Marathi Horror Comedy: త్వరగా డబ్బు సంపాదించాలనే ఆశతో ఓ పాడుబడిన పాత భవంతిలోకి ఏడుగురు స్నేహితులు అడుగు పెడతారు. అక్కడ ఏదో వింత శక్తి ఉందని తెలిసినా… తమకు ఏమీ కాదులే అనుకుంటారు. కానీ ఓ శపించబడిన నాణెం చేతుల్లోకి వచ్చిన తర్వాత పరిస్థితి తలకిందులు అవుతుంది. దెయ్యాలు, చీకటి శక్తులు వెంటపడుతుంటే భయంతో పరుగులు తీస్తూనే వాళ్లు చేసే పనులు నవ్వు తెప్పిస్తాయి. ఇలా హారర్, కామెడీ కలిపిన ఖతర్నాక్ మూవీ ‘భూతం భయ్యమ్’ (Bhootam Bhayyam). మరి ఇది ఏ ఓటీటీలో ఉంది ? స్టోరీ ఏంటి ? అనేది తెలుసుకుందాం పదండి.
ఏడుగురు స్నేహితులు త్వరగా డబ్బు సంపాదించాలని ప్లాన్ చేస్తారు. అందుకోసం సాధారణంగా ఎవరూ వెళ్లడానికి ఇష్టపడని ఓ పాడుబడిన రాణీవాడాను ఎంచుకుంటారు. ఆ ప్రదేశం గురించి కొన్ని భయంకరమైన కథలు వినిపించినా, డబ్బు కోసం రిస్క్ చేయాలని నిర్ణయించుకుంటారు. అక్కడికి వెళ్లిన తర్వాత వాళ్లకు ఓ శపించబడిన నాణెం దొరుకుతుంది. మొదట అది తమ అదృష్టాన్ని మార్చే వస్తువులా అనిపిస్తుంది. కానీ ఆ నాణెం కారణంగా అదృశ్య శక్తులు మేల్కొంటాయని వాళ్లకు తెలియదు.
నాణెం చేతుల్లోకి వచ్చిన తర్వాత ఒక్కో విచిత్రమైన సంఘటన మొదలవుతుంది. కనిపించని శక్తుల ఉనికి వాళ్లకు అర్థమవుతుంది. మొదట తమలో ఎవరో భయపెడుతున్నారని అనుకుంటారు. కానీ పరిస్థితులు మరింత తీవ్రమవుతుండటంతో అసలు విషయం దెయ్యాలకు సంబంధించినదని గ్రహిస్తారు. అక్కడి నుంచి ఏడుగురి అసలు కష్టాలు మొదలవుతాయి. వాళ్లను ఆత్మలు వెంటాడటం మాత్రమే కాదు, ఆ చీకటి శక్తులతో సంబంధం ఉన్న క్షుద్రవాదులు కూడా రంగంలోకి వస్తారు. దీంతో డబ్బు కోసం వచ్చిన వాళ్లకు ఇప్పుడు ప్రాణాలతో బయట పడటమే పెద్ద ఛాలెంజ్ గా మారుతుంది.
భయంతో పారిపోవడానికి ప్రయత్నించే సమయంలో ఒకరి మాట మరొకరు వినకపోవడం, తప్పు నిర్ణయాలు తీసుకోవడం, తమకు తామే కొత్త సమస్యలు తెచ్చుకోవడం వంటి పరిస్థితులు కామెడీని పండిస్తాయి. సినిమాలో దెయ్యాల భయం ఒకవైపు ఉంటే… ఫ్రెండ్స్ చేసే పనులు మరోవైపు నవ్విస్తాయి. ఆ శపించబడిన నాణెం అసలు ఎక్కడి నుంచి వచ్చింది ? ఆ రాణీవాడాకు దానికి ఉన్న సంబంధం ఏంటి ? అక్కడి చీకటి శక్తులు ఎందుకు మేల్కొన్నాయి ? ఏడుగురు స్నేహితులు ఈ దెయ్యాల బారి నుంచి ఎలా బయట పడతారు ? అనేదే సినిమాలో చూసి తెలుసుకోవలసిన విషయం.
ఛాయా కదమ్, కరణ్ సొనావణే, మన్మీత్ పెమ్, పుష్కరాజ్ చిర్పుట్కర్, నీల్ సాలేకర్ తదితరులు నటించిన ఈ మరాఠీ హారర్ కామెడీకి రామ్చంద్ర గావ్కర్ దర్శకత్వం వహించారు. ZEE5లో మరాఠీ ఆడియోలో సెప్టెంబర్ 25 నుంచి అందుబాటులోకి వచ్చింది. అయితే ఈ సినిమా తెలుగుతో పాటు ఇతర భాషలలో ఓటీటీలో అందుబాటులో లేదు.
Read Also: మాఫియా సామ్రాజ్యాన్ని మట్టుబెడదాం అనుకుంటే మెంటల్ మాస్ షాక్… క్లాసిక్ క్రైమ్ డ్రామా
Share
మోకాళ్ల నొప్పికి వాల్నట్స్ మంచివేనా? డాక్టర్లు ఏం చెబుతున్నారంటే..
ప్రజల భూముల విషయంలో ఇదేం పద్ధతి? 22Aపై జగదీశ్ రెడ్డి
