OTT Movie : ఒక అమ్మాయి తనని వేధిస్తున్న సవతి తండ్రిని ఆత్మరక్షణకోసం చంపి, జువెనైల్ జైలుకి వెళ్తుంది. మరి ఆ జైలులో ఈ ఇన్నోసెంట్ అమ్మాయిని అందరూ ఒక ఆట ఆడుకుంటారు. జైలు వార్డెన్ తో సహా ఆమె వేధింపులను ఎదుర్కొంటుంది. చివరికి ఆమె అక్కడినుంచి ఎలా బయటపడుతుందనేదే ఈ స్టోరీ. ఈ హాలీవుడ్ క్రైమ్ థ్రిల్లర్ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …
మూడు ఓటీటీలలో స్ట్రీమింగ్
ఈ క్రైమ్ థ్రిల్లర్ మూవీ పేరు ‘Jailbait’. ఈ సినిమాకి జారెడ్ కోన్ దర్శకత్వం వహించారు. ఇందులో సారా మలాకుల్ లేన్ ప్రధాన పాత్రలో నటించింది. ఈ సినిమా 90 నిమిషాల రన్‌టైమ్‌తో IMDbలో 4.3/10 రేటింగ్ ను కలిగిఉంది. Netflix, Tubi, Amazon Prime Video లలో ఈ సినిమా అందుబాటులో ఉంది.
Read Also : రాత్రిపూట అమ్మాయిలు మిస్సింగ్… తెల్లారితే ఊహించని ట్విస్ట్… గ్రిప్పింగ్ అండ్ రా క్రైమ్ కథ
అన్నా నిక్స్ (సారా మలాకుల్ లేన్) అనే టీనేజ్ అమ్మాయి, తనని వేధిస్తున్న సవతి తండ్రిని ఆత్మరక్షణలో భాగంగా చంపుతుంది. ఈ ఘటన వల్ల ఆమెను కాలిఫోర్నియాలోని ఒక జువెనైల్ సెంటర్‌కి తరలిస్తారు. అయితే జైలు లోపల ఆమెకు ఇబ్బందికరమైన పరిస్థితులు ఎదురవుతాయి. గర్ల్ గ్యాంగ్‌లు, డ్రగ్స్, అవినీతి గార్డ్‌లతో అక్కడ హింసాత్మక వాతావరణం ఉంటుంది. అన్నా మొదట ఇన్నోసెంట్ అమ్మాయిగా ఉంటుంది. కానీ జైలు జీవితం ఆమెని పూర్తిగా మార్చేస్తుంది. జైలులో అన్నా, కోడీ అనే గ్యాంగ్ లీడర్‌తో ఫ్రెండ్‌షిప్‌ చేస్తుంది. కానీ కిల్లా అనే మరో గ్యాంగ్ లీడర్ ఆమెని టార్గెట్ చేస్తుంది. ఒక షవర్ సీన్‌లో అన్నాని కిల్లా బాగా కొడుతోంది. అక్కడ అన్నా డ్రగ్స్, లెస్బియన్ రిలేషన్‌షిప్‌లలోకి జారిపోతుంది.
ఇక అన్నా తన జీవితాన్ని మార్చుకోవాలని నిర్ణయించుకుంటుంది. ఆమె డ్రగ్స్ నుంచి బయటపడి, జైలులోని క్రూరుడైన వార్డెన్ ని ఎదిరించేందుకు ప్రయత్నిస్తుంది. కాని అతను ఆమెపై చాలా సార్లు అఘాయిత్యం చేస్తాడు. ఎలాగైనా వార్డెన్ చేస్తున్న నీచమైన పనులను బయట పెట్టాలనుకుంటుంది. ఇక ఆమెకు జైలులో కొంత సహాయం కూడా దొరుకుతుంది. ఆమె ఒక సెల్ ఫోన్ లో తన మీద అఘాయిత్యం చేస్తున్నప్పుడు సీక్రెట్ గా వీడియో తీసి మరొకరికి పంపుతుంది. ఈ వీడియో వల్ల అన్నా నిర్దోషిగా బయటపడుతుందా ? వార్డెన్ కు జైలు శిక్ష పడుతుందా ? ఆమెను సవతి తండ్రికూడా నిజంగానే వేధించాడా ? అనే విషయాలను ఈ క్రైమ్ థ్రిల్లర్ సినిమాను చూసి తెలుసుకోవాల్సిందే.
Share
Encounter: బీజాపూర్‌లో భారీ ఎన్‌కౌంటర్.. నలుగురు మావోయిస్టులు మృతి
Conistable Kanakam: విడుదలకు సిద్ధమైన కానిస్టేబుల్ కనకం... ఎప్పుడు? ఎక్కడంటే?
