Sunil Grover’s Simple Lifestyle: సినిమా ఇండస్ట్రీ అంటేనే రంగుల ప్రపంచం. అక్కడ కనిపించే లగ్జరీ, హోదా, కోట్లలో సంపాదన, ఖరీదైన కార్లు, బంగ్లాలు చూసి సామాన్యులు అబ్బురపోతుంటారు. స్టార్ సెలబ్రిటీల లైఫ్ స్టైల్ ఎప్పుడూ ఫుల్ రిచ్గా,విదేశాల్లో వెకేషన్స్ ఎంజాయ్ చేస్తూ సాగిపోతుందని అందరూ భావిస్తారు. కానీ ఈ గ్లామర్ ప్రపంచంలో ఉంటూ కూడా, కోట్లాది మందిని తన కామెడీతో నవ్విస్తూ, నటుడిగా నూటికి నూరు శాతం మార్కులు కొట్టేసిన ఒక బాలీవుడ్ సెలబ్రిటీ మాత్రం ఇందుకు పూర్తిగా భిన్నంగా జీవిస్తూ అందరినీ ఆశ్చర్యపరుస్తున్నారు. ఆయనే ప్రముఖ కమెడియన్, నటుడు సునీల్ గ్రోవర్. ఎంత ఎదిగినా ఒదిగి ఉండాలనే సూత్రాన్ని నమ్ముతూ, సింప్లీసిటీనే తనకు అసలైన అందమని ఆయన మరోసారి నిరూపించుకున్నారు.
ఇటీవల సోషల్ మీడియాలో సునీల్ గ్రోవర్ షేర్ చేసిన ఒక వీడియో నెట్టింట విపరీతంగా వైరల్ అవుతోంది. సాధారణంగా సెలబ్రిటీలు ఫైవ్ స్టార్ హోటళ్లలో లేదా విలాసవంతమైన రిసార్ట్స్లో బస చేయడానికి ఇష్టపడతారు. కానీ సునీల్ మాత్రం జూన్ 18వ తేదీ గురువారం రాత్రి గంగా ఘాట్ వద్ద అత్యంత సాధారణ వ్యక్తిలా ఫుట్పాత్పై నిద్రిస్తూ కనిపించారు. ఆకాశమే పైకప్పుగా, కింద ఒక సాదాసీదా దుప్పటి పరుచుకుని, సాధారణ భక్తుల నడుమ ఆయన నిద్రపోతున్న దృశ్యాలు అభిమానుల హృదయాలను గెలుచుకుంటున్నాయి.
also read :షారుక్ మాటతో 42 లక్షల బిల్లు మాఫీ..కట్ చేస్తే ఇప్పుడు 80 కోట్ల సినిమా
ఈ వీడియోను తన ఇన్స్టాగ్రామ్ ఖాతాలో పోస్ట్ చేస్తూ, బ్యాక్గ్రౌండ్లో తారే జమీన్ పర్ అని క్యాప్షన్ ఇచ్చారు. అలాగే దీనికి జై కాల్ మహాకాల్ అనే భక్తి గీతాన్ని జత చేయడంతో ఆ వీడియో చూసే ప్రతి ఒక్కరిని కట్టిపడేస్తోంది. ఏ మాత్రం అహంకారం లేకుండా, ఒక స్టార్ హోదాను పక్కన పెట్టి ఆయన ప్రవర్తించిన తీరుపై నెటిజన్లు ప్రశంసల వర్షం కురిపిస్తున్నారు. అందుకే మిమ్మల్ని అందరూ ఇంతగా ప్రేమిస్తారంటూ అభిమానులు క్రేజీగా కామెంట్స్ పెడుతున్నారు.
