OTT Movie : ఓటీటీలోకి క్రైమ్ థ్రిల్లర్ సినిమాలు వెల్లువలా వచ్చి పడుతున్నాయి. వీటిని భాషతో పని లేకుండా సబ్ టైటిల్స్ తో సరిపెట్టుకుని చూస్తున్నారు. ముఖ్యంగా మలయాళం సినిమాలను వదిలిపెట్టకుండా చూస్తున్నారు. ఇక వీటిలో పాతవి, కొత్తవి అనే పని లేకుండా నచ్చిన కంటెంట్ ను వదలటం లేదు. ఈ నేపథ్యంలో కోవిడ్ కారణంగా థియేటర్ రిలీజ్ కాకుండా, ఓటీటీలో రిలీజ్ అయిన పృథ్వీరాజ్ సుకుమారన్ నటించిన ఒక సినిమా గురించి చెప్పుకోవాల్సిందే. ఈ కథలో ఒక ఆత్మ కిల్లర్ ని పట్టిస్తుంది. సస్పెన్స్, హారర్ ఎలిమెంట్స్ తో ఈ సినిమా ఇంట్రెస్టింగ్ గా ఉంటుంది. ఈ సినిమా పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..
‘కోల్డ్ కేస్’ (Cold case) 2021లో వచ్చిన మలయాళం క్రైమ్ థ్రిల్లర్ సినిమా. తాను బాలక్ దీనికి దర్శకత్వం వహించారు. పృథ్వీరాజ్ సుకుమారన్, అదితి బాలన్ ఇందులో ప్రధాన పాత్రల్లో నటించారు. ఇది 2021 జూన్ 30న అమెజాన్ ప్రైమ్ వీడియోలో నేరుగా రిలీజ్ అయింది. IMDbలో ఇది 6.1/10 రేటింగ్ ను పొందింది.
మేధా అనే జర్నలిస్ట్ కొచ్చి లో జీవిస్తుంటుంది. ఆమె భర్తతో విడిపోయి, తన కూతురుతో ఉంటుంది. కొత్త జీవితం స్టార్ట్ చేయాలని, ఒక కొత్త ఇంటికి మారుతుంది. అయితే ఆ ఇంట్లో వింత సంఘటనలు మొదలవుతాయి. భయంకర శబ్ధాలు, ఆకారాలు కనిపిస్తాయి. దీంతో మేధాకు బాగా భయమేస్తుంది. కానీ ఆమె జర్నలిస్ట్ కాబట్టి, ఈ భూతాల గురించి తెలుసుకోవాలని అనుకుంటుంది. ఆ భూతం ఒక చంపబడిన మహిళ ఆత్మ అని తెలుస్తుంది. ఆ మహిళ గతంలో జర్నలిస్ట్గా, ఒక పెద్ద సీక్రెట్ బయటపెట్టాలని ట్రై చేసి మర్డర్ అయింది. ఇప్పుడు మేధా ఈ కేస్ గురించి రీసెర్చ్ మొదలుపెడుతుంది.
Read Also : మొగుడు పోగానే క్యూ కట్టే కేటుగాళ్ళు… డబ్బు కోసం అంతమందితో… అలాంటి సీన్లున్న సినిమానే
ఈ సమయంలో సత్యజిత్ అనే ACP పోలీసు ఆఫీసర్ ఒక పాత మర్డర్ కేస్ను ఇన్వెస్టిగేట్ చేస్తుంటాడు. కొన్ని రోజుల క్రితం ఒక మహిళ శవం వాటర్లో దొరుకుతుంది, అది పది ఏళ్ల పాత కేస్తో మ్యాచ్ అవుతుంది. సత్యజిత్ ఈ కేస్ను ఇన్వెస్టిగేషన్ చేస్తున్నప్పుడు, మేధా ఇంట్లో భూతాలు ఆమెను ఈ కేస్ వైపు నడిపిస్తాయి. మేధా, సత్యజిత్ కలిసి ఈ కేస్ను సాల్వ్ చేయడానికి ట్రై చేస్తారు. కేస్లో పవర్ ఫుల్ వ్యక్తులు ఉన్నారని తెలుస్తుంది. మేధా ఇంట్లో భూతాలు ఆమెకు క్లూస్ ఇస్తాయి. మరోవైపు సత్యజిత్ పోలీసు ఇన్వెస్టిగేషన్తో ముందుకు వెళ్తాడు. ఈ విచారణలో షాకింగ్ విషయాలు బయట పడతాయి. మేధా ఇంట్లో చనిపోయిన మహిళని చంపిందెవరో తెలిసిపోతుంది. చివరికి సత్యజిత్ హంతకులకు శిక్ష పడేలా చేస్తాడా ? మేధా ఇంట్లో ఉన్న ఆత్మ శాంతిస్తుందా ? అనే విషయాలను, ఈ సినిమాను చూసి తెలుసుకోవాల్సిందే.
Share
Nagarjuna 100: నాగార్జున లాటరీ కింగ్ నుంచి టబు ఔట్.. రేస్ లోకి మరో స్టార్?
Japan Ice Cream Company: ఐస్ క్రీమ్ ధర రూ.5కు పెంచినందుకు క్షమాపణలు చెప్పిన సంస్థ.. అబ్బా ఏం వినయం!
