Family Drama Movie on OTT : ఓటీటీలోకి ఒక మరాఠీ ఫ్యామిలీ డ్రామా స్ట్రీమింగ్ కు వచ్చింది. ఇది ఒక చూడచక్కని మిడిల్ క్లాస్ రియలిస్టిక్ ఉమెన్ సెంట్రిక్ ఫ్యామిలీ డ్రామా సినిమా. ఎటువంటి కమర్షియల్ హంగులు, అతి లేకుండా.. ఒక సాధారణ మధ్యతరగతి కుటుంబంలోని ఇద్దరు అక్కాచెల్లెళ్ల మధ్య ఉండే ఇగో, చిన్ననాటి మనస్పర్థలతొ స్టోరీ తిరుగుతుంది. సినిమా మామూలుగా మొదలైనప్పటికీ, స్టోరీ ముందుకు సాగే కొద్దీ ఒక ఎమోషనల్ స్లో-బర్న్ మిస్టరీలా మారి ప్రేక్షకులను ఆకట్టుకుంటుంది. ఫ్యామిలీ తో కలసి చూస్తే మరింత ఎంజాయ్ చెయ్యచ్చు ఈ సినిమాని. దీని పేరు ? ఏ ఓటీటీలోకి వచ్చింది ? అనే వివరాల్లోకి వెళ్తే..
ఈ మరాఠీ ఫ్యామిలీ డ్రామా మూవీ పేరు ‘తీఘీ’ (Tighee). ఇది 2026 మార్చి 6న అంతర్జాతీయ మహిళా దినోత్సవం సందర్భంగా థియేటర్లలో విడుదలై ప్రశంసలు పొందింది. జీజీవిషా కాలే దర్శకత్వం వహించిన ఈ సినిమాలో భారతి అచ్రేకర్, నేహా పెండ్సే బయాస్, సోనాలి కుల్కర్ణి ప్రధాన పాత్రలు పోషించారు. మే 15 నుంచి, అంటే ఈ రోజు నుంచి ఈ చిత్రం ZEE5 ఓటీటీలో స్ట్రీమింగ్ అవుతోంది. మధ్యతరగతి కుటుంబాలలోని ఎమోషన్స్ ను చాలా రియలిస్టిక్ గా చూపించినందుకు ఈ సినిమాకు విమర్శకుల నుండి మంచి ప్రశంసలు లభించాయి. నటీమణుల నటన, మిలింద్ జోగ్ సినిమాటోగ్రఫీ ఈ సినిమాకు ప్రధాన బలంగా నిలిచాయి. దీనికి ఐయండిబిలో 8.5 రేటింగ్ ఉందంటే ఈ సినిమా ఏ పాటిదో ఇట్టే తెలుస్తోంది.
ఈ సినిమా కథ ఒక మామూలు మధ్యతరగతి కుటుంబం చుట్టూ తిరుగుతుంది. కథలో ముగ్గురు మహిళలు ఉంటారు. తల్లి హేమలత (భారతి అచ్రేకర్), పెద్ద కూతురు స్వాతి (నేహా పెండ్సే), చిన్న కూతురు సారిక (సోనాలి కుల్కర్ణి). స్వాతి, సారిక ఇద్దరూ చిన్నప్పుడే మనస్పర్థల వల్ల ఒకరితో ఒకరు మాట్లాడుకోకుండా చాలా ఏళ్లుగా దూరంగా ఉంటారు. పెద్ద కూతురు స్వాతి వేరే నగరానికి వెళ్లి తన ఉద్యోగం, కెరీర్ ఒత్తిడిలో మునిగిపోతుంది. చిన్న కూతురు కూడా తన జీవితంలో బిజీగా ఉంటుంది. ఇలాంటి సమయంలో, ఊర్లో ఒంటరిగా ఉంటున్న వాళ్ళ తల్లి హేమలతకు హఠాత్తుగా తీవ్రమైన గుండె జబ్బు వస్తుంది. ఆమె పరిస్థితి విషమంగా ఉందని తెలిసి, ఇష్టం లేకపోయినా ఇద్దరు అక్కాచెల్లెళ్లు తమ తల్లి ఇంటికి తిరిగి రావాల్సి వస్తుంది.
చాలా ఏళ్ల తర్వాత ఒకే ఇంట్లో, తల్లి పక్కన చేరిన స్వాతి, సారికలకు మొదట్లో అస్సలు పడదు. చిన్నప్పటి పాత గొడవలు, ఈర్ష్యలు, కెరీర్ గురించిన ఇన్సెక్యూరిటీస్ వల్ల ఇద్దరి మధ్య మళ్లీ వాదనలు మొదలవుతాయి. అయితే తల్లి ఆరోగ్యం క్షీణిస్తున్న కొద్దీ.. ఆమెను చూసుకోవడం కోసం ఇద్దరూ కలిసి పని చేయక తప్పని పరిస్థితి వస్తుంది. ఈ క్రమంలో వారి తల్లి హేమలత గత కొన్ని సంవత్సరాలుగా ఎవరికీ చెప్పకుండా దాచిన ఒక పెద్ద కుటుంబ రహస్యం బయటపడుతుంది. దీంతో స్టోరీ మరింత ఆసక్తికరంగా సాగుతుంది. ఆ రహస్యం ఏమిటి ? వీళ్ళ గోడవలకు దానికి లింకు ఏమిటి ? ఈ కథ ఎలా ముగుస్తుంది ? అనే విషయాలను ఈ సినిమాను చూసి తెలుసుకోవాల్సిందే.
Read Also : హుండీ ఆదాయం కోసం నకిలీ దేవాలయం… ఓటీటీలో ఆకట్టుకుంటున్న మలయాళ డార్క్ కామెడీ థ్రిల్లర్
Share
వామ్మో నరేష్ కొన్న కారు అన్ని కోట్లా ..!
థియేటర్లలో పాటు ఓటీటీలను షేక్ చేసిన దమ్మున్న సినిమాలు... వీటి క్లైమాక్స్ తో పూనకాలు పక్కా
