Psychological thriller: సైకాలజీ నేపథ్యంతో సాగే ఒక మిస్టరీ థ్రిల్లర్ ఓటీటీలోకి వచ్చింది. స్టోరీ అయితే మామూలుగా ఉండదు. చూసే వాళ్ళకు మైండ్ బ్లాక్ అయ్యే ట్విస్టులు వస్తూనే ఉంటాయి. కథలో కోమా నుంచి లేచిన ఓ మహిళకు తన జీవితంలోని గత ఆరు నెలలు గుర్తులేకపోతే ఎలా ఉంటుందో చూపిస్తూనే, తన భర్త తనను చంపేందుకు ప్రయత్నించాడనే ఆరోపణలతో కథ మరో లెవెల్ కి వెళ్తుంది. ఈ మైండ్ గేమ్లతో సాగే సైకలాజికల్ థ్రిల్లర్ ‘దిస్ టెంప్టింగ్ మ్యాడ్నెస్’ (This Tempting Madness). జ్యామిఫర్ ఇ. మోంట్గోమెరీ దర్శకత్వంలో వచ్చిన ఈ అమెరికన్ సైకలాజికల్ క్రైమ్ థ్రిల్లర్ క్లైమాక్స్ వరకు ఒక మిస్టరీగా సాగుతుంది.
కథ మియా అనే యువతి చుట్టూ తిరుగుతుంది. ఒక తీవ్రమైన ప్రమాదంలో (ఎయిర్పోర్ట్ బాల్కనీ నుండి కిందపడి) మియా కోమాలోకి వెళ్తుంది. తీవ్రమైన గాయాలతో ఆసుపత్రిలో కన్నుతెరిచిన ఆమెకు, గత ఆరు నెలల జ్ఞాపకాలు పూర్తిగా తుడిచిపెట్టుకుపోతాయి. ఆమె భర్త జేక్ ఆమెను హత్య చేయడానికి ప్రయత్నించాడనే ఆరోపణతో పోలీసులు అతన్ని అరెస్ట్ చేస్తారు.
అయితే మియా తన భర్త జేక్ నిర్దోషి అని నమ్ముతుంది. కోమా నుంచి కోలుకుంటున్న సమయంలో, జేక్ అరెస్ట్ కావడం, ఆమె కుటుంబ సభ్యులు అతనికి వ్యతిరేకంగా మారడంతో పరిస్థితులు క్లిష్టంగా మారతాయి. తన సోదరుడు అజయ్ సహాయంతో మియా తన గతాన్ని, అసలు ఆ రాత్రి ఏం జరిగిందనే విషయాలను ముక్కలు ముక్కలుగా గుర్తుతెచ్చుకోవడానికి ప్రయత్నిస్తుంది.
ఈ క్రమంలోనే జేక్కు ఉన్న తీవ్రమైన పారానోయా (మానసిక సమస్యలు), కుటుంబ రహస్యాలు, మియాలో ఉండే భ్రమలు ఒక్కొక్కటిగా బయటపడతాయి. అసలు మియాను బాల్కనీ నుండి తోసేసింది జేక్ ఏనా? లేక తన వినాశకరమైన చర్యలకు మియానే కారణమా? నిజం ఏంటి, భ్రమ ఏంటి అనే సైకలాజికల్ సస్పెన్స్తో ఈ సినిమా ముగుస్తుంది.
సిమోన్ యాష్లే, ఆస్టిన్ స్టోవెల్, సూరజ్ శర్మ, మోజీన్ అరియా, జెనోబియా ష్రాఫ్ తదితరులు నటించిన ‘దిస్ టెంప్టింగ్ మ్యాడ్నెస్’కు జెన్నిఫర్ ఈ. మాంట్గోమరీ దర్శకత్వం వహించారు. ఇది నిజ ఘటనల నుంచి ప్రేరణ పొందిన సైకలాజికల్ థ్రిల్లర్. ఈ సినిమా 2026 జూన్ 12న థియేటర్లలో విడుదలైంది.సెప్టెంబర్ 25 నుంచి నెట్ఫ్లిక్స్ (Netflix), లయన్స్ గేట్ ప్లే (Lionsgate Play) ఆపిల్ టీవీ (Apple TV) లలో ఇంగ్లీష్ ఆడియోతో అందుబాటులోకి వచ్చింది. మైండ్ గేమ్ థ్రిల్లర్ లను ఇష్టపడే వాళ్ళు మిస్ కాకూడని సినిమా ఇది.
Share
అన్నింటికీ ఆయనే ప్రెస్ మీట్ పెడితే ఎలా.. సజ్జల తీరుపై వైసీపీ నేతలు ఫైర్!
నాకు బైక్ నడపడం రాదు, అందుకే ధోనీ వాటిని లాగేసుకున్నాడు!
