OTT Movie : సర్వైవల్ థ్రిల్లర్ జానర్ లో వచ్చిన ఒక హాలీవుడ్ సినిమా ఆడియన్స్ ని అలరిస్తోంది. ఈ సినిమా ఒక గ్రిప్పింగ్ థ్రిల్లర్ గా, అభిమానులకు ఒక చక్కని ఎంటర్టైన్మెంట్ ఇస్తోంది. ఇందులో ఒక ఇంట్లో ఒంటరిగా ఉన్న అమ్మాయిపై, సైకో కిల్లర్ కన్ను పడుతుంది. ఆ తరువాత స్టోరీ రక్త పాతంతో వెన్నులో వణుకు పుట్టిస్తుంది. ఈ చిత్రం తక్కువ డైలాగ్లతో, ఎక్కువ సస్పెన్స్ తో నడుస్తూ టెన్షన్ పెట్టిస్తుంటుంది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే …
స్టోరీలోకి వెళ్తే
మాడీ చెవిటి, మూగ ఉన్న ఒక రచయిత్రి. తన కొత్త నవలను పూర్తి చేయడానికి అడవిలోని ఒక ఒంటరి ఇంట్లో ఉంటుంది. ఆమెకు బాల్యంలో వచ్చిన అనారోగ్యం వల్ల చెవుడు, మాట రాకపోవడం వంటి సమస్యలు వస్తాయి. కానీ ఆమె తన తెలివితో లైఫ్ ని సాగిస్తుంది. ఒక రాత్రి ఆమె స్నేహితురాలు సారా మాడీని కలసి వెళ్తుంది. ఆ తర్వాత ఇంట్లో మాడీ ఒంటరిగా ఉంటుంది. అదే సమయంలో ఒక ముసుగు ధరించిన హంతకుడు ఒక కత్తితో సారాను హత్య చేసి, మాడీ ఇంటి చుట్టూ తిరుగుతుంటాడు. మాడీకి తన చెవుడు కారణంగా మొదట హంతకుడు వచ్చినట్టు కనిపెట్టలేకపోతుంది. కానీ అతను ఆమెను భయపెట్టడానికి, ఆమె ఫోన్, ఇంటి కరెంట్ సరఫరాను నాశనం చేస్తాడు. మాడీ పరిస్థితిని గమనించి, అతని నుండి తప్పించుకోవడానికి తీవ్రంగా ప్రయత్నిస్తుంది.
మాడీ తన తెలివి, ధైర్యాన్ని ఉపయోగించి, హంతకుడి నుండి తప్పించుకోవడానికి రకరకాల ప్లాన్ లు వేస్తుంది. ఆమె రచయితగా తన ఊహాశక్తిని ఉపయోగించి, తన నవలలోని పాత్రల మాదిరిగా బతకడానికి మార్గాలను ఆలోచిస్తుంది. ఈ లోగా సారా భర్త అక్కడికి సారా కోసం వస్తాడు. అయితే హంతకుడు అతన్ని కూడా దారుణంగా చంపుతాడు. ఈ చిత్రం ఒక గంటకు పైగా సస్పెన్స్తో నడుస్తూ, మాడీ కిల్లర్ పై చేసే పోరాటాన్ని చూపిస్తుంది. ఆమె ఇంటిలోని వస్తువులను ఆయుధాలుగా ఉపయోగిస్తూ, హంతకుడిని ఎదుర్కోవడానికి ప్రయత్నిస్తుంది. ఇక క్లైమాక్స్ రక్తపాతంతోనే ముగుస్తుంది. మాడీ కిల్లర్ ని చంపుతుందా ? కిల్లర్ చేతిలో మాడీ బలవుతుందా ? అనేది తెలుసుకోవాలనుకుంటే, ఈ సినిమాను మిస్ కాకుండా చుడండి.
నెట్ఫ్లిక్స్లో
‘Hush’ మైక్ ఫ్లానగన్ దర్శకత్వంలో రూపొందిన అమెరికన్ హారర్ థ్రిల్లర్ చిత్రం. ఈ చిత్రంలో కేట్ సీగెల్, జాన్ గల్లఘర్ Jr., మైఖేల్ ట్రూకో, సమంతా స్లోయాన్ ప్రధాన పాత్రల్లో నటించారు. ఈ సినిమా 2016 ఏప్రిల్ 8 నుంచి నెట్ఫ్లిక్స్లో విడుదలైంది. 81నిమిషాల రన్టైమ్ ఉన్న ఈ సినిమా, IMDbలో 6.6/10 రేటింగ్ ను పొందింది.
Read Also : అయ్య బాబోయ్… అమ్మాయిలు ఆ విద్య నేర్చుకోవాలంటే ఇతనితో ఏకాంతంగా… ఈ హర్రర్ మూవీలో ఆ సీన్లే హైలెట్
Share
Jayam Ravi: భార్యతో విడాకులు.. గర్ల్ఫ్రెండ్తో కలిసి శ్రీవారిని దర్శించుకు స్టార్ హీరో
Microsoft Office: ఆఫీస్ నెలరోజుల అద్దె రూ.5.4 కోట్లు.. హైదరాబాద్ లో మైక్రోసాఫ్ట్ రికార్డ్ బ్రేక్
