OTT Movie : స్మశానంలో శవాలు తవ్వే సైకో… ఆ ఊళ్ళో ఆడపిల్లలు పుడితే అంతే సంగతులు… క్రేజీ కన్నడ మిస్టరీ థ్రిల్లర్

OTT Movie : దెయ్యాల సినిమాలను చూస్తున్నప్పుడు వచ్చే థ్రిల్ వేరే సినిమాలను చూసినప్పుడు కనిపించదు. ఆడియన్స్ ని భయపెట్టడానికి ఈ సినిమాలలో రకరకాల ప్రయత్నాలు చేస్తుంటారు. ముఖ్యంగా విజువల్ ఎఫ్ఫెక్ట్స్ తో గుండెల్లో గుబులు పుట్టిస్తుంటారు మేకర్స్. అలా భయపెట్టిన ఓ కన్నడ హారర్ సినిమా గురించి ఇప్పుడు చెప్పుకుందాం. ఈ సినిమాకి గత ఏడాది థియేటర్లలో మంచి రెస్పాన్స్ వచ్చింది. ఈ ఏడాది ఓటీటీలో కూడా హల్చల్ చేసింది. ఈ కథ ఒక గ్రామంలో ఆడ పిల్లలు పుట్టిన వెంటనే, ఆ ఇంట్లో ఒక వృద్ద మహిళ చనిపోతుంటుంది. ఈ రహస్యం కనిపెట్టే ప్రయత్నంలో స్టోరీ ఉత్కంఠంగా నడుస్తుంది. ఒక దెయ్యం ఎంట్రీతో క్లైమాక్స్ వరకూ గూస్ బంప్స్ వస్తుంటాయి. హారర్ ఫ్యాన్స్ మిస్ కాకుండా చూడాల్సిన సినిమా ఇది. ఈ సినిమా పేరు ఏమిటి ? ఏ ఓటీటీలో స్ట్రీమింగ్ అవుతుంది ? అనే వివరాల్లోకి వెళ్తే ..

ఏ ఓటీటీలో స్ట్రీమింగ్ అంటే

అవినాష్ N. దర్శకత్వంలో వచ్చిన ఈ కన్నడ సూపర్‌ నాచురల్ థ్రిల్లర్ సినిమా పేరు ‘హగ్గ'(Hagga). ఇందులో అను ప్రభాకర్, హర్షిక పూణచ్చ, తబల నాని లీడ్ రోల్స్ లో నటించారు. ఈ సినిమా 2024 సెప్టెంబర్ 20న రిలీజ్ అయింది. 2025 జూన్ 27 నుంచి Watcho ఓటీటీలో స్ట్రీమింగ్ అవుతోంది. ఐయండిబిలో ఈ సినిమా 7.8/10 రేటింగ్ పొందింది.

కథలోకి వెళ్తే

ఒక మారుమూల గ్రామంలో వింత సంఘటనలు జరగడం మొదలవుతాయి. అక్కడ ఆడపిల్ల పుట్టిన ప్రతిసారీ ఆ ఇంట్లోని ఒక వృద్ధ మహిళ హఠాత్తుగా మర్మమైన రీతిలో చనిపోతుంటుంది. ఆ శవం హగ్గ (త్రాడు)తో మెడకు చుట్టుకుని లాగి ఉరేసినట్టు కనిపిస్తుంది. ఇలాంటి వరుస మర్డర్లు జరగడంతో గ్రామస్తులు భయంతో వణికిపోతుంటారు. రామన్న అనే వ్యక్తి ఈ సంఘటనలను గమనించి, ఒక జర్నలిస్ట్ సహాయంతో ఈ మిస్టరీని ఛేదిస్తాడు. వాళ్లు కనుగొన్నది ఏమిటంటే, ఇది రెండు శక్తుల మధ్య జరుగుతున్న ఘోరమైన యుద్ధంగా గుర్తిస్తారు. ఒక శక్తి అదే గ్రామానికి చెందిన సావిత్రి అనే మహిళ ఆత్మ. ఆమె గతంలో భరించిన దారుణమైన అన్యాయం వల్ల ప్రతీకారం తీర్చుకుంటూ ఉంటుంది. ఆడపిల్లలు ఇంటికి అశుభం అని ఆమెను, ఆమె బిడ్డను హింసించి చంపేస్తారు. ఇది ఆ గ్రామంలో ఒక సంప్రదాయంగా నడుస్తుంటుంది.

Read Also : ఒకే అమ్మాయితో ఇద్దరబ్బాయిలు… మస్ట్ వాచ్ మలయాళ ట్రయాంగిల్ లవ్ స్టోరీ

ఆ ట్రాజెడీ వల్ల ఆమె ఆత్మ హగ్గతో ప్రతీకారం తీర్చుకుంటూ, ఆడపిల్ల పుట్టినప్పుడు వృద్ధ మహిళలను (ఆ సంప్రదాయానికి కారణమైనవాళ్లను) చంపేస్తుంది. మరో శక్తి సావిత్రి ఆత్మను ఎదుర్కొని పోరాడుతుంది. ఇద్దరి మధ్య పాత శత్రుత్వం ఉంటుంది. రామన్న ఈ రెండు శక్తుల మధ్య జరుగుతున్న యుద్ధాన్ని అర్థం చేసుకుని, సావిత్రి ఆత్మను శాంతింపజేయడానికి ప్రయత్నిస్తాడు. క్లైమాక్స్‌లో రెండు శక్తుల మధ్య ఘోర పోరాటం జరుగుతుంది. ఈ పోరాటంలో ఏ శక్తి గెలుస్తుంది ? ఈ శక్తుల మధ్య వైరం ఏంటి ? రామన్న సావిత్రి ఆత్మను శాంతింప జేస్తాడా ? ఆ గ్రామంలో చావులు ఆగుతాయా ? అనే ప్రశ్నలకు సమాధానాలు తెలుసుకోవాలనుకుంటే, ఈ కన్నడ సూపర్‌ నాచురల్ హారర్ సినిమాని మిస్ కాకుండా చూడండి.

Join WhatsApp Channel

Share

• 
• 
• 
• 
• 
•