నాయి. చాలా గ్యాప్ తర్వాత పూరి జగన్నాథ్ మరోసారి మదర్ సెంటిమెంట్ ద్వారా ప్రేక్షకుల ముందుకు రాబోతున్నారు. మరి ఈ సినిమాతో ఎలాంటి సక్సెస్ అందుకుంటారనేది తెలియాల్సి ఉంది.
HUMBLE. LOVING. SELFLESS 💥
Meet #Zarinawahab as ZUBEIDAA from #SlumDog – 33 Temple Road ❤️🔥
A #PuriJagannadh film 🎬@Charmmeofficial Presents 🎥
Produced by Puri Jagannadh, Charmme Kaur, JB NarayanRao KondrollaReleases in Tamil, Telugu, Hindi,… pic.twitter.com/Y4cELdeToe
— Puri Connects (@PuriConnects) September 28, 2026
ఈ సినిమాలో విజయ్ సేతుపతి జోడిగా నటి సంయుక్త మీనన్ హీరోయిన్ గా నటించగా సీనియర్ నటి టబు ఈ సినిమాలో కీలక పాత్రలో కనిపించబోతున్నారు. ఈ సినిమాకు పూరీ జగన్నాథ్ చార్మి సంయుక్తంగా ఈ చిత్రాన్ని నిర్మిస్తున్న సంగతి తెలిసిందే. పూరి జగన్నాథ్ సినిమాల విషయానికి వస్తే ఈయన రామ్ పోతినేని హీరోగా డబుల్ ఇస్మార్ట్ అనే సినిమా ద్వారా ప్రేక్షకుల ముందుకు వచ్చారు ఈ సినిమా కూడా పూర్తిగా ప్రేక్షకులను నిరాశపరిచింది. మరి స్లమ్ డాగ్ పూరి జగన్నాథ్ కు స్ట్రాంగ్ కం బ్యాక్ అవుతుందా? లేదా,? అనేది తెలియాల్సి ఉంది.
Also Read: రూ.15 లక్షలకే ఎందుకు టెంప్ట్ అయ్యావు.. మిథిలేష్ కు ఇచ్చిపడేసిన శివాజీ!
Share
పరిపాలన గాలికి వదిలేశారు.. అన్నీ సెటిల్మెంట్లే!- బొత్స సత్యనారాయణ
ఆ శాఖలోకి మీడియాకు నో ఎంట్రీ.. తెరవెనుక ఏం జరుగుతోంది?
