Ghaziabad Lift Fight: ఉత్తర్ ప్రదేశ్ లోని ఘజియాబాద్ లో విచిత్ర ఘటన చోటుచేసుకుంది. నగరంలోని ఓ అపార్ట్ మెంట్ లిఫ్టు లో కుక్క విషయంలో మెుదలైన వివాదం.. పరస్పర దాడికి దారితీసింది. ఓ మహిళ ఏకంగా స్కూల్ టీచర్పై భౌతిక దాడికి దిగడం స్థానికంగా చర్చనీయాంశమైంది. సెప్టెంబర్ 12 మధ్యాహ్నం 3 గంటల ప్రాంతంలో జరిగిన దాడి తాలుకా దృశ్యాలు ప్రస్తుతం వైరల్ అవుతున్నాయి.
ఘజియాబాద్ ఇందిరాపురంలోని ఓ స్కూల్లో టీచర్గా పనిచేస్తున్న హీనా బారీ.. సెప్టెంబర్ 12న పాఠశాల ముగిసిన తర్వాత ఇంటికి తిరిగి వచ్చారు. ఫ్లాట్కి వెళ్లేందుకు ఆమె సొసైటీలోని లిఫ్ట్ ఎక్కేందుకు ప్రయత్నించగా అప్పటికే శ్వేతా సుబే అనే మహిళ తన పెంపుడు కుక్కతో కలిసి లిఫ్ట్లో ఉన్నారు. బాధితురాలి కథనం ప్రకారం.. శ్వేతా తన కుక్కను కారణంగా చూపిస్తూ ఇతరులను లిఫ్ట్లోకి రానివ్వకుండా అడ్డుకుంది. దీంతో హీనా ఆమెను ప్రశ్నించడంతో ఇద్దరి మధ్య మాటమాట పెరిగి తీవ్ర వాగ్వాదానికి దారితీసింది.
Ghaziabad – A dispute over taking a pet dog into a lift at a high-rise housing society in Ghaziabad turned violent on Saturday, with a schoolteacher alleging that she was hit with a stick, pulled by the hair and slapped after she tried to enter the elevator. CCTV footage of the… pic.twitter.com/1kGiU3q5t6
— NextMinute News (@nextminutenews7) September 14, 2026
వివాదం తీవ్ర రూపం దాల్చడంతో రగిలిపోయిన శ్వేతా.. తన చేతిలో ఉన్న చిన్న కర్రతో హీనాపై ఒక్కసారిగా దాడి చేసింది. ఆపై చెంపపై పలుమార్లు కొట్టింది. అటు హీనా కూడా ఎదురుదాడికి దిగడంతో ఇద్దరి మధ్య ఘర్షణ చెలరేగింది. లిఫ్ట్ బయట ఉన్న సెక్యూరిటీ గార్డ్ వెంటనే స్పందించి ఇద్దరికి సర్దిచెప్పేందుకు ప్రయత్నించాడు. ఈ దృశ్యాలన్నీ అక్కడే ఉన్న సీసీటీవీ కెమెరాలో రికార్డు కావడంతో.. ప్రస్తుతం సామాజిక మాధ్యమాల్లో వైరల్గా మారాయి.
Also Read: అంతరిక్షంలో ‘ఫుట్బాల్’.. బంతితో చెడుగుడు ఆడిన వ్యోమగాములు.. అదరగొట్టారు భయ్యా!
ఈ దాడిపై హీనా బారీ.. నందగ్రామ్ పోలీసు స్టేషన్ను ఆశ్రయించారు. తనపై దాడికి దిగిన శ్వేతా సుబేపై ఎఫ్.ఐ.ఆర్ నమోదు చేసి చట్టపరమైన చర్యలు తీసుకోవాలని లిఖితపూర్వకంగా ఫిర్యాదు చేశారు. పోలీసులు ఈ ఘటనపై కేసు నమోదు చేసుకుని దర్యాప్తు ప్రారంభించారు. ఘటనకు సంబంధించిన సీసీటీవీ ఫుటేజీని సమగ్రంగా పరిశీలిస్తున్నామని విచారణ అనంతరం తగిన చర్యలు తీసుకుంటామని పోలీసులు వెల్లడించారు.
Also Read: ఇంట్లో కరెంట్ లేకపోయినా.. మెుబైల్ ఛార్జింగ్ పెట్టొచ్చు.. ఎలాగో తెలిస్తే ఆశ్చర్యపోతారు!
Share
స్పోర్ట్స్ అథారిటీలో మాజీ చైర్మన్ హవా.. పదవి లేకపోయినా ఆయనే సుప్రీం!
సైబర్ కేటుగాళ్ల కొత్త డ్రామా..ఫేక్ ఆఫర్లతో మీ అకౌంట్ ఖాళీ!
