Crime Thriller Series OTT : గత ఏడాది వచ్చిన ఒక హాలీవుడ్ క్రైమ్ థ్రిల్లర్ ఓటీటీలో మంచి రేటింగ్ తో ఆకట్టుకుంటోంది. ఒక మిస్సింగ్ కేసుతో ఈ సిరీస్ చాలా ఉత్కంఠభరితంగా సాగుతుంది. ఈ కథ మెల్లగా మొదలై, ఒక్కో క్లూ దొరుకుతుంటే టెన్షన్ పెరుగుతుంది. ఒక అరగంట చూశాక అసలు ఏం జరుగుతుందో తెలుసుకోవాలనే క్యూరియాసిటీ పీక్స్కి వెళ్తుంది. ఇందులో విలన్ ను పట్టుకోవడం ఒక ఎత్తు అయితే, వాడు ఎందుకు ఇలా చేస్తున్నాడని కనిపెట్టడం ఇంకో ఎత్తు. ఇన్వెస్టిగేషన్ క్రైమ్ థ్రిల్లర్ లను ఇష్టపడేవాళ్ళకు ఇది ఒక మంచి ఆప్షన్. దీనిని ఐయండిబిలో 8.1 రేటింగ్ ఉందంటే కంటెంట్ ఎంత గట్టిగా ఉంటుందో ఇట్టే పట్టేయచ్చు.
ఈ క్రైమ్ థ్రిల్లర్ సిరీస్ పేరు “డిపార్ట్మెంట్ క్యూ” (Dept. Q). ఇందులో మాథ్యూ గూడ్ ప్రధాన పాత్రలో నటించారు. ఇతర ముఖ్య పాత్రల్లో అలెగ్సీ మాన్వెలోవ్, కెల్లీ మెక్డొనాల్డ్ నటించారు. ఇందులో మెయిన్ హీరోగా నటించిన మాథ్యూ గూడ్ తన నటనతో అదరగొట్టాడు. సీరియస్ గా ఎవరితోనూ కలవని డిటెక్టివ్ పాత్రలో అతను ఒదిగిపోయాడు. అతని బాడీ లాంగ్వేజ్, డైలాగ్ డెలివరీ ఈ సిరీస్కు మెయిన్ హైలైట్. ఇక దీనిని స్కాట్ ఫ్రాంక్ డైరెక్ట్ చేశారు. ఇతను గతంలో నెట్ఫ్లిక్స్లో సూపర్ హిట్ అయిన ‘ది క్వీన్స్ గాంబిట్’ (The Queen’s Gambit) అనే సిరీస్ను తీసిన డైరెక్టరే. అందుకే మేకింగ్ క్వాలిటీ విషయంలో ఎక్కడా రాజీ పడలేదు. మొదటి సీజన్లో మొత్తం 8 ఎపిసోడ్లు ఉన్నాయి. మీరు ఒక్కసారి చూడటం మొదలుపెడితే ఆపకుండా చూసేలా గ్రిప్పింగ్గా ఉంటుంది. ఈ సూపర్ హిట్ వెబ్ సిరీస్ 2025 మే లో నెట్ఫ్లిక్స్ (Netflix)లో విడుదలైంది.
ఇందులో కార్ల్ మోర్క్ ఒక పవర్ ఫుల్ పోలీస్ ఆఫీసర్. కానీ ఒక పెద్ద షూటౌట్లో అతని టీమ్ మొత్తం దెబ్బతింటుంది. ఒక పార్ట్నర్ చనిపోతే ఇంకొకడు మంచాన పడతాడు. ఆ గిల్టీతో బాధపడుతున్న కార్ల్ను డిపార్ట్మెంట్లోని పెద్దలు తప్పుపట్టి, ఎవరికీ కనిపించని ఒక అండర్ గ్రౌండ్ బేస్మెంట్లోకి పంపిస్తారు. అక్కడ దుమ్ము పట్టి ఉన్న పాత ఫైళ్లు, అంటే ఎవరూ సాల్వ్ చేయలేని పాత కేసులను క్లియర్ చేయమని చెబుతారు. ఇప్పుడు కార్ల్ దీన్నే ఒక ఛాలెంజ్గా తీసుకుంటాడు. అక్కడే అతనికి అక్రమ్ అనే ఒక తెలివైన కుర్రాడు తోడవుతాడు. వీళ్లిద్దరూ కలిసి ఒక ఐదేళ్ల క్రితం మాయమైపోయిన ఒక పెద్ద లేడీ లాయర్ కేసును డీల్ చేస్తారు.
అయితే అందరూ ఆమె చనిపోయిందని మర్చిపోయినా, కార్ల్ మాత్రం ఏదో తేడా ఉందని కనిపెడతాడు. ఆ ఫైళ్లను తిరగేస్తుంటే అది మామూలు కిడ్నాప్ కాదని, దీని వెనుక ఎవరో పెద్ద తలకాయలు ఉన్నారని, చాలా కాలంగా ప్లాన్ చేసి ఆమెను ఒక నరకంలో బంధించారని అర్థమవుతుంది. పై అధికారులు వద్దన్నా వినకుండా కార్ల్ తన స్టైల్లో వేట మొదలుపెడతాడు. క్లూస్ కోసం గాలిస్తూ, నిందితుడి మైండ్ సెట్ను పట్టుకోవడానికి ట్రై చేస్తాడు. చివరకు ఆ లేడీ ఎక్కడ ఉంది? ఆమెను బంధించింది ఎవరు? అంత పగ ఎందుకు? అనేదే ఈ వెబ్ సిరీస్ క్లైమాక్స్. మెల్లగా మొదలై చివర్లో అదిరిపోయే ట్విస్టులతో ఈ క్రైమ్ థ్రిల్లర్ సాగుతుంది.
Read Also : చచ్చినోళ్ళు హత్యలు చేస్తూ డిటెక్టివ్ లకే ముప్పుతిప్పలు పెట్టే కేసు… ఓటీటీలో అదరగొడుతున్న సిరీస్
Share
నెట్ ఫ్లిక్స్ లో చూడాల్సిన బెస్ట్ యాక్షన్ మూవీస్... వీటిని చూడటం స్టార్ట్ చేస్తే ఆపలేరు
ఐదు రోజులకొక హత్య చేసే సైకో కిల్లర్... తాగుబోతు డిటెక్టివ్ ఇన్వెస్టిగేషన్... మైండ్ బ్లోయింగ్ క్లైమాక్స్
