Online Trolling: తమిళనాడు మంత్రి ఎస్. కీర్తనను పోలి ఉన్న ఓ యువతికి నెట్టింట దారుణ పరాభవం ఎదురైంది. సదరు మంత్రి రాజకీయ ప్రత్యర్థులు పొరపాటున ఈ సామాన్య మహిళను టార్గెట్ చేస్తూ ఆమె పొట్టి డ్రెస్సులో ఉన్న వీడియోను విపరీతంగా వైరల్ చేశారు. రాష్ట్రానికి మంత్రిగా ఉంటూ ఇలాంటి బట్టలు వేసుకోని ఏం సందేశం ఇస్తున్నారంటూ ఈమె వీడియోతో మంత్రి కీర్తనను ప్రశ్నించడం ప్రారంభించారు. తీరా అసలు మహిళ తెరపైకి రావడంతో అప్పటివరకూ మంత్రి అని భావిస్తూ వీడియోను షేర్ చేసిన వారంతా ఖంగు తిన్నారు.
ప్రస్తుతం మలేషియాలో జీవిస్తున్న వినోషా రవి అనే యువతికి.. తమిళనాడు మంత్రి ఎస్. కీర్తనకు మధ్య దగ్గరి పోలికలు ఉన్నాయి. ఈ క్రమంలోనే వినోషా పొట్టి డ్రెస్ లో ఉన్న దృశ్యాలను మంత్రికి ఆపాదిస్తూ ప్రతిపక్ష డీఎంకే కార్యకర్తలు నెట్టింట విపరీతంగా ట్రోల్స్ ప్రారంభించారు. వీడియో మరింత వైరల్ కావడంతో ఆ మహిళపై విపరీతమైన ట్రోలింగ్, అసభ్యకరమైన కామెంట్లు రావడం మొదలయ్యాయి.
It's not the minister, it's me!
A video mentioning Minister Keerthana has gone viral, and a young woman named Vinosha Ravi has released a video explaining the incident. She has also filed a complaint with the police regarding the incident
She was in a recent trending video!! pic.twitter.com/HS0uweEUsP
— Thara❤️ (@Thaaraaura) August 25, 2026
అయితే వినోషా పనిచేస్తున్న ఆఫీసులోని వారు ఆ వీడియోను చూసి.. ట్రోలింగ్ విషయాన్ని ఆమె దృష్టికి తీసుకెళ్లారు. మెుదట ఏదో పొరపాటు జరిగిందని భావించి ఈ విషయాన్ని లైట్ తీసుకున్నట్లు వినోషా తెలిపారు. కానీ ట్రోలింగ్ హద్దు దాటుతుండటంతో తాను తప్పక రియాక్ట్ అవ్వాల్సిన పరిస్థితి వచ్చిందని యువతి పేర్కొన్నారు. పైగా నెట్టింట చక్కర్లు కొడుతున్న వీడియో తన సోషల్ మీడియా ఖాతాల్లోది కాదని.. దానిని ఎవరో సీక్రెట్ గా చిత్రీకరించి ఉద్దేశపూర్వకంగా నెట్టింట పోస్ట్ చేశారని ఆమె ఆరోపించారు. దీనిపై మలేషియా పోలీసులకు సైతం ఫిర్యాదు చేసినట్లు ఆమె చెప్పారు.
మరోవైపు పొట్టి డ్రెస్సులో కనిపించినందుకే ఈ స్థాయిలో ట్రోల్ చేయడాన్ని మంత్రి కీర్తన సైతం తప్పుబట్టారు. ‘మహిళలు ఏ రకమైన దుస్తులు ధరిస్తున్నారో చూసి జడ్జ్ చేయడం వాళ్ల క్రూరమైన మనస్తత్వానికి నిదర్శనం. ఒకవేళ వీడియో ఉన్న వ్యక్తి నేనే అయినా అందులో తప్పేముంది’ అని మంత్రి కీర్తన ట్రోలర్లకు కౌంటర్ ఇచ్చారు.
Also Read: చెత్తకుప్పలోని చాక్లెట్ల కోసం ఎగబడ్డ జనం.. కాన్పూర్‌లో షాకింగ్ ఘటన!
ఇదిలా ఉంటే పెద్ద ఎత్తున ట్రోలింగ్ కు గురైనా తాను మారబోనని వినోషా రవి అన్నారు. ‘ఎవరో ఆన్‌లైన్‌లో నన్ను విమర్శించినంత మాత్రాన నేను నా డ్రెస్సింగ్ స్టైల్‌ని లేదా నన్ను నేను మార్చుకోను’ అని చెప్పారు. మహిళలు ఎలాంటి దుస్తులు ధరించాలో చెప్పే హక్కు ఎవరికీ లేదన్నారు. తమకు ఏ దుస్తులు వేసుకోవాలో బాగా తెలుసని చెబుతూ ట్రోలర్లకు ఆమె సైతం ఘాటైన సమాధానం ఇచ్చారు.
Also Read: వెయిట్ లిఫ్టింగ్ చేస్తూ.. జడ్జీల ప్యానెల్‌పై పడ్డ రోబో.. స్ట్రెచ్చర్‌పై తరలింపు!
Share
ఆ రాత్రి హాస్టల్ రూమ్లో జరిగిన ఆ చిన్న తప్పు.. ప్రపంచాన్ని ఏలే Googleగా ఎలా అవతరించింది?
తండ్రి మొదటి కారు కోసం విష్ణు మంచు ఇంత చేశాడా?
