Telegram Alternatives: నీట్ (NEET UG) రీ ఎగ్జామ్ నేపథ్యంలో పేపర్ లీకేజీలు, నకిలీ సమాచార వ్యాప్తిని అరికట్టడానికి భారత ప్రభుత్వం ‘టెలిగ్రామ్’ యాప్పై తాత్కాలికంగా బ్యాన్ విధించిన సంగతి తెలిసిందే. అయితే దేశంలోని కోట్లాది మంది ప్రజలు.. ఆఫీస్ పనుల కోసం, స్టడీ మెటీరియల్స్ కోసం, అలాగే స్నేహితులతో చాటింగ్ కోసం ఈ యాప్పై ఆధారపడ్డారు. అయితే ప్రస్తుతం టెలిగ్రామ్ అందుబాటులో లేకపోవడంతో చాలా మంది ప్రత్యామ్నాయ యాప్స్ కోసం వెతుకుతున్నారు. ఈ నేపథ్యంలో టెలిగ్రామ్కు దీటుగా సురక్షితమైన ఫీచర్లను అందిస్తున్న టాప్-5 బెస్ట్ మెసేజింగ్ యాప్స్ ఏవో ఈ కథనంలో అందించడం జరుగుతోంది. వాటిపై ఓ లుక్కేయండి.
భద్రత, గోప్యత విషయంలో సిగ్నల్ యాప్కు సాటిలేదని చెప్పవచ్చు. టెలిగ్రామ్తో పోలిస్తే ఇందులో ప్రైవసీ ఫీచర్లు చాలా ఎక్కువ. మీ చాట్స్, కాల్స్ అన్నీ ‘ఎండ్-టు-ఎండ్ ఎన్క్రిప్షన్’ పద్ధతిలో సురక్షితంగా ఉంటాయి. అంటే మీ మెసేజ్ లు మీరు, అవతలి వ్యక్తి తప్ప మరెవ్వరూ చూడలేరు. ఎలాంటి యాడ్స్, ట్రాకర్లు లేని క్లీన్ ఇంటర్ఫేస్ దీని ప్రత్యేకత.
భారత్లో ప్రతి స్మార్ట్ఫోన్లోనూ ఉండే యాప్ వాట్సాప్. టెలిగ్రామ్ తరహాలోనే ఇందులో కూడా ఇప్పుడు ‘వాట్సాప్ ఛానల్స్’ ఫీచర్ అందుబాటులోకి వచ్చింది. దీని ద్వారా మీకు నచ్చిన సెలబ్రిటీలు, న్యూస్ ఛానల్స్, ఇన్ఫ్లుయెన్సర్లను ఫాలో అవ్వొచ్చు. పెద్ద గ్రూపులు, కమ్యూనిటీలను క్రియేట్ చేసుకునే సదుపాయం కూడా ఇందులో ఉంది.
టెలిగ్రామ్లో పెద్ద పెద్ద గ్రూపులు, స్టడీ సర్కిల్స్ నిర్వహించే వారికి ‘డిస్కార్డ్’ ఒక అద్భుతమైన ప్రత్యామ్నాయం. ముఖ్యంగా గేమర్స్, విద్యార్థులు, టెక్కీలు గ్రూప్ డిస్కషన్స్ కోసం దీనిని ఎక్కువగా వాడుతుంటారు. ఇందులో వేర్వేరు టాపిక్స్ కోసం ప్రత్యేకంగా ‘ఛానల్స్’ క్రియేట్ చేసుకోవచ్చు. వాయిస్ చాట్, స్క్రీన్ షేరింగ్ వంటి ఫీచర్లు ఇందులో చాలా అద్భుతంగా పనిచేస్తాయి.
ప్రపంచవ్యాప్తంగా మంచి ఆదరణ ఉన్న మరో మెసేజింగ్ యాప్ వైబర్. టెలిగ్రామ్లో లాగే ఇందులో కూడా అపరిమిత సభ్యులతో ‘కమ్యూనిటీలు’ ఏర్పాటు చేసుకోవచ్చు. హై-క్వాలిటీ ఆడియో, వీడియో కాల్స్తో పాటు పెద్ద ఫైళ్లను సులభంగా షేర్ చేసుకోవడానికి ఇది ఎంతగానో ఉపయోగపడుతుంది. ఇందులో కూడా చాటింగ్స్ అన్నీ ఎన్క్రిప్ట్ చేయబడి ఉంటాయి.
Also Read: అసలెవరీ సాయికృష్ణ.. బతికున్నాడా? బలయ్యాడా? ఏపీలో క్షణక్షణం ఉత్కంఠ!
టెలిగ్రామ్ యూజర్లకు ఇది కాస్త కొత్తగా అనిపించినా అత్యంత సురక్షితమైన యాప్. ఇది ‘మ్యాట్రిక్స్’ (Matrix) అనే ఓపెన్ నెట్వర్క్పై పనిచేస్తుంది. అంటే మీ డేటా అంతా ఒకే సర్వర్లో కాకుండా వికేంద్రీకరణ పద్ధతిలో భద్రంగా ఉంటుంది. గ్రూప్ చాట్స్, వీడియో కాన్ఫరెన్స్లు, ఫైల్ షేరింగ్ వంటి అన్ని ఫీచర్లు ఇందులో లభిస్తాయి. ఆఫీస్ గ్రూపులకు ఇది చాలా బెస్ట్ ఆప్షన్ అని నిపుణులు చెబుతున్నారు.
Also Read: బడ్జెట్ ధరలో ఇల్లు ‘స్మార్ట్’.. రూ.5,000లోపు దొరికే టాప్-5 గ్యాడ్జెట్స్ ఇవే!
Share
గిల్లితే గిల్లించుకోవాలి కానీ, అరవకూడదు...వైభవ్ కు వసీం జాఫర్ వార్నింగ్
డబ్బుంది కదా అని బిల్డప్ లేదు.. నడిరోడ్డుపై నిద్రపోయిన బాలీవుడ్ సెలబ్రిటీ..
