Crime Thriller OTT : విజయ్ సేతుపతికి తమిళంలో ఎంత క్రేజ్ ఉందో తెలుగులోనూ అంతకంటే ఎక్కువే ఉంది. ఈ నటుడి నటనకు తెలుగు ప్రేక్షకులు కూడా ఫిదా అయిపోయారు. ఈ హీరో ఇప్పుడు వెబ్ సిరీస్ లో కూడా అడుగుపెట్టిన సంగతి తెలిసిందే. విజయ్ సేతుపతి ప్రధాన పాత్రలో నటించిన క్రైమ్ థ్రిల్లర్ సిరీస్ ‘కాట్టాన్’ (Kaattaan)ఇప్పుడు ఓటీటీలోకి కూడా వచ్చేసింది. ఈ సిరీస్ ట్రైలర్ తోనే హడలెత్తించేసింది. బాడి లేని తల పోలీసులకు దొరకడంతో ఈ స్టోరీ క్రేజీగా మొదలవుతుంది.
‘కాట్టాన్’ (Kaattaan) సిరీస్కు నేషనల్ అవార్డ్ విన్నర్ మణికందన్ దర్శకత్వం వహించారు. ఇందులో విజయ్ సేతుపతితో పాటు మిలింద్ సోమన్, సుదేవ్ నాయర్, సింగం పులి, వడివేలు మురుగన్, రిష జాకబ్స్, ముత్తు కుమార్, కళైవాణి భాస్కర్, వీజే పారు తదితరులు కీలకపాత్రలు పోషించారు. ఈ సిరీస్ జియో హాట్ స్టార్ (Jio hotstar)లో మొత్తం 10 ఎపిసోడ్స్ తో మార్చి 27 నుంచి స్ట్రీమింగ్ అవుతోంది. ఒరిజినల్ వెర్షన్ తమిళం కాగా… తమిళంతో పాటు తెలుగు, మలయాళం, కన్నడ, బెంగాళీ, మరాఠీ, హిందీ భాషల్లో అందుబాటులోకి వచ్చింది. దీనిని విజయ్ సేతుపతి తన సొంత బ్యానర్ లోనే నిర్మించడం విశేషం.
ఒక కొండప్రాంతంలో ఉండే ఊరిలో పోలీస్ స్టేషన్ ఉంటుంది. అక్కడ గొడవలే లేవని పోలీసులు ఖాళీగా ఉండటంతో, ఇక ఆ పోలీస్ స్టేషన్ ఎత్తేయాలి అనుకుంటూ ఉంటారు. ఇదే టైంలో పోలీసులకు ఒకడి తెగిపడిన తల దొరుకుతుంది. ఆ తల ఎవరిది అని ఆరా తీస్తే, అది ముత్తు అనే కిరాతకుడిది అని కొందరు, వాడు అసలు దేవుడి లాంటివాడని మరికొందరు రకరకాలుగా చెబుతుంటారు. అస్సలు ఎవరీ ముత్తు? వాడు మంచోడా లేక క్రిమినలా ? వాడిని అంత దారుణంగా నరికింది ఎవరు? అనేదే ఈ కథలో అసలైన సస్పెన్స్. ఈ కేసును ఇన్వెస్టిగేట్ చేసే ముగ్గురు పోలీసులు ఆ ముత్తు గతాన్ని తవ్వుతుంటే, ఒక్కో ఎపిసోడ్లో ఒక్కో షాకింగ్ విషయం బయట పడుతుంటుంది.
Share
IPL 2026: నేడు RCB, SRH మ్యాచ్ కు వర్షం అడ్డంకి? 300 కొడతామని ఇషాన్ కిషన్ వార్నింగ్
Illu Illalu Pillalu Today Episode: దొంగగా మారిన శ్రీవల్లి.. అర్రె అడ్డంగా ఇరుక్కుందే.. వల్లితో డ్యాన్స్ చేయించిన నర్మద..
