Nijame Rujuvainadhi OTT: ప్రేమించిన వ్యక్తితో జీవితాంతం కలిసి ఉండాలని కలలు కంటున్న సమయంలోనే విధి ఊహించని పరీక్ష పెడితే ? ఒకరినొకరు ప్రాణంగా ప్రేమించుకున్న ఇద్దరు… పరిస్థితుల కారణంగా ఒక్కసారిగా దూరమైపోతే ? ఆ జంట మధ్య ఎంత దూరం ఉన్నా జ్ఞాపకాలు మాత్రం వెంటాడుతుంటే… చివరకు తమ ప్రేమ నిజమేనని నిరూపించుకోవడానికి మళ్లీ ఒక్కటవ్వగలరా ? ప్రేమ, ఎడబాటు, బాధ, ఆశలతో సాగిపోయే అందమైన రొమాంటిక్ మ్యూజికల్ సినీ-మినీ చిత్రం ‘నిజమే రుజువైనది’ (Nijame Rujuvainadhi). బిగ్ బాస్ తెలుగు సీజన్ 9 విజేత కళ్యాణ్ పడాల హీరోగా నటించిన తొలి చిత్రంగా తెరకెక్కిన ఈ సినిమా ప్రస్తుతం ఓటీటీలో స్ట్రీమింగ్ అవుతోంది. మరి ఈ మూవీని ఎక్కడ చూడవచ్చు ? అన్నది తెలుసుకుందాం పదండి.
కళ్యాణ్, వియానా జీవితాల్లోకి ఒకరొకరు వచ్చిన తర్వాత వారి ప్రపంచమే మారిపోతుంది. మొదట పరిచయంగా మొదలైన బంధం క్రమంగా గాఢమైన ప్రేమగా మారుతుంది. ఒకరి సంతోషంలో మరొకరు ఆనందాన్ని వెతుక్కుంటూ, భవిష్యత్తును కలిసి ఊహించుకుంటూ ముందుకు సాగుతారు. పెళ్లి చేసుకుని జీవితాంతం కలిసి ఉండాలనే కలలు కూడా కంటారు.
వారి ప్రేమకథలో ప్రత్యేకమైన ఆకర్షణ మధురమైన సంగీతం. ఇద్దరి మధ్య ఉన్న అనుబంధం, చిన్న చిన్న సరదా క్షణాలు, ఒకరిపై మరొకరికి ఉన్న నమ్మకం… ఇలా ప్రేమలోని అందమైన భావాలను పాటలతో కలిపి చూపిస్తారు. చూస్తున్న ప్రేక్షకులకు కూడా ఇది ఒక స్వచ్ఛమైన ఫీల్ గుడ్ లవ్ స్టోరీ అనే అనుభూతిని కలిగిస్తుంది. కానీ జీవితం ఎప్పుడూ ఒకేలా ఉండదు. అంతా సంతోషంగా సాగుతోందనుకున్న సమయంలో ఊహించని పరిస్థితులు వారి జీవితాలను తలకిందులు చేస్తాయి. ఒకరినొకరు వదులుకోవాలని ఇద్దరికీ లేకపోయినా… పరిస్థితులు మాత్రం వారిని దూరం చేస్తాయి. అప్పటి వరకు కలిసి చూసుకున్న కలలు ఒక్కసారిగా చెదిరిపోతాయి.
ఇద్దరూ విడిపోయిన తర్వాత అసలు కథ మొదలవుతుంది. ఒకప్పుడు ప్రతి రోజూ ఒకరితో ఒకరు మాట్లాడుకున్న వారు… ఇప్పుడు ఒకరి జ్ఞాపకాలతో మరొకరు జీవించాల్సి వస్తుంది. ప్రేమించిన వ్యక్తి దూరంగా ఉన్నా, అతనితో గడిపిన క్షణాలు మాత్రం మనసులో నుంచి చెరిగిపోవు. ఈ ఎడబాటు వారి జీవితాల్లో ఎంతటి మానసిక వేదనను తీసుకొచ్చిందనేది కథలో భావోద్వేగంగా చూపిస్తారు. అయినా వారి ప్రేమ అంత తేలిగ్గా ఓడిపోదు. కాలం దూరం చేసినా… పరిస్థితులు విడదీసినా… ఒకరిపై మరొకరికి ఉన్న నమ్మకం మాత్రం అలాగే ఉంటుంది. గతంలో కలిసి గడిపిన జ్ఞాపకాలు వారిని మళ్లీ మళ్లీ వెంటాడుతుంటాయి. తమ ప్రేమ నిజమా ? కాదా ? అనే ప్రశ్నకు సమాధానం చెప్పాల్సిన పరిస్థితి వచ్చినప్పుడు… ఇద్దరి జీవితాలు మరోసారి కీలక మలుపు తిరుగుతాయి.
ఇక్కడి నుంచి కథలో భావోద్వేగాలు మరింత పెరుగుతాయి. ప్రేమ కోసం ఎదురుచూడటం ఎంత కష్టమో… మనసుకు దగ్గరైన వ్యక్తి దూరమైనప్పుడు ఆ బాధ ఎలా ఉంటుందో సినిమా చూపిస్తుంది. పరిస్థితులు ఎంత కఠినంగా మారినా ఒకరిని మరొకరు మర్చిపోలేకపోవడం వారి బంధానికి అసలైన పరీక్షగా మారుతుంది. చివరకు ఎన్నో అడ్డంకులు, అపార్థాలు, ఎడబాటును దాటుకుని ఈ ప్రేమికులు మళ్లీ కలుసుకోగలిగారా ? ఇన్నాళ్లుగా తమ మనసుల్లో దాచుకున్న ప్రేమను ప్రపంచం ముందు ఎలా నిరూపించుకున్నారు ? విధి పెట్టిన పరీక్షలో వారి ప్రేమ గెలిచిందా ? అనేదే సినిమా ముగింపులో ఆసక్తిని కలిగించే అంశం.
కే. ప్రకాష్ రెడ్డి దర్శకత్వం వహించిన ఈ సినిమాలో కళ్యాణ్ పడాల, వియానా ప్రధాన పాత్రల్లో నటించారు. జే.వీ. సుధాంశు అందించిన మెలోడీ సంగీతం కథలోని భావోద్వేగాలకు మరింత బలాన్ని ఇస్తుంది. కలర్ఫుల్ విజువల్స్, ప్రేమ సన్నివేశాలు, మ్యూజిక్తో సినిమాను ఒక అందమైన ఫీల్ గుడ్ అనుభూతిగా తెరకెక్కించే ప్రయత్నం చేశారు. ముఖ్యంగా లవ్ స్టోరీస్, మెలోడీ పాటలు, ఫీల్ గుడ్ విజువల్స్ నచ్చేవారు ఈ చిన్న చిత్రాన్ని ట్రై చేయొచ్చు. ఆగస్టు 14 నుంచి ETV Winలో ఈ సినీ-మినీ చిత్రాన్ని చూడవచ్చు.
Read Also: పెళ్లి చేసుకుంటే కోటీశ్వరుల జీవితం… కానీ ఈ అమ్మాయి చేసిన పని తెలిస్తే దిమాక్ కరాబ్
Share
ఏఐ సపోర్ట్ డెల్ ల్యాప్టాప్.. స్టూడెంట్స్,ప్రొఫెషనల్స్ కోసం బెస్ట్
స్మార్ట్ టీవీ కొనాలనుకుంటున్నారా? దీని కంటే..బెస్ట్ ఉండదేమో !
