OTT Movie : అమెజాన్‌ రివర్ లో అదిరిపోయే అడ్వెంచర్ … సీను సీనుకో ట్విస్ట్ తో మెంటలెక్కాల్సిందే

OTT Movie : ఫాంటసీ అడ్వెంచర్ సినిమాలను పెద్దలతో పాటు చిన్న పిల్లలు కూడా వదిలిపెట్టకుండా చూస్తుంటారు. అందులోనూ హాలీవుడ్ సినిమాలలో అడ్వెంచర్ సన్నివేశాలు ఓ రేంజ్ లో ఉంటాయి. ఇప్పుడు మనం చెప్పుకోబోయే మూవీ, ఒక పురాతన చెట్టు చుట్టూ తిరుగుతుంది. ఆ చెట్టు పువ్వులు ఏ రోగాన్ని అయినా నయం చేసే శక్తి ఉంటుంది. దీనిని కనిపెట్టే క్రమంలో ఎన్నో అడ్వెంచర్ సీన్స్ చూడవచ్చు. ఈ సినిమాలో డ్వేన్ జాన్సన్ నటన అందర్నీ ఆకట్టుకుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే…

జియో హాట్ స్టార్ (Jio hotstar) లో

ఈ అమెరికన్ ఫాంటసీ అడ్వెంచర్ కామెడీ మూవీ పేరు ‘జంగిల్ క్రూయిజ్’ (Jungle Cruise). 2021 లో విడుదలైన ఈ మూవీకి జామ్ కొలెట్-సెర్రా దర్శకత్వం వహించారు. గ్లెన్ ఫికర్రా, జాన్ రెక్వా, మైఖేల్ గ్రీన్ స్క్రీన్ ప్లే అందించారు. దీనిలో డ్వేన్ జాన్సన్, ఎమిలీ బ్లంట్, ఎడ్గార్ రామిరెజ్, జాక్ వైట్‌హాల్, జెస్సీ ప్లెమన్స్, పాల్ జియామట్టి ప్రధాన పాత్రల్లో నటించారు. ఈ సినిమా 1916 సమయంలో అమెజాన్ నదిలో జరిగే ఒక సాహసయాత్ర చుట్టూ తిరుగుతుంది. ప్రస్తుతం జియో హాట్ స్టార్ (Jio hotstar) లో ఈ మూవీ స్ట్రీమింగ్ అవుతోంది.

స్టోరీలోకి వెళితే

పదహారవ శతాబ్దంలో స్పానిష్ రాజు నేతృత్వంలో ‘టియర్స్ ఆఫ్ ది మూన్’ అనే చెట్టును వెతకడానికి బయలుదేరుతారు కొంతమంది సైనికులు. ఈ చెట్టు పువ్వులు ఏ వ్యాధినైనా నయం చేసే శక్తిని కలిగి ఉంటాయని నమ్ముతారు. అయితే వారు ఈ ప్రయాణంలో, ఆ అడవిలో చిక్కుకుంటారు. స్తానికంగా ఉండే కొంత మంది వీరిని రక్షిస్తారు. కానీ తర్వాత వారు శాపానికి గురి అవుతారు. మూడు శతాబ్ధాల తరువాత 1916లో, బ్రిటిష్ కు చెందిన డాక్టర్ లిలీ హౌటన్ ఈ వృక్షాన్ని కనిపెట్టడానికి అమెజాన్‌కు వెళ్తుంది. ఎందుకంటే ఇది ఔషధ రంగంలో, విప్లవాత్మక మార్పులు తీసుకురాగలదని ఆమె నమ్ముతుంది. ఆమె తన సోదరుడు హౌటన్ తో కలిసి, ఫ్రాంక్ వోల్ఫ్ అనే సరదాగా ఉండే వ్యక్తి పడవలో ప్రయాణిస్తుంది. వాళ్ళు ఈ ప్రయాణంలో అమెజాన్ అడవిలోని సహజమైన ప్రమాదాలను ఎదుర్కుంటూ వెళతారు.

ఇంతలోనే జర్మన్ కి చెందిన కొంతమంది వీళ్ళను అడ్డుకోవడానికి ప్రయత్నిస్తారు. వాళ్ళు కూడా ఈ వృక్షాన్ని తమ ప్రయోజనాల కోసం స్వాధీనం చేసుకోవాలని అనుకుంటారు. ఈ రెండు బృందాల మధ్య గట్టి పోటీనే ఉంటుంది. ఈ ప్రయాణంలో లిలీ, ఫ్రాంక్, మాక్‌గ్రెగర్ కలిసి అనేక సవాళ్లను ఎదుర్కొంటూ, టియర్స్ ఆఫ్ ది మూన్‌ను కనుగొనేందుకు ప్రయత్నిస్తారు. చివరికి ఆ పురాతన చెట్టును వీళ్ళు కనిపెడతారా ? దాని పువ్వులను మంచికి ఉపయోగిస్తారా ? అనే విషయాలను తెలుసుకోవాలి అనుకుంటే, ఈ ఫాంటసీ అడ్వెంచర్ కామెడీ మూవీని మిస్ కాకుండా చూడండి.

Read Also : స్పృహలో లేని టీచర్ … ఆ పని చేస్తూ వీడియో… ఎవరుచేశారో తెలీకుండా

Join WhatsApp Channel

Share

• 
• 
• 
• 
• 
•