K-Drama OTT : కొరియన్ డ్రామాలకు వరల్డ్ వైడ్ గా మంచి ఆదరణ దక్కుతోంది. రోజురోజుకీ కే- డ్రామాలలోనూ క్రేజీ కంటెంట్ అందుబాటులోకి వస్తోంది. ఇప్పటిదాకా అలా ఓటీటీలలోకి వచ్చిన ఆ బెస్ట్ సినిమాలు, సిరీస్ లు ఏంటో తెలుసుకుందాం పదండి. సౌత్ కొరియన్ సినిమా ప్రపంచాన్ని ఊపేసిన ఈ ఆరు మాస్టర్‌పీస్ సినిమాలను ఇప్పటిదాకా చూడకపోతే వెంటనే ఒక లుక్కేయండి.
‘మెమొరీస్ ఆఫ్ మర్డర్’ 2003లో తెరకెక్కిన మూవీ. అంతేకాదు యదార్థ గాథ కూడా. 1980ల కాలంలో ఊర్లో వరుస హత్యలు చేస్తూ ఉంటాడు ఒక సైకో కిల్లర్‌. అతన్ని పట్టుకోవడానికి ఇద్దరు పోలీసులు చేసే ప్రయత్నం బెడిసి కొడుతుంది. ఆ తరువాత ఏం జరిగిందో సినిమాని చూసి తెలుసుకోవాల్సిందే. ఈ మూవీ నెట్ ఫ్లిక్స్ లో స్ట్రీమింగ్ అవుతోంది.
‘మదర్’ (2009) మూవీలో బుద్ధిమాంద్యం ఉన్న కొడుకు మీద మర్డర్ కేసు పెడతారు. తన కొడుకు నిర్దోషి అని నిరూపించడానికి ఒక తల్లి ఎంత దూరం వెళ్ళింది అన్నది కథ. చివరకు ఆమెకు తెలిసిన భయంకరమైన నిజం ఏంటి అనేది గుండెల్ని పిండేసేలా చూపించారు. ప్రైమ్ వీడియోలో దీన్ని చూడవచ్చు.
2003లో వచ్చిన మూవీ ‘ఓల్డ్ బాయ్’. ఇది రివేంజ్ డ్రామాలలోనే ఒక సంచలనం. ఓ వ్యక్తిని 15 ఏళ్ల పాటు గదిలో బంధించి, అకస్మాత్తుగా వదిలేస్తారు. తనను అసలు ఎందుకు అలా బంధించారో తెలుసుకునే క్రమంలో వచ్చే ట్విస్టులు, షాకింగ్ క్లైమాక్స్ ఆడియన్స్ ను ఉలిక్కిపడేలా చేస్తాయి. దీన్ని ప్రైమ్ వీడియోలో చూడవచ్చు.
2010లో వచ్చిన ‘ఐ సా ద డెవిల్’లో తన భార్యను చంపిన సైకో కిల్లర్‌ పై ఒక సీక్రెట్ ఏజెంట్ రివేంజ్ తీర్చుకుంటాడు. వాడిని పట్టుకుని, చంపకుండా టార్చర్ చేసి, వదిలేస్తూ… పదే పదే చిత్రహింసలు పెడుతుంటాడు. ఆ వేటలో హీరో కూడా ఒక రాక్షసుడిలా మారి ఆ సైకోకి ఎలా చుక్కలు చూపించాడు అన్నది కథ. ఈ మూవీ నెట్ ఫ్లిక్స్ లో అందుబాటులో ఉంది.
Also Read : కళ్లు చెదిరే విజువల్స్…శత్రువుల గుండెల్లో వణుకు పుట్టించే తొమ్మిది తోకల నక్క… ఆకట్టుకుంటున్న ఫాంటసీ సిరీస్
2016లో విడుదలైన సంచలనం ‘ట్రెయిన్ టు బుసాన్’. ప్రపంచవ్యాప్తంగా అద్భుతమైన మూవీగా పేరు తెచ్చుకున్న జోంబీ సినిమా ఇది. బుసాన్ రైలు ప్రయాణంలో జోంబీ వైరస్ అటాక్ జరుగుతుంది. తన కూతురిని కాపాడుకోవడానికి ఒక తండ్రి చేసే పోరాటం కన్నీళ్ళు పెట్టిస్తుంది. ఈ మూవీ నెట్ ఫ్లిక్స్ లో ఉంది.
ఆస్కార్ గెలిచిన సినిమా ‘పారాసైట్’ (2019). పేద కుటుంబం తెలివిగా ధనవంతుల ఇంట్లో పనికి కుదురుతారు. ఆ తర్వాత అక్కడ జరిగే ఊహించని పరిణామాలు, పేద-ధనిక వర్గాల మధ్య ఉండే తేడాలను ఒక డార్క్ కామెడీ-థ్రిల్లర్ లో చూపించిన విధానం కట్టిపడేస్తుంది. దీన్ని అమెజాన్ ప్రైమ్ వీడియోలో వీక్షించవచ్చు.
Share
PSL ఫైన‌ల్ కోసం 5 వేల మంది..గేట్లు తెరిచి ఉంచినా ఎవ‌డూ రాలేదు
అపార్ట్మెంట్లో అక్కాచెల్లెళ్ల అరాచకం... సింగిల్ గా చూశారో డైరెక్ట్ పరలోకానికే టిక్కెట్
