Public Holiday: మొహర్రం పబ్లిక్ హాలిడే ఎప్పుడు? రెండు రోజులు సెలవు ఉంటుందా?

Public Holiday: జులై నెలలో మొత్తం ఏడు పబ్లిక్ హాలీ డేస్ వచ్చాయి. ఈ సెలవుల్లో ఆదివారాలు, రెండో శనివారం, మొహర్రం, బోనాల పండుగలకు సంబంధించిన హాలీడేస్ ఉన్నాయి. ఈ నెలలో రెండు పండుగలు వచ్చాయి. జులై 5న మొహర్రం ముందు రోజు అప్షనల్ హాలిడే ఉంది. అలాగే మన దేశంలో నెలవంకను బట్టి జులై 6 లేదా జులై 7న మొహర్రం పండుగ జరుపుకునే అవకాశం ఉంది. నెలవంక ఆలస్యం అయితే జులై 7న కూడా హాలిడే ప్రకటించే ఛాన్స్ ఉంది.

ప్రస్తుతం అయితే అధికారులు జులై 6ను మొహర్రం సెలవు దినంగా ప్రకటించారు. ఇస్లామిక్ క్యాలెండర్‌లో మొదటి నెల అయిన ముహర్రం ఇస్లామిక్ నూతన సంవత్సర ప్రారంభాన్ని సూచిస్తుంది. ఇది ముఖ్యంగా షియా మతస్థులకు ప్రాముఖ్యతను కలిగి ఉంది. మొహర్రం పండుగ రోజున నేషనల్ స్టాక్ ఎక్స్ఛేంజ్, బాంబే స్టాక్ ఎక్స్ఛేంజ్ (BSE)తో సహా భారతదేశంలోని ప్రధాన స్టాక్ ఎక్స్ఛేంజీలను మూతపడనున్నాయి. ఈ మూసివేత అన్ని ట్రేడింగ్ విభాగాలు, కరెన్సీలు, వడ్డీ రేటు ఫ్యూచర్స్, డెరివేటివ్స్, ఈక్విటీలు, సెక్యూరిటీస్ లెండింగ్ అండ్ బారోయింగ్ (SLB) ప్లాట్‌ఫామ్‌పై ప్రభావం చూపనుంది.మల్టీ కమోడిటీ ఎక్స్ఛేంజ్ (MCX) కూడా దాని సెషన్‌ను నిలిపివేయనుంది. అయితే, సాయంత్రం 5:00 గంటల నుండి రాత్రి 11:30 గంటల వరకు ట్రేడింగ్ తిరిగి ప్రారంభమయ్యే అవకాశం ఉంది.

ముస్లిం మతస్థులు మొహర్రం పండుగను ఇస్లాంలో నాలుగు పవిత్ర మాసాలలో ఒకటిగా భావిస్తారు. వారు పదో రోజు అషురాను జరుపుకుంటారు. ఇమామ్ హుస్సేన్ ఇబ్న్ అలీ – క్రీస్తు శకం 680లో కర్బలా యుద్ధంలో మరణించిన ప్రవక్త ముహమ్మద్ మనవడు – జ్ఞాపకార్థం ఈ పండుగను జరుపుకుంటారు. ఈ రోజున ముస్లిం మతస్థులు ఊరేగింపులు నిర్వహిస్తాయి, ప్రార్థనలు చేస్తాయి. అతని త్యాగాన్ని జరుపుకోవడానికి మతపరమైన సమావేశాలకు నిర్వహించుకుంటాయి.

ALSO READ: IBPS: ఐబీపీఎస్ నుంచి భారీ నోటిఫికేషన్.. జీతం రూ.85,920, మరి ఇంకెందుకు ఆలస్యం

ఇక హైదరాబాద్‌లో జులై 20న బోనాలు, జులై 21న బోనాల ఊరేగింపు సందర్భంగా భాగ్యనగరంలో పాఠశాలలకు ఐచ్చిక సెలవు ఉంది. జులై 13న సికింద్రాబాద్ బోనాలు, రంగం, జులై 14న ఊరేగింపు సందర్భంగా సికింద్రాబాద్ చుట్టు పక్కల ప్రాంతాల్లో పాఠశాలలకు సెలవు ప్రకటించే ఛాన్స్ ఉంది. మొత్తంగా తెలంగాణలో జులై నెలలో నాలుగు ఆదివారాలు, రెండో శనివారం, మొహర్రం, బోనాల పండుగ సెలవులను కలుపుకుంటే తెలంగాణ పాఠశాలలకు జూలై నెలలో 7 రోజుల పాటు సెలవులు లభించనున్నాయి.