Rakhi Fest: ఈ టీచర్ గ్రేట్.. 15వేల మంది మహిళలు రాఖీ కట్టారు.. ఫోటో వైరల్

Rakhi Fest: బిహార్‌కు చెందిన ఉపాధ్యాయుడు ఫైజిల్ ఖాన్ మంచి సామాజిక సందేశాన్ని అందించిన వ్యక్తిగా గుర్తింపు పొందారు. ఆయనకు ఇవాళ 15,000 మంది మహిళలు రాఖీ కట్టారు. ఇది కేవలం సంఖ్యాపరమైన విషయం మాత్రమే కాదు, ఇది సమాజంలో ఐక్యత, ప్రేమ, సోదరభావాన్ని ప్రోత్సహించే ఒక అద్భుతమైన సంఘటన అని చెప్పవచ్చు.ఇది సోదరీ, సోదరీమణుల మధ్య బంధాన్ని జరుపుకునే ఒక పవిత్రమైన సంప్రదాయం. ఫైజిల్ ఖాన్ ఒక సామాన్య ఉపాధ్యాయుడిగా, తన సమాజ సేవ అలాగే మానవీయ విలువలతో ఈ అసాధారణ గౌరవాన్ని పొందారు.

ఫైజిల్ ఖాన్ బిహార్‌లోని ఒక గ్రామీణ ప్రాంతంలో ఉపాధ్యాయుడిగా పనిచేస్తున్నారు. ఆయన విద్యా రంగంలో మాత్రమే కాకుండా, సమాజంలో వివిధ సామాజిక కార్యక్రమాల్లో చురుకుగా పాల్గొంటారు. పేదలకు, అణగారిన వర్గాలకు సహాయం చేస్తూ సమాజానికి తన వంత సాయం చేస్తున్నారు. ఆయన దయ, కరుణ,సమాజంలో అందరినీ సమానంగా చూసే దృక్పథం వల్ల ఆయన పట్ల సమాజంలో గౌరవం పెరిగింది. రక్షాబంధన్ సందర్భంగా స్థానిక మహిళలు, యువతులు ఫైజిల్ ఖాన్‌ను తమ సోదరుడిగా భావించి, ఆయనకు రాఖీ కట్టడం ద్వారా తమ ప్రేమను, గౌరవాన్ని చాటుకున్నారు.

ALSO READ: Rakhi Festival: తమ్ముడికి రాఖీ కట్టేందుకు సాహసం చేసిన అక్క.. 20 అడుగుల ఎత్తున్న రైల్వే బ్రిడ్జి గోడపై నుంచి..?

ఈ సంఘటనలో దాదాపు 15,000 మంది మహిళలు, యువతులు పాల్గొన్నారు. ఇది ఒక రికార్డు స్థాయి సంఘటనగా నిలిచింది. ఈ ఘటన బిహార్‌లోని సామాజిక ఐక్యతను, మత సామరస్యాన్ని చాటిచెప్పింది. ఫైజిల్ ఖాన్ ముస్లిం మతానికి చెందిన వ్యక్తి అయినప్పటికీ, వివిధ మతాలు, కులాల నుండి వచ్చిన మహిళలు ఆయనకు రాఖీ కట్టడం ద్వారా సమాజంలో ఐక్యతను ప్రదర్శించారు. ఈ సంఘటన గురించి స్థానిక మీడియా, సోషల్ మీడియా వేదికలలో విస్తృతంగా వైలర్ అయ్యింది. ఇది దేశవ్యాప్తంగా ఒక స్ఫూర్తిదాయకంగా నిలిచిందని చెప్పవచ్చు.

ALSO READ: AAI Notification: ఏఏఐలో భారీగా ఉద్యోగాలు.. జీతం అక్షరాల రూ.1,40,000.. ఇంకెందుకు ఆలస్యం

ఫైజిల్ ఖాన్ ఈ సందర్భంగా తన ఆనందాన్ని వ్యక్తం చేశాడు. ఈ గౌరవం తనకు మరింత బాధ్యతను అప్పగించిందని, సమాజ సేవకు తనను తాను మరింత సేవ చేసుకుంటానని చెప్పారు. ఈ సంఘటన యువతకు, ముఖ్యంగా గ్రామీణ ప్రాంతాల్లో నివసించే వారికి, సామాజిక సేవ ద్వారా సమాజంలో మార్పు తీసుకురాగలమని ఒక స్ఫూర్తిదాయక సందేశాన్ని అందించింది. ఈ ఘటన బిహార్‌లోని సామాజిక ఐక్యతకు ఒక ఉదాహరణగా నిలిచి, రక్షాబంధన్ పండుగకు కొత్త అర్థాన్ని తెలియజేసింది.

Share

• 
• 
• 
• 
• 
•