Thriller Movie : కొన్ని సినిమాలను ఒక్కసారి చూస్తే ఎంతకాలమైనా మర్చిపోలేము. అలాంటి చెరగని ముద్ర వేసే కథలు చాలా అరుదుగా వస్తూ ఉంటాయి. అలాంటి సినిమాలలో ‘యూ-టర్న్’ (U-Turn) అనే మూవీ కూడా ఉంటుంది. ఈ కన్నడ సినిమాను తెలుగులోనూ అదే పేరుతో రీమేక్ చేశారు. ఇందులో సమంత ప్రధాన పాత్రలో నటించారు. మరి ఈ సూపర్ హిట్ మిస్టరీ సస్పెన్స్ థ్రిల్లర్ సినిమా స్టోరీ ఏంటో తెలుసుకుందాం పదండి.
ఒక లీడింగ్ న్యూస్ పేపర్ లో ఇంటర్న్ గా పని చేసే జర్నలిస్ట్ రచన (సమంత). హైదరాబాద్లోని ఒక బిజీ ఫ్లైఓవర్ పై డివైడర్లని జరిపి, అక్రమంగా ‘యూ-టర్న్’ తీసుకునే వారిపై ఒక ఇన్వెస్టిగేటివ్ ఆర్టికల్ రాయాలని ఆమె నిర్ణయించుకుంటుంది. అందుకోసం ఒక ట్రాఫిక్ పోలీస్ సహాయంతో, ఆ ఫ్లైఓవర్ పై అక్రమంగా యూ-టర్న్ తీసుకున్న వాహనాల నంబర్లను, వాటి యజమానుల అడ్రస్ లను సేకరిస్తూ ఉంటుంది. అయితే ఇక్కడే కథ ఊహించని మలుపు తీసుకుంటుంది. ఆ లిస్ట్లో ఉన్న మొదటి వ్యక్తిని ఇంటర్వ్యూ చేయడానికి రచన అతని ఇంటికి వెళ్తుంది. కానీ అతను ఇంట్లో ఉండడు. ఆ రోజే రాత్రి పోలీసులు రచనను అరెస్ట్ చేస్తారు. కారణం… ఆమె కలవడానికి వెళ్లిన వ్యక్తి అదే రోజు రాత్రి అనుమానాస్పద స్థితిలో ఆత్మహత్య చేసుకుని ఉంటాడు.
ఆ మరణంతో రచనకు సంబంధం ఉందనే అనుమానంతో పోలీస్ ఆఫీసర్ నాయక్ (ఆది పినిశెట్టి) ఆమెను విచారిస్తాడు. ఇన్వెస్టిగేషన్ లో భాగంగా రచన తన వద్ద ఉన్న లిస్ట్ను నాయక్కు చూపిస్తుంది. దీంతో ఆ లిస్ట్లో ఉన్న మిగతా వ్యక్తులని వెతుక్కుంటూ వెళ్లగా, ఊహించని షాకింగ్ ట్విస్ట్ ఎదురవుతుంది. ఆ ఫ్లైఓవర్ పై యూ-టర్న్ తీసుకున్న ప్రతి ఒక్కరూ అదే రోజు రాత్రి ఆత్మహత్య చేసుకుని చావడం అందర్నీ ఆశ్చర్య పరుస్తుంది.
అంతుచిక్కని ఈ మిస్టరీ వెనుక ఏదో ఒక అదృశ్య శక్తి దాగి ఉందనే కోణంలో ఇన్వెస్టిగేషన్ టర్న్ తీసుకుంటుంది. మరి ఇంతకీ ప్రమాదలకు కారణం ఎవరు ? ఆ అదృశ్య శక్తి ఎవరు ? చివరకు రచన తన తెలివితేటలతో, నాయక్ సహాయంతో ఆ ఆత్మకు ఎలా శాంతి చేకూర్చింది ? ఆ ఫ్లైఓవర్ పై ప్రమాదాలకు ఎలా ముగింపు పలికింది ? అనేదే ఈ సినిమా కథ.
ఈ సినిమా ప్రస్తుతం Amazon Prime Video, Netflix లలో తెలుగులో స్ట్రీమింగ్ అవుతోంది. సమంత, ఆది పినిశెట్టి, రాహుల్ రవీంద్రన్, భూమిక చావ్లా, నరేంద్ర ప్రసాద్ ఇందులో ప్రధాన పాత్రలు పోషించారు. పవన్ కుమార్ దర్శకత్వం వహించారు. ఈయనే కన్నడ ఒరిజినల్ వెర్షన్ను కూడా డైరెక్ట్ చేశారు.
Read Also : జైలులోనే అతి కిరాతకంగా హత్య… సైకో కిల్లర్ కు చెక్ పెట్టే లేడీ కిలాడీ
Share
ఓటీటీలో దుమ్మురేపుతున్న మలయాళం థ్రిల్లర్లు... అన్నీ తెలుగులోనే
ట్విన్ సిస్టర్ చావు వెనకున్న సీక్రెట్... సైకోకు చుక్కలు చూపించే చూపులేని అమ్మాయి
