Psychological Horror Thriller Movie on OTT : ఓటీటీలోకి ఎన్నో సినిమాలు స్ట్రీమింగ్ కు వస్తుంటాయి. అయితే కొన్ని సినిమాలు ప్రత్యేకత చాటుకుంటాయి. ఎందుకంటే ఆ సినిమాలు థియేటర్లలో అట్టర్ ప్లాప్ అయినా కూడా ఓటీటీలలో బాగా ట్రెండ్ అవుతుంటాయి. ఇప్పుడు మనం చెప్పుకోబోయే సినిమా అలాంటిదే. ఇది మామూలు దెయ్యం సినిమా కాదు.. ఒక రేంజ్ మైండ్ గేమ్ తో సాగుతుంది. స్టార్టింగ్లో పక్కింటి అమ్మాయి మాయమైందని ఒక మాజీ పోలీస్ కేసు ఇన్వెస్టిగేషన్ మొదలుపెడితే, సీన్ కట్ చేస్తే అది కాస్తా ఒక వింత ఆచారంతో భయంకరమైన శక్తి చుట్టూ తిరుగుతుంది. థియేటర్లలో దెబ్బతిన్నా, ఓటీటీలోకి వచ్చాక హారర్ లవర్స్ పిచ్చెక్కిపోయి చూసిన కల్ట్ మూవీ ఇది. ఇక క్లైమాక్స్ ట్విస్ట్ అయితే బుర్ర తిరిగేలా చేస్తుంది.
ఈ అమెరికన్ సైకలాజికల్ హారర్ థ్రిల్లర్ మూవీ పేరు ‘The Empty Man’. 2020లో వచ్చిన ఈ సినిమా డేవిడ్ ప్రయర్ దర్శకత్వంలో తెరకెక్కింది. వనెస్సా ఆర్. డెల్ రే రాసిన ప్రసిద్ధ గ్రాఫిక్ నవల ఆధారంగా ఈ సినిమాను రూపొందించారు. ఇందులో జేమ్స్ బ్యాడ్జ్ డేల్, మారిన్ ఐర్లాండ్, సాషా ఫ్రోలోవా, ఓవెన్ టీగ్ లీడ్ రోల్స్ లో నటించారు. నిజానికి ఈ సినిమా 2020 కరోనా సమయంలో ఎలాంటి ప్రమోషన్లు లేకుండా థియేటర్లలో విడుదల చేశారు. ఫలితంగా బాక్సాఫీస్ వద్ద ఘోరంగా పరాజయం పాలైన ఈ చిత్రం, ఆ తర్వాత ఓటీటీ ప్లాట్ఫారమ్లలోకి వచ్చాక దాని మేకింగ్ శైలి కారణంగా హారర్ ప్రేమికుల ఆదరణ పొంది ఒక కల్ట్ క్లాసిక్ గా నిలిచింది. ప్రస్తుతం ఈ సినిమా ప్రైమ్ వీడియో, ఆపిల్ టివిలలో అందుబాటులో ఉంది.
ఈ సినిమా కథ 1995లో భూటాన్ పర్వతాల్లో మొదలవుతుంది. నలుగురు స్నేహితులు ట్రెకింగ్కు వెళ్ళినప్పుడు, వారిలో పాల్ అనే వ్యక్తి అనుకోకుండా ఒక లోతైన గుహలో పడిపోతాడు. అక్కడ ఒక వింతైన అస్థిపంజరం చూసిన తర్వాత అతను దెయ్యం పట్టినట్లుగా మారిపోతాడు. కొద్దిరోజులకే అతని స్నేహితులంతా వింత పరిస్థితుల్లో చనిపోతారు. ఆ తర్వాత కథ 2018లో అమెరికాలోని మిస్సోరీకి మారుతుంది. జేమ్స్ అనే ఒక మాజీ పోలీస్ ఆఫీసర్ తన భార్యాపిల్లలను కోల్పోయిన బాధలో ఒంటరిగా బతుకుతుంటాడు. ఒకరోజు అతని పక్కింటి అమ్మాయి అమండా హఠాత్తుగా మాయమవడంతో, ఆమెను వెతకడం కోసం జేమ్స్ రంగంలోకి దిగుతాడు.
అమండాను వెతికే క్రమంలో ఆమె స్నేహితులంతా ఒక వంతెనపైకి వెళ్ళి, ‘ఎంప్టీ మ్యాన్’ అనే ఒక భయంకరమైన శక్తిని పిలిచే వింత ఆచారం చేసినట్లు జేమ్స్ తెలుసుకుంటాడు. ఆ శక్తిని పిలిచిన మూడు రోజుల్లోనే ఆ పిల్లలంతా ఒక్కొక్కరుగా వింతగా ఆత్మహత్యలు చేసుకుని చనిపోతారు. దీని వెనుక ఒక ప్రమాదకరమైన కల్ట్ ఉందని, వాళ్ళు ఒక దైవిక శక్తిని భూమిపైకి తేవడానికి ప్రయత్నిస్తున్నారని జేమ్స్ తెలుసుకుంటాడు. చివరకు ఆ ముఠా అసలు ప్లాన్ ఏంటి ? తన జీవితానికి ఆ ఎంప్టీ మ్యాన్కు ఉన్న సంబంధం ఏమిటి ? అనేడి జేమ్స్ తెలుసుకోవడమే ఈ సినిమా కథ.
Read Also : ఆత్మల సాయంతో మర్డర్ ఇన్వెస్టిగేషన్… ఊహించని మలుపులతో సాగే మైండ్ బ్లోయింగ్ సిరీస్
Share
ఓటీటీలో క్షణ క్షణం భయం పుట్టించే హారర్ థ్రిల్లర్లు... వీకెండ్ లో వీటిని చూస్తే భలే మజా
ద్వీపంలో చిక్కుకునే చిన్నపిల్లలు... చూస్తున్నంత సేపు ఒళ్ళు గగుర్పొడిచే ఉత్కంఠభరితమైన సిరీస్
