Murder Mystery OTT : కొన్ని సినిమాలు ప్రపంచవ్యాప్తంగా బాగా పాపులర్ అవుతుంటాయి. వాటిలో వచ్చే ట్విస్టులు ఆడియన్స్ నీ ఫిధా చేస్తుంటాయి. ఈ సినిమాలను వేరే భాషల్లో కూడా రీమేక్ చేసి మళ్ళీ రిలీజ్ చేస్తుంటారు. అలాంటి సినిమా గురించి ఇప్పుడు మనం చెప్పుకోబోతున్నాం. ఈ స్పానిష్ మిస్టరీ థ్రిల్లర్ సినిమా ప్రపంచవ్యాప్తంగా బాగా ప్రాచుర్యం పొందింది. దీని ఆధారంగా తెలుగులో 2019లో ‘ఎవరు’ (Evaru)సినిమా రూపొందింది. ఇందులో అడివి శేష్, రెజీనా కసాండ్రా ప్రధాన పాత్రలు పోషించారు. అలాగే హిందీలో అమితాబ్ బచ్చన్, తాప్సీ పన్నూ నటించిన ‘బద్లా’ (Badla) కూడా దీనికి రీమేక్ గా వచ్చింది. ఈ మూవీ పేరు ఏమిటి? ఏ ఓటీటీలో లో స్ట్రీమింగ్ అవుతుంది ? అనే వివరాల్లోకి వెళితే…
2016లో విడుదలైన ఈ స్పానిష్ మిస్టరీ థ్రిల్లర్ చిత్రం పేరు ‘ది ఇన్విజిబుల్ గెస్ట్’ (The invisible guest). దీనికి ఓరియోల్ పాలో దర్శకత్వం వహించారు. ఇందులో బార్బరా లెన్నీ, జోస్ కరోనాడో, అనా వాగెనర్లతో పాటు మారియో కాసాస్ నటించారు. ఈ చిత్రం 2017 జనవరి 6 న స్పెయిన్లో విడుదలైంది. ఇది విమర్శకుల నుండి ప్రశంసలు పొందింది. చైనా అంతర్జాతీయ మార్కెట్లో కూడా జనాదరణను పొందింది. దీని బడ్జెట్ €4 మిలియన్లు కాగా, ప్రపంచవ్యాప్తంగా $31.2 మిలియన్లు వసూలు చేసింది. ఈ సినిమా ప్రస్తుతం నెట్ఫ్లిక్స్ (Netflix) లో అందుబాటులో ఉంది. ఇది స్పానిష్ భాషలో ఉన్నప్పటికీ, ఇంగ్లీష్ సబ్టైటిల్స్తో చూడవచ్చు. ఇందులో మారియో కాసాస్, అనా వాగెనర్, బార్బరా లెన్నీ, జోస్ కొరోనాడో నటించారు.
అడ్రియన్ డోరియా అనే ఒక పెద్ద వ్యాపారవేత్త, ఒక హోటల్ గదిలో తన ప్రియురాలి లారా శవంతో పాటు పోలీసులకు దొరుకుతాడు. ఆ గది లోపల నుండి గడియ పెట్టి ఉంటుంది. పోలీసులు అడ్రియన్ను నిందితుడిగా భావిస్తారు. తాను నిర్దోషినని నిరూపించుకోవడానికి, అతను వర్జీనియా గుడ్మాన్ అనే ఒక ప్రముఖ లాయర్ను సంప్రదిస్తాడు. అడ్రియన్ చెప్పే దాని ప్రకారం, కొన్ని నెలల క్రితం అతను, లారా కలిసి ఒక కారు లో ప్రయాణం చేస్తుండగా, అడవిలో ఒక చిన్న ప్రమాదం జరుగుతుంది. ఆ కారు ఒక డేనియల్ అనే యువకుడి కారును ఢీకొంటుంది. ఆ ప్రమాదంలో డేనియల్ చనిపోతాడు.
తన కెరీర్ పాడవుతుందనే భయంతో, అడ్రియన్ ఆ యువకుడి మృతదేహాన్ని కారుతో సహా సమీపంలోని ఒక చెరువులో ముంచేస్తాడు. కథ ముందుకు సాగుతున్న కొద్దీ, లాయర్ ఊహించని ట్విస్ట్ ఇస్తుంది. అడ్రియన్ చెబుతున్న కథలోని లొసుగులను బయటపెడుతుంది. అయితే హోటల్ గదిలో లారాను చంపింది ఎవరో బయట వ్యక్తి అని అడ్రియన్ వాదిస్తాడు. సినిమా చివరి 10 నిమిషాల వరకు అసలు నిజం ఏంటో ఎవరూ ఊహించలేరు. చివరికి లారాని చంపింది ఎవరు ? ఎందుకు చంపారు ? లాయర్ బయట పెట్టే నిజలు ఏమిటి ? అనే విషయాలను ఈ సినిమాను చూసి తెలుసుకోండి.
Read Also : లైవ్ లో దెయ్యాలను చూపిద్దామని వెళ్ళి అడ్డంగా బుక్… వణికించే హర్రర్ సిరీస్
Share
Ind vs NZ 1st T20I: న్యూజిలాండ్ తో నేడే తొలి టీ20..శ్రేయాస్ కు అవమానం..అతడికే ఛాన్స్..గంభీర్ పాలిటిక్స్ మళ్లీ షురూ
Today Horoscope in Telugu: ఆ రాశి నిరుద్యోగులకు శుభవార్తలు - వారికి ఇంట్లో గొడవలు
