Delhi Protests: దేశంలో చిచ్చు పెట్టేందుకు నిత్యం కుట్రలు చేస్తున్న పాకిస్థానీలు.. తాజాగా ఢిల్లీలో జరుగుతున్న ఆందోళనలను కూడా అవకాశంగా చేసుకున్నారు. సోషల్ మీడియాలో రెచ్చగొట్టే విధంగా వీడియోలు, పోస్టులు అప్ లోడ్ చేశారు. దీంతో అప్రమత్తమైన ఢిల్లీ స్పెషల్ సెల్ పోలీసులు.. 200కు పైగా పోస్టులను డిలీట్ చేశారు. పలు అకౌంట్లను బ్లాక్ చేశారు. అదే సమయంలో నాలుగు ఎఫ్ఐఆర్ లు నమోదు చేశారు.
సీఈసీ జ్ఞానేశ్వర్ కుమార్ రాజీనామాతో పాటు స్పెషల్ ఇంటెన్సీవ్ రివిజన్ ను వెంటనే నిలిపి వేయాలంటూ కాంగ్రెస్ సహా పలు ప్రతిపక్ష పార్టీలు దేశ రాజధానిలో నిరసనలు జరుపుతున్న విషయం తెలిసిందే. కాక్రోచ్ జనతా పార్టీ కూడా ఆందోళనల్లో చురుకుగా పాలు పంచుకుంటోంది. ఈ క్రమంలో నిరసనకారులపై పోలీసులు పలుమార్లు లాఠీఛార్జ్ జరిపారు. పలువురు నాయకులతోపాటు నిరసనకారులను అరెస్టులు చేశారు.
ఇదే అదునుగా భావించిన కొందరు పాకిస్థానీలు.. దేశంలో అశాంతిని సృష్టించటానికి రంగంలోకి దిగారు. గతంలో జరిగిన పోలీస్ ఫైరింగ్ వీడియోలను సోషల్ మీడియాలో అప్ లోడ్ చేసి ఢిల్లీ ఆందోళనలను అడ్డుకోవటానికి పోలీసుల అరాచకత్వం అంటూ పోస్టులు పెట్టారు. వేర్వేరు గ్రూపులకు షేర్ చేశారు. అయితే ఇవన్నీ కేంద్ర అధికారిక సంస్థ పీఐబీ ఫ్యాక్ట్ చెక్ ఇవన్నీ తప్పుడు వీడియోలను నిర్ధారించింది. గతంలో జరిగిన సంఘటనలను ఇప్పుడు జరిగినట్టుగా సోషల్ మీడియాలో పెట్టారని స్పష్టం చేసింది.
Also Read: ఇన్‌ఫ్లుయెన్సర్‌కు ఊహించని షాక్.. ఇంటికి భారీగా క్యాష్ ఆన్ డెలివరీలు.. దెబ్బకు ఊరు వదిలి జంప్!
ఈ క్రమంలో రంగంలోకి దిగిన ఢిల్లీ స్పెషల్ సెల్ పోలీసులు.. సోషల్ మీడియాలోని వేర్వేరు ప్లాట్ ఫాంలలో ఉన్న రెండు వందలకు పైగా పోస్టులను డిలీట్ చేశారు. హ్యాండ్లర్లకు సంబంధించిన పలు అకౌంట్లను బ్లాక్ చేశారు. అదే సమయంలో నాలుగు ఎఫ్ఐఆర్ లు జారీ చేసి విచారణ ప్రారంభించారు. ప్రస్తుతం కొనసాగుతున్న ఆందోళనలను మరింత తీవ్రతరం అయ్యేలా చేయటం ద్వారా కేంద్ర ప్రభుత్వాన్ని అస్థిరపరచటానికి చేసిన కుట్రలో ఇది భాగమని పోలీసు వర్గాలు అంటున్నాయి. సోషల్ మీడియాలో వచ్చే ఇలాంటి తప్పుడు సమాచారాన్ని నమ్మే ముందు, ఇతరులతో పంచుకునే ముందు ఒకటికి రెండుసార్లు ధృవీకరించుకోవాలని పోలీసులు సూచించారు.
Share
భార్యతో గొడవలకు కారణం అదేనా? హర్ష చెముడు ఓపెన్ కామెంట్స్!
బిగ్ బ్రేకింగ్.. అక్టోబర్ 15 నుంచి ఏపీ, తెలంగాణలో భారీ వర్షాలు!
