ఓటీటీలో దుమ్మురేపుతున్న మలయాళం థ్రిల్లర్లు… అన్నీ తెలుగులోనే

Best Malayalam Thrillers : మలయాళ సినిమా థ్రిల్లర్ జానర్‌లో తనదైన మార్క్ సృష్టిస్తోంది. సస్పెన్స్, మైండ్ గేమ్స్, యాక్షన్, ఎమోషనల్ డెప్త్‌తో నిండిన మాలీవుడ్ చిత్రాలు ఓటీటీలో ప్రేక్షకులను తెగ ఆకట్టుకుంటున్నాయి. ఇక్కడ ఈ ఏడాది హైలైట్ అయిన టాప్ 5 మలయాళం థ్రిల్లర్ సినిమాల వివరాలను తెలుసుకుందాం. మలయాళం మూవీ లవర్స్ ఓటీటీలో మిస్ అవ్వకుండా చూడాల్సిన బెస్ట్ న్యూ మూవీస్ ఏంటి అంటే…

1. వలతు వశతే కల్లాన్ (Valathu Vashathe Kallan)

ఇదొక గ్రిప్పింగ్ క్రైమ్ ఇన్వెస్టిగేషన్ డ్రామా. బిజు మీనన్ ప్రధాన పాత్రలో నటించిన ఈ చిత్రంలో అవినీతి పోలీస్ ఆఫీసర్ ఒక సాధారణ వ్యక్తి కుమార్తె అనుమానాస్పద మృతి కేసును దర్యాప్తు చేస్తాడు. విచారణ లోతుగా వెళ్లే కొద్దీ ఆ అధికారి షాకింగ్ గతం, కుటుంబ రహస్యాలు, నైతికత vs నేరం మధ్య జరిగే మైండ్ గేమ్‌లు ఉత్కంఠభరితంగా సాగుతాయి. జీతూ జోసెఫ్ స్క్రీన్‌ప్లే ఈ చిత్రానికి బలం చేకూర్చింది. సస్పెన్స్ థ్రిల్లర్ ఫ్యాన్స్‌కు ఈ మూవీ ఐ ఫీస్ట్. ManoramaMAXలో ఈ మూవీ అందుబాటులో ఉంది.

2. పాట్రియాట్ (Patriot)

మలయాళ సూపర్ స్టార్స్ మమ్ముట్టి, మోహన్‌లాల్, ఫహద్ ఫాజిల్లు కలిసి నటించిన హై-వోల్టేజ్ పొలిటికల్ స్పై థ్రిల్లర్. మహేష్ నారాయణన్ దర్శకత్వం వహించిన ఈ చిత్రం దేశ భద్రతకు ముప్పుగా మారే అంతర్జాతీయ డిజిటల్ సర్వైలెన్స్ కుట్ర, సీక్రెట్ ఏజెంట్లు సమయంతో పోటీ పడుతూ ఆ కుట్రను ఎలా ఛేదించారనే స్టోరీతో నడుస్తుంది. హై టెన్షన్ యాక్షన్ సీక్వెన్స్‌లతో ఈ మూవీ ఆకట్టుకుంటుంది. థియేటర్లలో భారీ వసూళ్లు సాధించిన ఈ చిత్రం బిగ్ బడ్జెట్ స్పై థ్రిల్లర్‌గా గుర్తింపు పొందింది. ZEE5 ప్లాట్‌ఫామ్‌లో స్ట్రీమింగ్ అవుతోంది.

3. కట్టాలన్ (Kattalan)

దట్టమైన అడవుల నేపథ్యంలో సాగే ఈ యాక్షన్ క్రైమ్ థ్రిల్లర్ ఇది. ఏనుగు దంతాల స్మగ్లింగ్ మాఫియా, క్రూరమైన వేటగాడు, వారిని అడ్డుకోవాలని చూసే ఫారెస్ట్ అధికారుల మధ్య జరిగే పగ, మనుగడ పోరాటం ఈ చిత్రం ముఖ్యాంశం. అడవి వాతావరణం, హై యాక్షన్ సీక్వెన్స్‌లు, ఎకాలజీ-క్రైమ్ కలయిక ఈ చిత్రాన్ని ప్రత్యేకం చేశాయి. సస్పెన్స్‌తో పాటు వైల్డ్ లైఫ్ థ్రిల్ ఇష్టపడేవారికి ఇది మస్ట్ వాచ్ లిస్ట్ లో ఉండాల్సిందే. మే 28 న థియేటర్లలోకి వచ్చిన ఈ మూవీ ఓటీటీ స్ట్రీమింగ్ డీటైల్స్ ఇంకా వెల్లడి కావలసి ఉంది.

4. దృఢం (Dridam)

ఇదొక పోలీస్ ఎమోషనల్ అండ్ సస్పెన్స్ డ్రామా. కొత్తగా బాధ్యతలు చేపట్టిన ఎస్ఐకి అసలు క్రైమ్ రేట్ పెద్దగా లేని ఊర్లో పోస్టింగ్ వస్తుంది. దీంతో ఆ పోలీస్ తెగ సంతోషపడిపోతాడు. కానీ తీరా కొన్ని రోజుల్లోనే ఆయన ఆనందాన్ని ఆవిరి చేసే సంఘటనలు చోటు చేసుకుంటాయి. వరుస మర్డర్స్, బ్యాంక్ దోపీడీ ఆ ఊర్లో అల్లకల్లోలం సృష్టిస్తాయి. ఈ సస్పెన్స్ థ్రిల్లర్ ప్రస్తుతం జియో హాట్ స్టార్ (JioHotstar) లో స్ట్రీమింగ్ అవుతోంది.

5. భరతనాట్యం 2 మోహినియాట్టం (Bharathanatyam 2: Mohiniyattam )

ఇదొక సైకలాజికల్ హర్రర్ డ్రామా. ఓ అమాయకపు ఫ్యామిలీ అనుకోకుండా తమను వేధిస్తున్న వాడిని మర్డర్ చేస్తారు. ఆ తరువాత బాడీని దాచడానికి వాళ్ళు చేసే పనులు నవ్వులు పూయిస్తాయి. క్లైమాక్స్ వరకు ఎక్కడా బోర్ కొట్టకుండా సాగే ఈ కామెడీ కథ ఫ్యామిలీతో కలిసి చూడడానికి బాగుంటుంది. ఈ మూవీ నెట్ ఫ్లిక్స్ (Netflix) లో స్ట్రీమింగ్ అవుతోంది.