Bihar: బీహార్‌లోని వైశాలి జిల్లాలో ఘోరం జరిగింది. ప్రయాణికులతో వెళ్తున్నఓ పడవ గంగానదిలో బోల్తా పడింది. ఈ ఘటనలో దాదాపు 14 మంది మరణించారు. మృతుల్లో మహిళలు, పిల్లలు అధికంగా ఉన్నారు. మృతుల సంఖ్య ఇంకా పెరగవచ్చని భావిస్తున్నారు. అసలు ఘటన ఎలా జరిగింది?
బిహార్‌లోని వైశాలి జిల్లాలోని రాఘోపూర్ నియోజకవర్గంలో దారుణం జరిగింది. పదుల సంఖ్యలో ప్రయాణికులతో వెళ్తున్న ఓ పడవ.. గంగానదిలో బోల్తా పడింది. ఈ ఘటనలో మహిళలు-చిన్నారులతోపాటు 14 మంది ప్రాణాలు కోల్పోయారు. రాఘోపూర్ నియోజకవర్గంలోని రామ్‌పూర్ శ్యామ్‌చంద్ గ్రామ సమీపంలో రాత్రి ఈ ఘటన జరిగింది. బాధితులంతా విందు కార్యక్రమానికి హాజరయ్యేందుకు పడవలో వెళ్తున్నట్లు సమాచారం.
ఘటన సమయంలో పడవలో దాదాపు 20 మంది వరకు ఉన్నట్టు చెబుతున్నారు. ఆ పడవ ఘటనలో తొలుత 8 మంది మృతి చెందినట్టు నివేదికలు వచ్చినప్పటికీ అది కాస్త 14కు చేరింది. ఘటన గురించి సమాచారం అందుకున్న వెంటనే స్థానికులు, అధికార యంత్రాంగం అక్కడికి చేరుకున్నారు. ఆ తర్వాత సహాయక చర్యలు చేపట్టారు. ఈ ప్రమాదంలో బయటపడిన పలువుర్ని చికిత్స నిమిత్తం ఆసుపత్రికి తరలించారు.
మృతుల్లో ఎక్కువ మంది చిన్నారులు ఉన్నారని వైశాలి జిల్లా మేజిస్ట్రేట్ వెల్లడించారు. ఘటన గురించి తెలియగానే ఆర్డీజే నేత, ఆ నియోజకవర్గం ఎమ్మెల్యే తేజస్వి యాదవ్ ప్రజలు, అధికారులతో ఫోన్‌లో మాట్లాడారు. చాలా బాధాకరమని ఘటనగా పేర్కొన్నారు. మృతుల కుటుంబాలకు సానుభూతి తెలిపారు. మరోవైపు బీహార్ ముఖ్యమంత్రి సమ్రాట్ చౌదరి ప్రాణ నష్టం పట్ల తీవ్ర విచారం వ్యక్తం చేశారు.
ALSO READ: ఢిల్లీ నిరసనలను అడ్డంపెట్టుకుని పాక్ డ్రామాలు.. 200లకు పైగా ఫేక్ పోస్టులు డిలీట్!
మృతుల కుటుంబాలకు రూ. 4 లక్షల చొప్పున ఎక్స్‌గ్రేషియా ప్రకటించారు. ఇంకా గల్లంతైన వారి కోసం గాలింపు చర్యలు కొనసాగుతున్నట్లు పోలీసులు తెలిపారు. ఇదిలా ఉండగా ప్రస్తుతం ఢిల్లీలో ఉన్న నియోజకవర్గం ఎమ్మెల్యే తేజస్వి యాదవ్, బుధవారం పాట్నాకు రానున్నారు. అక్కడి నుంచి రాఘోపూర్‌కు వెళ్లనున్నారు.
Share
Illu Illalu Pillalu Today Episodes: రామరాజుకు ఘోర అవమానం.. పోలీస్ స్టేషన్లో రామరాజు.. శ్రీవల్లి ప్లాన్ సక్సెస్..
ఏపీలో మేయర్ సీట్లపై పీఠముడి.. టీడీపీ-జనసేన మధ్య ఈ ఉదయం చర్చలు, ఫెయిలైతే ఎవరిదారి వారిదే!
