Marathi Horror Comedy: హారర్ సినిమాలతో భయపెట్టడమే కాదు.. అదే భయాన్ని కామెడీగా మార్చి ప్రేక్షకులను నవ్వించగలిగితే ఎలా ఉంటుంది ? పైగా కేవలం 6 కోట్ల బడ్జెట్తో తెరకెక్కి, దానికి మూడు రెట్లకు పైగా వసూళ్లు సాధిస్తే ? అలాంటి సరికొత్త కాన్సెప్ట్తో వచ్చిన మరాఠీ హారర్ కామెడీ ‘తుంబాడ్చి మంజుల’ ఇప్పుడు ఓటీటీలోకి వచ్చేసింది. థియేటర్లలో మంచి విజయాన్ని అందుకున్న ఈ సినిమా ప్రస్తుతం ఓటీటీ మూవీ లవర్స్ ను తెగ ఆకట్టుకుంటోంది. ఈ సినిమా ఏ ఓటీటీలో స్ట్రీమింగ్ అవుతోంది ? కథ ఏంటి ? అన్నది తెలుసుకుందాం పదండి.
కొంకణ్ తీర ప్రాంతంలోని ఓ ప్రశాంతమైన పల్లెటూరిలో కేశవ్ అనే వ్యక్తి ఉంటాడు. అప్పులు, తన వ్యక్తిగత సమస్యల నుంచి బయటపడేందుకు అతను ఊరి ప్రజల ముందు ఓ వింత నాటకం మొదలుపెడతాడు. తన ఒంట్లోకి ‘మంజుల’ అనే దెయ్యం ప్రవేశించిందని అందరినీ నమ్మిస్తాడు. కేశవ్ చెప్పిన మాటలను ఊరి ప్రజలు నిజమే అనుకుంటారు. దీంతో భయం, వదంతులు ఊరంతా వ్యాపిస్తాయి. దెయ్యాన్ని వదిలించేందుకు బాబాలు, మాంత్రికులు రంగంలోకి దిగడంతో పరిస్థితి మరింత గందరగోళంగా మారుతుంది.
కేశవ్ సరదాగా చెప్పిన చిన్న అబద్ధం కాస్తా ఊరి మొత్తాన్ని కుదిపేసే పెద్ద కథగా మారుతుంది. కానీ అసలు ట్విస్ట్ ఇక్కడే మొదలవుతుంది. మంజుల అనే యువతి నిజంగానే ఊరిలోకి అడుగు పెడుతుంది. దీంతో కేశవ్ చెప్పిన దెయ్యం కథలో ఎంత నిజం ఉందనే ప్రశ్న మొదలవుతుంది. ఆమెకు కేశవ్ కుటుంబంతో ఉన్న సంబంధం ఏంటి ? అతని అమ్మమ్మ మరణం వెనుక ఉన్న రహస్యం ఏమిటి ? కేశవ్ అబద్ధం చివరకు ఎలాంటి పరిణామాలకు దారితీసింది ? అనేది సినిమా చూస్తేనే తెలుస్తుంది.
‘తుంబాడ్చి మంజుల’ (Tumbadchi Manjula) లో హారర్తో పాటు పల్లెటూరి వాతావరణం, మూఢనమ్మకాలపై వ్యంగ్యం, సిట్యుయేషనల్ కామెడీ బాగా బాగుంటాయి. దెయ్యం ఉందని భయపెట్టే ప్రయత్నం నుంచి మొదలై.. ఆ దెయ్యం నిజంగానే వచ్చిందా అనే ఉత్కంఠ వరకు కథ ఆసక్తిగా సాగుతుంది. ఓం భూత్కర్, జితేంద్ర జోషి, సాయి తాంహంకర్, మకరంద్ అనాస్పురే, ఉషా నాదకర్ణి తదితరులు ఇందులో నటించారు. ముఖ్యంగా హారర్ను సీరియస్గా కాకుండా హాస్యంతో మిక్స్ చేసిన విధానం ఈ సినిమాలో అదిరిపోతుంది. అంతేకాదు… 6 కోట్ల బడ్జెట్తో తెరకెక్కి, 19.17 కోట్ల గ్రాస్ వసూళ్లు సాధించడం, అలాగే IMDbలో 7.4 రేటింగ్ అందుకోవడం సినిమాకు స్పెషాలిటీ. ప్రస్తుతం ZEE5లో ‘తుంబాడ్చి మంజుల’ మరాఠీ ఆడియోతో ఇంగ్లీష్ సబ్టైటిల్స్తో అందుబాటులో ఉంది. 2026 ఆగస్టు 7 నుంచి డిజిటల్ స్ట్రీమింగ్లోకి వచ్చింది.
Read Also: పాతబావిలో ఉన్న నిధి కోసం ఊరంతా పోట్లాట… చివరికి బయటపడింది ఏంటో తెలిస్తే బుర్రపాడు
Share
ఫ్యూచర్ స్కిల్స్ సమ్మిట్ LIVE.. పేద విద్యార్థులకు ఏఐ కోర్సుల్లో చేయూత, సదస్సులో కీలక నిర్ణయాలు
లియోనెల్ మెస్సి హత్యకు కుట్రలు..అంతలోనే తండ్రి జార్జ్ మృతి
