Marriage in Hospital: కొన్ని సంఘటనలు సినిమాలను పోలి ఉండడం.. కొన్ని సినిమాలు నిజ జీవిత సంఘటన ఆధారంగా తెరకెక్కించడం చూస్తూనే ఉంటాం. తాజాగా అలాంటి ఘటనే కేరళలో చోటు చేసుకుంది. సినిమా సీన్ తలపించేలా పెళ్లికూతురు ప్రమాదానికి గురై ఐసీయూలో ఉండగా వరుడు తాళి కట్టాడు. వైద్యులు, నర్సులు, కుటుంబ సభ్యుల సమక్షంలో ఈ వేడుక జరిగింది.
వివరాళ్లోకి వెళ్తే.. . కేరళలోని అలప్పుజ, కుమారకోమ్కు చెందిన ‘అవని’కి, ‘షారన్’తో వివాహం నిశ్చయమైంది. పెళ్లికూతురు అలంకరణ (Makeover) కోసం అవని తన కుటుంబ సభ్యులతో కలిసి శుక్రవారం తెల్లవారుజామున 3 గంటల ప్రాంతంలో కారులో బయలుదేరింది. అయితే, మార్గమధ్యలో కారు అదుపు తప్పి చెట్టును ఢీకొట్టడంతో అవని వెన్నెముకకు తీవ్ర గాయమైంది. స్థానికులు వెంటనే ఆమెను కొట్టాయం మెడికల్ కాలేజీకి, అక్కడి నుండి మెరుగైన చికిత్స కోసం కొచ్చిలోని VPS లేక్షోర్ ఆసుపత్రికి తరలించారు.
అయితే, శుక్రవారం మధ్యాహ్నం అలప్పుజలో వివాహం జరగాల్సి ఉంది. వరుడు షారన్, అతని కుటుంబం ఆసుపత్రికి చేరుకుని అవని పరిస్థితి గురించి తెలుసుకున్న తర్వాత, పరిస్థితులు ఎలా ఉన్నప్పటికీ శుభ సమయంలో వేడుకను నిర్వహించాలని రెండు కుటుంబాలు నిర్ణయం తీసుకున్నాయి.
న్యూరోసర్జరీ బృందాన్ని సంప్రదించిన తర్వాత, ఆసుపత్రి అధికారులు అత్యవసర విభాగంలో వేడుకను నిర్వహించడానికి ఏర్పాట్లు చేశారు. మధ్యాహ్నం 12.15 నుండి 12.30 గంటల మధ్య, వైద్యులు, నర్సులు, దగ్గరి బంధువుల సమక్షంలో, అవని స్ట్రెచర్పై పడుకున్నప్పుడు షారన్ వివాహం చేసుకున్నాడు. రోగి సంరక్షణకు అంతరాయం కలగకుండా వేడుక పూర్తయింది.
న్యూరోసర్జరీ విభాగం అధిపతి డాక్టర్ సుదీష్ కరుణాకరన్ మాట్లాడుతూ, అవని వెన్నెముకకు తీవ్ర గాయం అయిందని, త్వరలో శస్త్రచికిత్స జరుగుతుందని అన్నారు. షారన్ అలప్పుజలోని ఒక ఇంజనీరింగ్ కళాశాలలో అసిస్టెంట్ ప్రొఫెసర్గా పనిచేస్తున్నారు. ఇంతలో, వివాహం ఊహించని విధంగా ఆసుపత్రి కారిడార్కు మారినప్పటికీ, వివాహ వేదిక వద్ద ఇప్పటికే గుమిగూడిన అతిథులకు ముందుగా నిర్ణయించిన ప్రకారం భోజనం వడ్డించి పంపిచారు.
Read Also: Nizamabad Lady Robbery: డూప్లికేట్ తాళం చేయించి.. ఫ్రెండ్ ఇంట్లో భారీ చోరీ
Share
The Raja Saab Pre Release: ఈవెంట్ ఇండియాలో కాదు.. ఫ్యాన్స్ని మోసం చేస్తున్నారు భయ్యా
Crime News: ‘అక్కడ’ చింతపండు పెట్టి.. భార్యను చంపేసిన భర్త, ఎక్కడో కాదు మన రాష్ట్రంలోనే!
