Animation Series on OTT: ఒక విమానం మనుషులను ఒక చోటు నుంచి మరో చోటుకు తీసుకెళ్లడం మనకు తెలుసు. కానీ అదే విమానం ప్రపంచం నలుమూలల ఉన్న చిన్నారులకు పార్సిల్స్ డెలివరీ చేస్తూ, ప్రతి మిషన్‌లో ఓ కొత్త అడ్వెంచర్‌లో చిక్కుకుంటే ? అది కూడా అవసరమైనప్పుడు రోబోలా మారిపోయి పరుగెత్తగలదు, ఎగరగలదు, రెస్క్యూ చేయగలదు. పిల్లలకు ఎదురయ్యే ప్రతి సమస్యను కొత్త గ్యాడ్జెట్స్‌తో పరిష్కరించే టీమ్ ఉంటే ? ఇదే కాన్సెప్ట్‌తో చిన్నారులను అలరిస్తున్న యానిమేషన్ సిరీస్ ‘Super Wings’. మరి జెట్ అండ్ టీమ్ ఈసారి ఎలాంటి మిషన్స్‌లోకి వెళ్లారు ? పిల్లలకు ఎదురైన సమస్యలను ఎలా పరిష్కరించారు ? తెలుసుకుందాం పదండి.
కథలో ప్రధాన పాత్ర జెట్ అనే క్యూట్ జెట్ విమానం. ప్రపంచంలోని వివిధ దేశాల్లో ఉన్న పిల్లలకు వాళ్లు ఆర్డర్ చేసిన పార్సిల్స్‌ను డెలివరీ చేయడం అతని పని. కానీ జెట్ ప్రత్యేకత కేవలం డెలివరీ చేయడం మాత్రమే కాదు. పార్సిల్ అందించిన తర్వాత అక్కడి పిల్లలకు ఏదైనా సమస్య ఎదురైతే, దాన్ని పరిష్కరించేందుకు కూడా రంగంలోకి దిగుతాడు. అక్కడి నుంచే ప్రతి ఎపిసోడ్ ఓ కొత్త అడ్వెంచర్‌గా మారుతుంది. ఓసారి మంచు పర్వతాల్లో చిక్కుకున్న పిల్లలను కాపాడాలి. మరోసారి సముద్రంలో ప్రమాదంలో ఉన్నవారికి సహాయం చేయాలి.
ఇంకోసారి అడవుల్లో, మరికొన్ని సందర్భాల్లో స్పేస్‌లో కూడా మిషన్స్ చేయాల్సి వస్తుంది. పిల్లలకు అవసరమైన వస్తువును తీసుకెళ్లిన జెట్… చివరకు వాళ్ల సమస్యను పరిష్కరించే రెస్క్యూ హీరోగా మారతాడు. అయితే జెట్ ఒక్కడే ఈ పనులన్నీ చేయడు. అవసరాన్ని బట్టి Dizzy, Donnie, Jerome, Paul వంటి సూపర్ వింగ్స్ టీమ్ సభ్యులు అతనితో కలుస్తారు. ఒక్కొక్కరికి ఒక్కో ప్రత్యేక సామర్థ్యం ఉంటుంది. కొత్త గ్యాడ్జెట్స్, మార్పులు చెందే వాహనాలు, రోబోటిక్ పవర్స్‌తో వీళ్లంతా కలిసి సమస్యను పరిష్కరించే ప్రయత్నం చేస్తారు.
ఈ సిరీస్‌లో మరో ప్రత్యేకత ప్రపంచంలోని వివిధ దేశాలు, సంస్కృతులు, ప్రదేశాలను పిల్లలకు పరిచయం చేయడం. జెట్ చేసే ప్రతి డెలివరీ ఒక కొత్త లొకేషన్‌కు తీసుకెళ్తుంది. అక్కడి పిల్లలతో పరిచయం, స్థానిక సమస్య, దాన్ని పరిష్కరించే మిషన్… ఇలా ప్రతి కథలో ఫ్రెండ్‌షిప్, టీమ్‌వర్క్, సహాయం చేయాలనే భావన కూడా కనిపిస్తుంది. కొత్త ఎపిసోడ్లలో కథ మరింత ఫాంటసీ, సైన్స్ ఫిక్షన్ వైపు వెళ్తుంది. డైనో వరల్డ్, స్పేస్ వంటి కొత్త ప్రపంచాల్లో కూడా జెట్ టీమ్ మిషన్స్ చేపడుతుంది. కొత్త పాత్రలు, గ్యాడ్జెట్స్, సవాళ్లు రావడంతో ప్రతి ఎపిసోడ్ పిల్లలకు కొత్త అనుభూతిని అందిస్తుంది.
మరి ఈసారి జెట్ తీసుకెళ్లే పార్సిల్ ఎవరి కోసం ? ఆ చిన్నారికి ఎదురైన సమస్య ఏంటి ? సూపర్ వింగ్స్ టీమ్ ఎలాంటి గ్యాడ్జెట్‌తో రంగంలోకి దిగుతుంది ? చివరకు ఆ మిషన్‌ను ఎలా పూర్తి చేస్తారు ? అనేదే ఒక్కో ఎపిసోడ్‌లో చూడాల్సిన అడ్వెంచర్.
‘సూపర్ వింగ్స్’ ప్రస్తుతం Amazon Prime Videoలో స్ట్రీమింగ్ అవుతోంది. సీజన్ నంబరింగ్ ప్రాంతాన్ని బట్టి మారే అవకాశం ఉండటంతో, మీ ప్రైమ్ వీడియో లిస్టింగ్‌లో కనిపించే సీజన్‌ను ఫాలో అవ్వడం మంచిది. విమానాలు, రోబోట్స్, స్పేస్, డైనోసార్స్, రెస్క్యూ మిషన్స్, ఫాంటసీ అడ్వెంచర్స్ వంటి అంశాలతో తెరకెక్కిన ఈ సిరీస్ పిల్లలకు మంచి ఎంటర్‌టైనర్. ముఖ్యంగా చిన్నారులతో కలిసి వీకెండ్‌లో సరదాగా చూడటానికి ఈ సిరీస్ మంచి ఛాయిస్. కానీ ఈ సిరీస్ ఇంగ్షీషులో స్ట్రీమింగ్ అవుతోంది.
Share
ఇక సెలవు.. ముగిసిన షావుకారు జానకి అంత్యక్రియలు!
హైదరాబాద్‌లో ఘోరం.. పాత చీర ఇస్తానని పిలిచి.. దారుణంగా చంపేశాడు!
