Best Horror Thriller Movies on OTT : వీకెండ్ వచ్చిందంటే చాలు, చాలామంది మొబైల్స్, టీవీల్లో ఏవో ఒక సినిమాలు చూస్తూ టైంపాస్ చేస్తుంటారు. అయితే ఒకవేళ వీకెండ్స్ లో రూమ్ తలుపులన్నీ వేసేసి, లైట్లు ఆపేసి, ఒంటరిగా గూస్బంప్స్ తెప్పించే సినిమాలు చూడాలనుకుంటే మాత్రం ఈ లిస్ట్ మీకోసమే. రాత్రిపూట ఒంటరిగా కూర్చుని వీటిని చూస్తే మాత్రం ప్యాంటు తడిచిపోవడం ఖాయం. గుండె ధైర్యం ఉన్నవాళ్లే ముట్టుకోవాల్సిన ఆరు అదిరిపోయే హారర్ థ్రిల్లర్ సినిమాలు, వాటి స్టోరీలు, అవి దొరికే ఓటీటీల పై ఓ లుక్ వేద్దాం పదండి.
ఇదొక మైండ్ బ్లోయింగ్ మిస్టరీ హారర్ థ్రిల్లర్. ఒక ఊర్లో చిన్న పిల్లలు మాయమైపోతుంటారు. ఆ కేసును ఇన్వెస్టిగేట్ చేసే పోలీస్ ఆఫీసర్ ఇంట్లోనే కొన్ని వింత వింత సంఘటనలు జరుగుతుంటాయి. ఇంట్లో వస్తువులు అవే మాయమవడం, టీవీలు అవే ఆన్ కావడం లాంటివి చూసి దెయ్యం అనుకుంటారు. కానీ క్లైమాక్స్ ట్విస్ట్ చూస్తే మీ మైండ్ బ్లాక్ అయిపోద్ది. అస్సలు ఊహించని రేంజ్లో ఉంటుంది. ఈ సినిమా Airtel Xstream Play లోనూ, జియో సినిమా (JioHotstar) లోనూ స్ట్రీమింగ్ అవుతోంది.
మామూలుగానే హారర్ సినిమాల్లో అరుపులు, కేకలు ఉంటే భయమేస్తుంది. అయితే ఈ సినిమాలో సైలెన్స్ తోనే చంపేస్తారు. ఒక మూగ, చెవుడు ఉన్న అమ్మాయి అడవి మధ్యలో ఒంటరిగా ఇంట్లో బతుకుతుంటుంది. ఒక సైకో కిల్లర్ మాస్క్ వేసుకుని ఆమెను చంపడానికి వస్తాడు. ఆమెకు వినపడదు, మాట్లాడలేదు కాబట్టి ఆ సైకో నుండి ఎలా తప్పించుకుందనేది ఊపిరి బిగబట్టి చూసేలా ఉంటుంది.
ఇక్కడ. ఈ సూపర్ హిట్ హోమ్ ఇన్వేషన్ థ్రిల్లర్ ప్రస్తుతం Amazon Prime Video లో అందుబాటులో ఉంది.
ఇది దెయ్యం సినిమా కాదు, కానీ దెయ్యాల కంటే ఘోరమైన మనుషుల సినిమా. ఒక లవర్స్ జంట వీకెండ్ ఎంజాయ్ చేయడానికి ఒక అందమైన సరస్సు దగ్గరకు వెళ్తారు. అక్కడ కొంతమంది ఆకతాయి కుర్రాళ్లతో వీళ్లకు గొడవ అవుతుంది. ఆ చిన్న గొడవ కాస్తా ఎంత భయంకరమైన వేటకు దారితీసింది అనేది చాలా వయలెంట్గా చూపిస్తారు. క్లైమాక్స్ చూస్తే గుండె బరువెక్కిపోతుంది. సర్వైవల్ థ్రిల్లర్ Amazon Prime Video లో చూడవచ్చు.
ప్రముఖ హారర్ డైరెక్టర్ మైక్ ఫ్లానగన్ తీసిన లో బడ్జెట్ మాస్టర్ పీస్ ఇది. ఇందులో ఒక మహిళ భర్త ఏడేళ్ల క్రితం మాయమైపోతాడు. ఆమె తన చెల్లితో కలిసి ఆ బాధ నుండి బయటపడాలని చూస్తున్న టైంలో, వాళ్ల ఇంటి పక్కన ఉన్న ఒక సొరంగంలో ఏదో వింత శక్తి ఉందని తెలుసుకుంటారు. ఆ టన్నెల్ లోకి వెళ్లిన వాళ్లంతా ఏమైపోతున్నారనేది చాలా భయపెడుతూ సాగుతుంది. ఈ మిస్టరీ హారర్ మూవీ Amazon Prime Video లో అందుబాటులో ఉంది.
ఒక పాతకాలపు అద్దం చుట్టూ తిరిగే కథ ఇది. ఆ అద్దం ఇంట్లోకి వచ్చాక ఒక ఫ్యామిలీ ఎలా నాశనమైంది. తల్లిదండ్రులు ఎలా పిచ్చోళ్లయి చనిపోయారు అనేది స్టోరీ. పెద్దయ్యాక ఒక అన్న చెల్లెలు ఆ అద్దంలో ఉన్న దుష్టశక్తిని అంతం చేయాలని ప్లాన్ చేస్తారు. కానీ ఆ అద్దం వాళ్లతో ఆడుకుంటుంది. ఇందులో ఏది నిజం, ఏది భ్రమ అనేది కనిపెట్టడం అసాధ్యం. ఈ మైండ్ బెండింగ్ హారర్ సినిమా లయన్స్గేట్ ప్లే (Lionsgate Play) లో, అమెజాన్ ప్రైమ్ వీడియోలో లభిస్తుంది.
ఇదొక పాత క్లాసిక్ హారర్ సినిమా. యుద్ధానికి వెళ్లిన ఒక కొడుకు చనిపోయాడని ఇంటికి సమాచారం వస్తుంది. కానీ ఒక రాత్రి ఆ కొడుకు తిరిగి ఇంటికి నడుచుకుంటూ వస్తాడు. కొడుకు వచ్చాడని ఆ ఫ్యామిలీ మురిసిపోతుంది. అయితే అతని ప్రవర్తనలో ఏదో తేడా ఉంటుంది. ఆ ఊర్లో వింత హత్యలు కూడా జరుగుతుంటాయి. ఈ సైకలాజికల్ క్లాసిక్ మూవీ ప్రస్తుతం ప్లెక్స్ (Plex)లో ఫ్రీగా చూడవచ్చు.
Read Also : కంటిమీద కునుకు లేకుండా చేస్తున్న కొరియన్ హారర్లు… వీటి ట్రైలర్లు చూస్తేనే వణికిపోతారు
Share
తోడేలుగా మారిన అక్కను కాపాడుకునేందుకు పోరాడే చెల్లి... ఓటీటీలో వణికిస్తున్న మూవీ
హిమాలయాలలో దొరికిన అస్థిపంజరం... ఓటీటీని షేక్ చేస్తున్న హాలీవుడ్ సస్పెన్స్ థ్రిల్లర్
