Action Thriller OTT : గ్యాంగ్ వార్, జైలు జీవితం చుట్టూ ఒక థాయ్ యాక్షన్ సినిమా ఓటీటీలో తెగ సందడి చేస్తోంది. ఇందులో ఒక బస్తీ పోరగాడు జైలుకు వెళ్లి గ్యాంగ్ స్టర్గా ఎలా మారాడనేది ఇందులో చూపించారు. ఈ సినిమా 1990వ దశకంలో థాయ్లాండ్లోని జైళ్లలో జరిగిన కొన్ని యదార్థ సంఘటనల ఆధారంగా తెరకెక్కింది. ఆ కాలంలో అక్కడి గ్యాంగ్ వార్స్ ఎలా ఉండేవో ఇందులో రియలిస్టిక్ గా చూపించారు. సినిమా అంతా జైలు లోపల జరుగుతుంది. అప్పటి వాతావరణాన్ని కళ్లకు కట్టినట్లు చూపించడానికి సినిమాటోగ్రఫీ చాలా హెల్ప్ అయ్యింది. అందుకే దీనికి మంచి రేటింగ్స్ కూడా వచ్చాయి. సినిమా మాత్రం కేక పెట్టిస్తుంది. అయితే ఈ సినిమాను చూసి యూత్ ఎలా ఉండకూడతో నేర్చు కోవాల్సి ఉంటుంది.
2024లో వచ్చిన ఈ థాయ్ క్రైమ్ డ్రామా సినిమా పేరు ‘ఇన్ యూత్ వి ట్రస్ట్’ (In Youth We Trust). దీనికి డైరెక్టర్ పుట్టిపాంగ్ నక్తంగ్. ఈయన గతంలో తీసిన ‘4 Kings’ అనే సినిమా థాయ్లాండ్లో సంచలనం సృష్టించింది. స్టూడెంట్ గ్యాంగ్స్, రౌడీయిజం మీద ఆయనకు మంచి పట్టు ఉంది. ఇందులో నాట్ కిచ్చరిత్, అరక్ అమొర్న్ సుపాసిరి, ఇత్క్రాన్ పుంగ్ కియత్రుస్సామీ లీడ్ రోల్స్ లో నటించారు. ఇందులో హీరోగా నటించిన నాట్ కిచ్చరిత్ తన నటనతో అందరినీ ఆకట్టుకున్నాడు. అమాయకపు కుర్రాడి నుండి జైలు రౌడీగా మారే క్రమంలో అతని బాడీ లాంగ్వేజ్ ఓ రేంజ్ లో ఉంటుంది. 2 గంటల 12 నిమిషాల నిడివి ఉన్న ఈ సినిమా ప్రస్తుతం నెట్ఫ్లిక్స్ (Netflix) లో అందుబాటులో ఉంది.
ఈ కథ అంతా ప్యూక్ అనే కుర్రాడి చుట్టూ తిరుగుతుంది. అతను పెరిగింది అంతా మురికివాడల్లోనే. ఇంట్లో కష్టాలు, బయట గొడవలతో వాడి లైఫ్ ఎప్పుడూ రచ్చ రచ్చగానే ఉంటుంది. ఒకానొక టైమ్లో జరిగిన ఒక గన్ షూటింగ్ కేసులో ప్యూక్ దొరికిపోతాడు. పోలీసులు వాడిని పట్టుకుని జైలు ఊచల వెనక్కి నెట్టేస్తారు. అక్కడితో వాడి కష్టాలు తీరవు సదా, అసలు సినిమా అక్కడే మొదలవుతుంది. జైలు లోపల అడుగుపెట్టగానే ప్యూక్కి చుక్కలు కనిపిస్తాయి. అక్కడ ఒక్కొక్కడు ఒక్కో రకం. అక్కడ రౌడీ గ్యాంగుల మధ్య పచ్చగడ్డి వేస్తే భగ్గుమనేలా ఉంటుంది. కొత్తగా వచ్చిన ప్యూక్ను పాత నేరస్తులు వేధించడం, కొట్టడం చేస్తుంటారు. అయితే ప్యూక్ మెత్తగా ఉంటే బతకలేనని అర్థం చేసుకుంటాడు. జైల్లో ప్రాణాలు కాపాడుకోవడం కోసం వాడు కూడా ఆ క్రైమ్ ప్రపంచంలోకి దిగాల్సి వస్తుంది. చివరికి ఈ జైలు గొడవలు, గ్యాంగ్ వార్ల వల్ల ప్యూక్ ఏం సాధించాడు? అసలు ఆ నరకం నుండి బయటపడ్డాడా ? అనేదే ఈ క్లైమాక్స్.
Read Also : పోలీసులకు చుక్కలు చూపించే మొండెం లేని తల… ఏడు భాషల్లో విజయ్ సేతుపతి కొత్త సిరీస్
Share
రాశి ఫలితాలు మార్చి 30: ఆ రాశి వారు స్థిరాస్థి కొంటారు - నిరుద్యోగులకు శుభవార్తలు
Feel Good Movie OTT : ఎమోషన్స్ తో ఆకట్టుకుంటున్న స్టోరీ... కన్నీళ్లు పెట్టించే కజిన్స్... ఫ్యామిలీ ఆడియన్స్ ఫిదా
