Horror Thriller OTT: నాస్తికులు దేవుళ్ళను దెయ్యాలను నమ్మరన్న విషయం తెలిసిందే. అయితే చాలామంది చదువుకున్న వాళ్ళు సైతం ఇలాగే ఆలోచిస్తారు. మరి అలాంటి వాళ్ళకు దెయ్యాలు కన్పిస్తే ? ఏకంగా ఒక ఐఏఎస్ ఆఫీసర్ ను వణికించే భయంకరమైన సంఘటనలు చోటు చేసుకుంటే… ఊరిని డెవలప్ చేయడానికి మైనింగ్ స్టార్ట్ చేసినప్పుడు రాక్షసుడి తల బయట పడి, శాపం వెంటాడితే… ఎలా ఉంటుందో తెలుసుకోవాలా ? అయితే ‘దహన్: రాకన్ కా రహస్య’ (Dahan Raakan Ka Rahasya) సిరీస్ మీ కోసమే. 2022లో విడుదలై ఓటీటీలో భారీ సంచలనం సృష్టించిన మలయాళ సూపర్ నేచురల్ హారర్ మిస్టరీ థ్రిల్లర్ సిరీస్ ఇది. మరి ఇంతకీ సిరీస్ ను ఎక్కడ చూడవచ్చు ? తెలుగులో ఉందా ? అనే విషయాలను తెలుసుకుందాం పదండి.
రాజస్థాన్లోని శిలాస్పురా అనే మారుమూల గ్రామంలో కథ సాగుతుంది. ఈ గ్రామంలో మూఢ నమ్మకాలు, ఆచారాలు ఎక్కువగా ఉంటాయి. ఈ క్రమంలోనే మరోవైపు ఐఏఎస్ అధికారిణి అయిన అవని రౌత్ పై అవినీతి ఆరోపణలు వస్తాయి. వాటిని పోగొట్టుకోవడానికి ఈ గ్రామానికి బదిలీపై వస్తుంది. ఆమె గ్రామ అభివృద్ధి కోసం గని తవ్వకాలను ప్రారంభించాలని నిర్ణయిస్తుంది. కానీ గ్రామ పెద్ద స్వరూప్, స్థానికులు ఈ పనికి తీవ్రంగా వ్యతిరేకతను తెలియజేస్తారు.
ఆ గని కింద ‘రాకన్’ అనే పురాతన రాక్షసుడి తలను దాచారని, ఒకవేళ గనిని తవ్వితే ఆ రాక్షసుడు మేల్కొని సర్వనాశనం చేస్తాడని వాళ్ళంతా నమ్ముతారు. అవని ఈ మూఢనమ్మకాలను కొట్టిపారేసి మైనింగ్ పనులను మొదలు పెడుతుంది. గని తవ్వకాలు ప్రారంభమైన తర్వాత గ్రామంలో వింత వింత సంఘటనలు, ఘోరమైన హత్యలు, విచిత్రమైన వైరస్ వ్యాపించడం మొదలవుతాయి. అవని మొదట్లో ఇవన్నీ సైంటిఫిక్ కారణాల వల్ల జరుగుతున్నాయని భావిస్తుంది.
కానీ క్రమంగా ఆమెకు ఆ గ్రామంలో దాగి ఉన్న ప్రాచీన రహస్యాలు బయట పడతాయి. రేఖ వంటి సాధువైన అమ్మాయి తన గ్రామాన్ని రక్షించడానికి ప్రయత్నిస్తుంది. ఆమె తల్లి రాజేశ్వరి ఆత్మ కూడా ఆమెకు సహాయం చేస్తుంది. రేఖకు ఉన్న శక్తులు ఏంటి ? చివరికి వాటిని ఎలా వాడుకుంది ? తాంత్రిక శక్తులను ఉపయోగించి విగతిని ఎలా అంతం చేసింది ? క్లైమాక్స్ ట్విస్ట్ ఏంటి ? ఆ గ్రామాన్ని కాపాడడానికి ఏం చేశారు ? వైరస్ ను ఎలా అంతం చేశారు ? అన్నది తెలియాలంటే ఈ మూవీని చూడాల్సిందే.
‘దహన్ రాకన్ కా రహస్య’ అనే ఈ హారర్ సిరీస్ అద్భుతంగా ఉంటుంది. టిస్కా చోప్రా, సౌరభ్ శుక్ల ప్రధాన పాత్రలు పోషించారు. Jio Hotstarలో తెలుగు ఆడియోతో అందుబాటులో ఉంది. హారర్ థ్రిల్లర్ మూవీ లవర్స్ డోంట్ మిస్. ముఖ్యంగా దేవుళ్ళు, దెయ్యాలని నమ్మని వాళ్ళు చూడాల్సిన సిరీస్ ఇది.
Read Also: ఈ పొగను పీలిస్తే పోతారు మొత్తం పోతారు… దిమ్మతిరిగే కొరియన్ మిస్టరీ హర్రర్ సిరీస్
Share
Venuswamy : ఎన్టీఆర్ నుంచి రాజమౌళి వరకు.. సెలబ్రిటీల జోస్యం చెప్పిన వేణుస్వామి..
Hyderabad: తెలంగాణలో విద్యార్థులకు శుభవార్త.. జూలై 10 నుంచి మూడు రోజులు సెలవులు, కాకపోతే
