OTT Movie : కొరియన్ సిరీస్ లు ఇప్పుడు బాగా ట్రెండ్ అవుతున్నాయి. ఎక్కడ చూసినా ఈ సిరీస్ లకు బాగా అలవాటు పడుతున్నారు ప్రేక్షకులు. వీటిలో రొమాంటిక్, థ్రిల్లర్ జానర్ లను మరింతగా ఆదరిస్తున్నారు. ఈ నేపథ్యంలో ఒక కొరియన్ థ్రిల్లర్ సిరీస్ గురించి చెప్పుకుందాం. నాలుగు ఎపిసోడ్‌ లు ఉన్న ఈ సిరీస్ ఒక అమ్మాయి మర్డర్ చుట్టూ తిరుగుతుంది. క్లైమాక్స్ లో అసలు మిస్టరీ రివీల్ అవుతుంది. ఈ సిరీస్ పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళ్తే..
సియోల్‌లోని గ్యాంగ్‌నామ్‌లో రీ కనస్ట్రక్షన్ కి సిద్ధమవుతున్న గూంగ్ అపార్ట్‌మెంట్ కాంప్లెక్స్‌లో, సూ-జిన్ అనే ఒక యువతి బాల్కనీ నుంచి పడి చనిపోయినట్లు కనిపిస్తుంది. అపార్ట్‌మెంట్ రియల్ ఎస్టేట్ ఏజెంట్ “మిస్ లీ”గా పిలవబడే లీ గూంగ్-బోక్ అనే మహిళ, ఇతరుల వ్యవహారాల్లో జోక్యం చేసుకునే అలవాటు ఎక్కువగా ఉంటుంది. సూ-జిన్ మరణం గురించి ఎక్కువగా తెలుసుకున్నవారిలో ఆమె కూడా ఒకరు. సూ-జిన్ సెల్‌ఫోన్‌ను గూంగ్-బోక్ దాచిపెడుతుంది. ఇది కేసులో కీలకమైన సాక్ష్యం గా ఉంటుంది. ఇప్పుడు ఇన్ హో-చుల్ అనే డిటెక్టివ్ ఈ కేసును విచారించడానికి వస్తాడు. ఆమె మరణం ఆత్మహత్య కాదని, గొంతు పిసికి చంపిన హత్య అని ఆటోప్సీ ద్వారా తెలుస్తుంది. సూ-జిన్ గర్భవతిగా ఉందని, ఆమె తల్లి మూడేళ్ల క్రితం హిట్-అండ్-రన్ ప్రమాదంలో కోమాలో ఉందని తెలుసుకుంటారు.
హో-చుల్ కూడా తన తమ్ముడు లీ మ్యుంగ్-వోన్‌ను కాపాడడానికి కొన్ని ఆధారాలను దాచిపెడతాడు. దీనితో గూంగ్-బోక్, హో-చుల్ ఇద్దరూ ఒకరినొకరు అనుమానిస్తూ, కేసును పరిష్కరించడానికి కలిసి పనిచేస్తారు. అపార్ట్‌మెంట్ కొంతమంది సందేహాస్పదంగా కనిపిస్తారు. ప్రతి ఒక్కరూ ఏదో ఒక రహస్యాన్ని దాచిపెడుతూ ఉంటారు. దర్యాప్తు ముందుకు సాగుతున్న కొద్దీ, సూ-జిన్ మరణం వెనుక ఉన్న నిజం బయటపడుతుంది. సూ-జిన్, మ్యుంగ్-వోన్‌తో సంబంధం కలిగి ఉంటుంది. ఆమె ఫోన్‌ను తీసుకోవడానికి ప్రయత్నిస్తున్నప్పుడు బాల్కనీ నుంచి పడిపోతుంది. కానీ అప్పటకీ ఆమె ఇంకా బతికే ఉంటుంది. మ్యుంగ్-వోన్ భార్య యూ-రా, సూ-జిన్‌తో అతని వ్యవహారం గురించి తెలిసి, ఈర్ష్యతో ఆమెను గొంతు నులిమి చంపేస్తుంది. ఈ హత్య యూ-రా కారు కెమెరాలో రికార్డ్ అవుతుంది. దీనినే గూంగ్-బోక్ దాచిపెడుతుంది. ఇక ఇన్వెస్టిగేషన్, ట్విస్టులతో ఈ స్టోరీ మొత్తం మిస్టరీ అంతా క్లైమాక్స్ లో బయట పడుతుంది. నేరస్తులు ఎవరు ? సూ-జిన్ ను చంపడానికి నిజమైన కారణం ఏమిటి ? ఆధారాలను ఎందుకు దాచిపెడుతున్నారు ? ఈ క్లైమాక్స్ ఏమిటి ? అనే విషయాలను, ఈ సినిమాని చూసి తెలుసుకోండి.
‘షీ నోస్ ఎవ్రీథింగ్’ (She Knows Everything) 2020లో విడుదలైన కొరియన్ మినీ-సిరీస్. నాలుగు ఎపిసోడ్‌లతో, లీ హ్యాంగ్-మిన్ దర్శకత్వంలో, కాంగ్ సంగ్-యాన్ (లీ గూంగ్-బోక్), జో హాన్-సన్ (ఇన్ చియోల్-హో) ప్రధాన పాత్రల్లో నటించారు. ఇది MBCలో 2020 జూలై 8 నుండి 16 వరకు ప్రసారమై, 1 గంట 10 నిమిషాల రన్‌టైమ్‌తో IMDbలో 7.2/10 రేటింగ్ పొందింది. ప్రస్తుతం ఈ సిరీస్ ఐదేళ్ల తరువాత అమెజాన్ ప్రైమ్ వీడియోలో తెలుగులో అందుబాటులోకి వచ్చింది. హిందీ డబ్బింగ్‌తో బిలిబిలి టీవీలో కూడా అందుబాటులో ఉంది.
Read Also : ముసలోడే కానీ మహానుభావుడు… ఆడవాళ్లు కన్పిస్తే అదే పని… అవార్డు విన్నింగ్ మలయాళ మూవీ
Share
Team India : మస్త్ షెడ్స్ చూపిస్తున్నారు.. ఆసియా కప్ గెలవక పోవాలి... మీకు ఉంటుంది... టీమిండియా ప్లేయర్లపై దారుణంగా ట్రోలింగ్
Teja Sajja: అంత మంచి సినిమా ఎలా వదిలేసావు భయ్యా?