సునీల్ గ్రోవర్ ఇలాంటి సింపుల్ పనులు చేయడం ఇదే మొదటిసారి కాదు. గతంలో కూడా ఆయన తన రోజువారీ జీవితానికి సంబంధించిన ఎన్నో ఆసక్తికరమైన వీడియోలను పంచుకున్నారు. కొన్ని నెలల క్రితం రోడ్డు పక్కన ఉన్న ఒక సాధారణ చేతి పంపు (హ్యాండ్ పంప్) దగ్గర కూర్చుని స్వయంగా తనే బట్టలు ఉతుకుతున్న వీడియోను పోస్ట్ చేసి అందరినీ షాక్కు గురిచేశారు. అంత పెద్ద సెలబ్రిటీ అయ్యుండి కూడా ఒక సామాన్యుడిలా పనులు చేస్తూ, ఆ ముచ్చట్లను సోషల్ మీడియాలో షేర్ చేయడం ఆయనకు అలవాటు. ఇవన్నీ కేవలం పబ్లిసిటీ కోసం చేసేవి కావని, జీవితాన్ని గ్రౌండ్ లెవెల్లో ఆస్వాదించడానికే ఆయన ప్రాధాన్యత ఇస్తారని ఈ వీడియోలు చూస్తే స్పష్టంగా అర్థమవుతుంది.
ఇక సునీల్ గ్రోవర్ ప్రొఫెషనల్ లైఫ్ విషయానికి వస్తే, ఆయన కెరీర్ గ్రాఫ్ అత్యంత అద్భుతంగా సాగుతోంది. బుల్లితెరపై గుత్తి గారగా, డాక్టర్ మషూర్ గులాటీగా ఆయన సృష్టించిన నవ్వుల హంగామా అంతా ఇంతా కాదు. ఇటీవల ఆయన నెట్ఫ్లిక్స్లో స్ట్రీమింగ్ అయిన ప్రఖ్యాత కామెడీ టాక్ షో ‘ది గ్రేట్ ఇండియన్ కపిల్ షో’లో సందడి చేస్తూ ప్రేక్షకులను ఎంతగానో అలరించారు. చాలా కాలం తర్వాత కపిల్ శర్మతో కలిసి ఆయన చేసిన కామెడీ స్కిట్లు ప్రేక్షకులకు ఫుల్ ఎంటర్టైన్మెంట్ను పంచాయి. కేవలం కామెడీ షోలకే పరిమితం కాకుండా వెండితెరపై కూడా వైవిధ్యమైన పాత్రలతో సునీల్ దూసుకుపోతున్నారు.
also read :బిగ్బాస్ హౌస్లోకి సామాన్యుల ఎంట్రీ.. ‘అగ్నిపరీక్ష 2’ లో అప్లై చేయడానికి రూల్స్ ఇవే!
గతేడాది షారుఖ్ ఖాన్ బ్లాక్ బస్టర్ హిట్ మూవీ ‘జవాన్’ చిత్రంలో కీలక పాత్రలో నటించి మెప్పించిన ఆయన, అంతకుముందు వికాస్ బహ్ల్ దర్శకత్వంలో వచ్చిన ‘గుడ్ బై’ సినిమాలోనూ అమితాబ్ బచ్చన్తో కలిసి స్క్రీన్ షేర్ చేసుకున్నారు. ఇటు సినిమాలు, అటు డిజిటల్ ప్లాట్ఫామ్స్ పై బిజీగా ఉంటూనే, వ్యక్తిగత జీవితంలో ఇంత సాదాసీదాగా గడపడం నిజంగా సునీల్ గ్రోవర్ ప్రత్యేకత అనే చెప్పాలి. ఈ వైరల్ వీడియో ప్రస్తుతం ఇండస్ట్రీ వర్గాల్లోనూ హాట్ టాపిక్గా మారింది.
Share
టెలిగ్రామ్పై కేంద్రం బ్యాన్.. ప్రత్యామ్నాయ 5 యాప్స్ ఇవే.. సేఫ్ అండ్ సూపర్!
Trump Netanyahu: మిత్రుల మధ్య చిచ్చు పెట్టిన ఇరాన్ డీల్.. నెతన్యాహును 'క్రేజీ' అని తిట్టిన ట్రంప్..!
