Bihar Crime: బిహార్లో వరుస వేధింపుల ఘటనలు కలకలం సృష్టిస్తున్నాయి. ఓ యువతి పట్ల ఆరుగురు యువకులు అమానుషంగా ప్రవర్తించిన వీడియో తాజాగా వెలుగు చూసింది. పర్యాటక ప్రాంతమైన బంకా జిల్లా మందార్ హిల్ వద్ద సెప్టెంబర్ 3న ఈ దారుణం జరగ్గా.. ఆలస్యంగా దాడి దృశ్యాలు బయటకొచ్చాయి. అందులో కొంతమంది యువకులు యువతిని చుట్టుముట్టి అసభ్యంగా ప్రవర్తిస్తూ చెప్పులతో కొడుతూ కనిపించారు.
యువతిపై చెప్పులతో దాడి చేస్తున్న దృశ్యాలు వైరల్ కావడంతో పోలీసులు రంగంలోకి దిగారు. బౌన్సి స్టేషన్ ఎస్హెచ్ఓ పంకజ్ కుమార్ వెంటనే ఘటనాస్థలికి చేరుకొని విచారణ చేపట్టారు. ప్రాథమిక వివరాల ఆధారంగా ఆరుగురు ఆకతాయిలపై సుమోటోగా కేసు నమోదు చేశారు.
6 men assaulted a woman with sticks and slippers at Mandar Parvat, in Bihar pic.twitter.com/2RjEWoRlkN
— The Indian Idiot (@theindianidiot) September 25, 2026
వీడియోలో కనిపిస్తున్న యువతితో పాటు దాడికి పాల్పడిన యువకులను గుర్తించేందుకు పోలీసులు ముమ్మరంగా యత్నిస్తున్నారు. ఇందులో భాగంగా మందార్ హిల్ సమీపంలోని గ్రామస్థులను, స్థానిక వ్యాపారులను పోలీసులు విచారించారు. వీడియోలో ఉన్నవారు స్థానిక యువకులే అయి ఉండవచ్చని వ్యాపారులు భావించినప్పటికీ వారిని స్పష్టంగా గుర్తించలేకపోయారు. నిందితుల ఆచూకీ తెలియగానే.. వారిపై చట్టప్రకారం కఠిన చర్యలు తీసుకుంటామని దర్యాప్తు అధికారులు పేర్కొన్నారు.
Also Read: యూనివర్సిటీలో కలకలం.. విద్యార్థి కాలర్ పట్టుకుని హెచ్ఓడీ వార్నింగ్.. నెట్టింట వైరల్ వీడియో!
ప్రసిద్ధ పర్యాటక ప్రాంతంలోనూ ఇలాంటి ఘోరం జరగడంతో అక్కడి భద్రతా ఏర్పాట్లపై తీవ్ర విమర్శలు వ్యక్తమవుతున్నాయి. దీనికి తోడు బీహార్లో వరుసగా వెలుగుచూస్తున్న వేధింపుల ఘటనలు ఆ రాష్ట్ర ప్రజల్లో ఆందోళన కలిగిస్తున్నాయి. ఇటీవల జముయి జిల్లాలో పదో తరగతి అమ్మాయి, అబ్బాయిపై ఆకతాయిల వేధింపులకు పాల్పడ్డ వీడియో వైరల్ అయ్యింది. దీంతో ముగ్గురిని పోలీసులు అరెస్టు చేశారు. అలాగే సమస్తిపూర్లోనూ బైక్లపై వచ్చి ఒక జంటను వేధించి, దాడి చేసిన నలుగురు నిందితులను పోలీసులు అదుపులోకి తీసుకున్నారు.
Also Read: బాలాపూర్ లడ్డూకు రికార్డు ధర.. ఎవరికి, ఎంతకి దక్కిందంటే?
Share
'ది ప్యారడైజ్' చిత్రంలో నాని తల్లిగా నటించింది ఎవరు? ఆమె బ్యాక్ గ్రౌండ్ ఏంటో తెలుసా?
కొత్త టయోటా ల్యాండ్ క్రూయిజర్ వచ్చేస్తోంది.. లుక్ చూస్తే మతిపోవాల్సిందే!
