Psychological Mystery Thriller Series: ఒక అమ్మాయి మీద దారుణమైన దాడి జరుగుతుంది. తరువాత ఆమెకు ప్రపంచం స్థిరంగా కనిపించదు. ఈరోజు ఉన్న వస్తువు రేపు మరో చోట కనిపిస్తుంది. తనకు తెలిసిన మనుషులు, పరిస్థితులు కూడా మారిపోతుంటాయి. ఇదంతా తన మానసిక సమస్య అనుకున్న సమయంలో ఓ హత్య ఆమె గతాన్ని మళ్లీ కళ్ళ ముందుకు తెస్తుంది. ఆ హత్య వెనుక తనపై దాడి చేసిన వ్యక్తి ఉన్నాడని అనుమానం కలుగుతుంది. కానీ అతను సాధారణ హంతకుడు కాదు. కాలాన్ని తనకు అనుకూలంగా మార్చుకుంటూ మహిళలను టార్గెట్ చేసే వ్యక్తి. ఇలాంటి మైండ్ బెండింగ్ కథతో రూపొందిన సిరీసే ‘షైనింగ్ గర్ల్స్’ (Shining Girls). మరి ఈ సిరీస్ ఏ ఓటీటీలో ఉందో తెలుసుకుందాం.
కిర్బీ మజ్రాచీ ఓ దారుణమైన దాడి నుంచి ప్రాణాలతో బయట పడుతుంది. ఆ ఘటన తర్వాత ఆమె రియల్ వరల్డ్ పూర్తిగా మారిపోతుంది. తన చుట్టూ ఉన్న ప్రపంచం నిరంతరం మారుతున్నట్లు అనిపిస్తుంది. ఈ పరిస్థితుల్లో కూడా ఆమె తన జీవితాన్ని తిరిగి నిలబెట్టుకునే ప్రయత్నం చేస్తుంది. కొన్నేళ్ల తర్వాత ఓ మహిళ హత్యకు గురవుతుంది. ఆ కేసును గమనించిన కిర్బీకి ఆ హత్యలో తనపై దాడి చేసిన వ్యక్తి హార్పర్ కర్టిస్ ప్రమేయం ఉండొచ్చని అనిపిస్తుంది. ఆమె అనుమానాన్ని సీరియస్ గా తీసుకున్న జర్నలిస్ట్ డాన్ వెలాజ్క్వెజ్ రంగంలోకి దిగుతాడు. ఆమెతో కలిసి దర్యాప్తు మొదలు పెడతాడు.
హార్పర్ మామూలు సీరియల్ కిల్లర్ లా కనిపించడు. అతని నేరాల వెనుక సమయం, ప్రదేశం, బాధితుల ఎంపికకు సంబంధించిన ఓ విచిత్రమైన నమూనా ఉంటుంది. అతను తన టార్గెట్లను ముందుగానే గమనించి, వారి జీవితాల్లోకి చొరబడతాడు. ఒక్కో మహిళ జీవితంలో ఏదో ఒక ప్రత్యేకతను గమనించి వారిని తన వేటకు ఎంచుకుంటాడు. కిర్బీకి మాత్రం అతని గురించి తెలుసుకునే విషయంలో ఓ ప్రత్యేకమైన సమస్య ఉంటుంది. ఆమె చుట్టూ ఉన్న ప్రపంచం మారిపోతుండటంతో, తాను గుర్తుంచుకున్న విషయాలు నిజమా కాదా అనే అనుమానం కూడా వస్తుంది.
అయినా తనపై జరిగిన దాడి, తాజా హత్య మధ్య సంబంధాన్ని నిరూపించడానికి ప్రయత్నిస్తుంది. డాన్ తో కలిసి గతంలోని కేసులను పరిశీలించిన కొద్దీ ఇలాంటి ఘటనలు గతంలో కూడా జరిగాయని తెలుస్తుంది. వేర్వేరు కాలాల్లో కనిపించకుండా పోయిన మహిళలు, పరిష్కారం కాని హత్యలు, ఒకే తరహా ఆధారాలు అన్నీ హార్పర్ వైపు చూపిస్తాయి. హార్పర్ తన రహస్యాన్ని దాచుకోవడానికి మరోసారి కిర్బీని టార్గెట్ చేస్తాడు. కానీ ఈసారి ఆమె గతం నుంచి పారిపోవడం కాదు… తనను వెంటాడుతున్న మనిషి ఎవరో తెలుసుకుని ఎదుర్కోవాలని నిర్ణయించుకుంటుంది. మరి చివరికి ఆమె ఆ కిల్లర్ భరతం పట్టిందా ? వాడిని ఎలా బయట పెట్టింది ? క్లైమాక్స్ ట్విస్ట్ ఏంటి ? అన్నది తెలియాలంటే సినిమాను చూడాల్సిందే.
ఎలిజబెత్ మాస్ (Elisabeth Moss), వాగ్నర్ మౌరా (Wagner Moura), ఫిలిప్పా సూ (Phillipa Soo) కలిసి నటించిన ఈ సిరీస్ ను సిల్కా లూయిసా (Silka Luisa) రూపొందించారు. ఇప్పుడు Apple TVలో స్ట్రీమింగ్ అవుతోంది. తెలుగు ఆడియో లేదు కానీ తెలుగు సబ్టైటిల్స్ అందుబాటులో ఉన్నాయి. కాబట్టి ఎంచక్కా థ్రిల్లర్ ప్రియులు ఈ సినిమాను చూసి ఎంజాయ్ చేయవచ్చు.
Read Also: రాత్రికి రాత్రే పాపులర్… సోషల్ మీడియా స్టార్స్ లైఫ్ ఇంత ఘోరంగా ఉంటుందా ? మస్ట్ వాచ్ మలయాళం థ్రిల్లర్
Share
రైలు ప్రయాణికులకు బిగ్ అలర్ట్.. జర్నీలో ఈ తప్పులు చేస్తే.. జరిమానాతో పాటు డైరెక్ట్ జైలే!
ఎన్టీఆర్ 'గాడ్ ఆఫ్ వార్ ' పై త్రివిక్రమ్ క్రేజీ అప్డేట్!
