Survival Horror Thriller: కాలేజీ పూర్తయ్యాక స్నేహితులతో కలిసి ఓ గుర్తుండిపోయే ట్రిప్కు వెళ్లాలని చాలామంది కలలు కంటారు. కానీ అదే ట్రిప్ ప్రాణాల కోసం చేసే పోరాటంగా మారితే ? సముద్రం అడుగున ఉన్న ఓ ప్రమాదకరమైన గుహలో చిక్కుకుని, బయటకు వచ్చే మార్గాలన్నీ మూసుకుపోతే ? అంతేకాదు… అదే గుహలో ఆకలితో తిరుగుతున్న ఓ భారీ బుల్ షార్క్ కూడా ఉంటే ? ఇలాంటి గుండెల్లో దడ పుట్టించే కథతో తెరకెక్కిన హాలీవుడ్ సర్వైవల్ హారర్ థ్రిల్లర్ ‘The Devil’s Mouth’. ఇప్పుడు తెలుగు డబ్బింగ్తో ఓటీటీలో అందుబాటులో ఉంది. మరి ఈ సినిమా కథ ఏంటి ? ఎక్కడ స్ట్రీమింగ్ అవుతోంది ? అనే వివరాలపై ఓ లుక్కేద్దాం పదండి.
కాలేజీ చదువు పూర్తయిన సందర్భంగా ఐదుగురు స్నేహితులు కలిసి థాయిలాండ్కు విహారయాత్రకు వెళ్తారు. సాధారణ టూరిస్టుల్లా బీచ్లు చూసి తిరిగి రావడం వారికి నచ్చదు. అందరూ వెళ్లడానికి భయపడే ఒక రహస్య సముద్ర గుహను విజిట్ చేయాలని నిర్ణయించుకుంటారు. అక్కడి స్థానికులు ‘ది డెవిల్స్ మౌత్’ అని పిలిచే ఆ గుహ చాలా ప్రమాదకరమని హెచ్చరిస్తారు. లోపలికి వెళ్లిన వారు సురక్షితంగా తిరిగి రావడం చాలా అరుదని కూడా చెబుతారు. అయినా సాహసమే లక్ష్యంగా డైవింగ్ సామగ్రితో ఆ ఐదుగురు గుహలోకి అడుగు పెడతారు.
మొదట గుహలోని అద్భుతమైన దృశ్యాలు చూసి ఆనందపడిన వారు, కొద్దిసేపటికే ఊహించని పరిస్థితిని ఎదుర్కొంటారు. సముద్రంలో ఒక్కసారిగా భారీ తుఫాను రావడంతో గుహలోకి వచ్చిన మార్గాలన్నీ రాళ్లతో మూసుకుపోతాయి. బయట ప్రపంచంతో సంబంధం పూర్తిగా తెగిపోతుంది. కానీ వారి కష్టాలు అక్కడితో ముగియవు. తుఫాను కారణంగా సముద్రం నుంచి ఒక భారీ బుల్ షార్క్ కూడా అదే గుహలోకి చేరుతుంది. ఆకలితో ఉన్న ఆ రాక్షస చేప నీటిలో కదిలే ప్రతి వస్తువునూ వేటాడడం మొదలు పెడుతుంది. ఇక ఒకవైపు తగ్గిపోతున్న ఆక్సిజన్… మరోవైపు బయటకు వెళ్లే దారి లేకపోవడం… ఇంకోవైపు క్షణక్షణం వెంటాడే షార్క్… ఈ మూడు ప్రమాదాల మధ్య వాళ్ళు ప్రాణాల కోసం పోరాడాల్సిన పరిస్థితి ఏర్పడుతుంది.
గుహలోని ఒక్కో దారి కొత్త ప్రమాదానికి దారి తీస్తుంది. చిన్న తప్పు చేసినా ప్రాణాలు కోల్పోయే పరిస్థితి నెలకొంటుంది. ఒకరినొకరు కాపాడుకునే ప్రయత్నంలో స్నేహితుల మధ్య భయం, ఆందోళన మరింత పెరుగుతుంది. పరిస్థితులు కఠినంగా మారుతున్న కొద్దీ వారి ధైర్యం, సమయస్ఫూర్తి, పరస్పర నమ్మకమే వారికి చివరి ఆశగా మారుతుంది. చివరికి ఆ ఐదుగురు స్నేహితులు ఆ గుహ నుంచి ప్రాణాలతో బయట పడగలిగారా ? బుల్ షార్క్ బారి నుంచి ఎలా తప్పించుకున్నారు ? ‘ది డెవిల్స్ మౌత్’లో దాగి ఉన్న అసలు ప్రమాదం ఏమిటి ? చివరి వరకు వారందరూ కలిసి బతికి బయటపడ్డారా ? లేక ఆ గుహ మరో బలిని తీసుకుందా? అనే ప్రశ్నలకు సమాధానం కావాలంటే ఈ సినిమాను చూడాల్సిందే.
హాలీవుడ్ సర్వైవల్ హారర్ థ్రిల్లర్ ‘ది డెవిల్స్ మౌత్’లో కేథరిన్ న్యూటన్, లానా కాండర్, గావిన్ కాసలెగ్నో ప్రధాన పాత్రల్లో నటించారు. ఈ చిత్రం ప్రస్తుతం Amazon Prime Videoలో తెలుగు, తమిళం, హిందీతో పాటు ఇంగ్లీష్ భాషలో కూడా స్ట్రీమింగ్ అవుతోంది. మొదటి నుంచి చివరి వరకు ఉత్కంఠతో సాగే ఈ సినిమాను వీకెండ్లో తప్పకుండా ట్రై చేయొచ్చు.
Read Also: ఓవర్టేక్ చేసినందుకే నరకం చూపించే సైకో… ఈ రోడ్ రేజ్ థ్రిల్లర్ మైండ్ బ్లోయింగ్
Share
విశ్వంభరా... వస్తున్నావా..? లేక ఊరికే చెబుతున్నావా..?
పాకిస్తాన్ బౌలర్లకు జై షా బిగ్ షాక్..ఇక గ్రౌండ్ లో దిగకుండా మాస్టర్ ప్లాన్
