OTT Movie : హిల్ స్టేషన్ లో ఇల్లు… చేయకూడని పని చేసి అడ్డంగా బుక్కయ్యే అబ్బాయి… స్పైన్ చిల్లింగ్ కొరియన్ థ్రిల్లర్

OTT Movie : ఒక కొరియెన్ సినిమా, ఊహకందని ట్విస్ట్‌లతో మతిపోగొడుతోంది. ఈ సినిమాలో సన్నివేశాలు చివరి వరకూ అంత తేలిగ్గా అర్థం కావు. ఒక వ్యక్తికి తన మెమొరీ లాస్ అవ్వడంతో, ఈ స్టోరీ ఆసక్తికరంగా నడుస్తుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే ..

నెట్‌ఫ్లిక్స్‌ (Netflix)లో

ఈ కొరియెన్ మిస్టరీ థ్రిల్లర్ మూవీ పేరు ‘ఫర్గాటెన్’ (Forgotten). 2017లో వచ్చిన ఈ సినిమాకి జాంగ్ హాంగ్-జున్ దర్శకత్వం వహించారు. ఇందులో కాంగ్ హా-నీల్ (జిన్-సియోక్), కిమ్ మూ-యియోల్ (యూ-సియోక్), మూన్ సుంగ్-కీన్ (తండ్రి), నా యంగ్-హీ (తల్లి) నటించారు. ఈ మూవీ ఒక కుటుంబం చుట్టూ తిరిగే ఒక సైకలాజికల్ థ్రిల్లర్ . ఇది అనేక షాకింగ్ ట్విస్ట్‌లతో, ప్రేక్షకులను చివరి వరకు ఉత్కంఠగా ఉంచుతుంది. ఈ సినిమా నెట్‌ఫ్లిక్స్‌ (Netflix)లో అందుబాటులోకి వచ్చింది. IMDbలో 7.4/10 రేటింగ్ ఉంది.

స్టోరీలోకి వెళితే

1997లో21 ఏళ్ల జిన్-సియోక్ తన తల్లిదండ్రులు, అన్న యూ-సియోక్ తో కొత్త ఇంటికి మారుతాడు. జిన్-సియోక్ హైపర్‌సెన్సిటివిటీతో బాధపడుతూ, మందులతో సాధారణ జీవితం గడుపుతుంటాడు. ఒక రోజు రాత్రి, అతను యూ-సియోక్‌ను కొంతమంది వ్యక్తులు వ్యాన్‌లో బలవంతంగా తీసుకెళ్లడం చూస్తాడు. 19 రోజుల తర్వాత యూ-సియోక్ మళ్ళీ ఇంటికి తిరిగి వస్తాడు. కానీ తన కిడ్నాప్ గురించి ఏమీ గుర్తులేదని చెబుతాడు. జిన్-సియోక్ తన అన్న ప్రవర్తనలో వింత మార్పులను గమనిస్తాడు. యూ-సియోక్ గతంలో కుంటుతూ నడిచేవాడు కాదు. అతని రోజువారీ మందులను తీసుకోవడం మానేస్తాడు. ఇంట్లోని ఒక లాక్ చేయబడిన గది నుండి వచ్చే శబ్దాలు జిన్-సియోక్‌ కు మరింత అనుమానాలు వస్తాయి. అతను తన అన్నను వెంబడించి , కుటుంబం గురించి ఒక షాకింగ్ నిజాన్ని తెలుసుకుంటాడు. ఇప్పుడు ఉన్న అతని తల్లిదండ్రులు, అన్న నిజమైనవాళ్ళు కాదు.వీళ్ళు ఆత్మలని తెలుస్తుంది. అతను 1997లో కాక 2017లో, తన 41 ఏళ్ల వయస్సులో ఉన్నాడని తెలుసుకుంటాడు.

ఈ కుటుంబం ఒక రహస్య ఆపరేషన్‌లో భాగంగా, 20 సంవత్సరాల క్రితం ఆ ఇంట్లో జరిగిన ఒక హత్య కేసును పరిశోధించేందుకు జిన్-సియోక్‌ను హిప్నోసిస్ ద్వారా 1997లో ఉన్నట్లు బ్రమలో ఉంటాడు. జిన్-సియోక్ గతంలో ఆ హత్యలతో సంబంధం ఉన్నాడని, అతని తన మానసిక గాయాల కారణంగా, జ్ఞాపకశక్తి కోల్పోయాడని తెలుస్తుంది. 1997 సమయంలో, జిన్-సియోక్ తన అన్న శస్త్రచికిత్స కోసం డబ్బు లేక ఒక దారుణమైన పనిని ఒప్పుకుంటాడు. ఒక డాక్టర్ ఆపరేషన్ చేయాలంటే, ఒక తల్లి కూతురిని హత్య చేయాలని జిన్-సియోక్ కు చెప్తాడు. కానీ అతను అనుకోకుండా ఆ కుటుంబాన్ని చంపుతాడు. ఈ గాయం వల్ల అతను తన జ్ఞాపక శక్తి కోల్పోతాడు. చివరలో ఈ నిజాన్ని తెలుసుకున్న జిన్-సియోక్ గిల్టీతో, తనను తాను పాయిజన్ ఇంజెక్ట్ చేసుకుంటాడు. చివరికి జిన్-సియోక్ బతుకుతాడా ? తన అన్న పరిస్థితి ఏమిటి ? వీళ్ళంతా దెయ్యాలుగా మారతారా ? అనే విషయాలను, ఈ సినిమాను చూసి తెలుసుకోవాల్సిందే.

Read Also : అడవి మధ్యలో ఒంటరి అమ్మాయి… అందంగా ఉంది కదాని ఆశపడితే అల్టిమేట్ ట్విస్ట్… క్లైమాక్స్ డోంట్ మిస్

Share

• 
• 
• 
• 
• 
•