Horror Thriller on OTT‘ : ట్రైన్ టు బుసాన్’ మూవీని ఏ ముహూర్తాన తీశారో గానీ, ప్రేక్షకులకు పిచ్చి పిచ్చిగా నచ్చేసింది. అందులో ఉన్న యాక్టర్స్ కు మంచి పేరు దక్కడమే కాదు, డైరెక్టర్ కు కూడా ప్రపంచవ్యాప్తంగా గుర్తింపు లభించింది. అందుకే ఓటీటీ మూవీ లవర్స్ కూడా ఆయన టేకింగ్ కు ఫిదా అయ్యి, ఆయన తీసిన సినిమాలను వెతికి మరీ చూస్తున్నారు. ఇక ఇప్పుడు మనం చెప్పుకోబోయే సినిమాలో కూడా ఆయన ఇన్వాల్వ్మెంట్ ఉంటుంది. ఆ మూవీనే 2021లో విడుదలై కొరియన్ హారర్ సినిమాల్లో ఒక భయంకరమైన మార్క్ వేసిన చిత్రం ‘The Cursed: Dead Man’s Prey’. మరి ఈ సినిమాకు , ‘ట్రైన్ టు బుసాన్’డైరెక్టర్ కు ఉన్న లింకు ఏంటి ? మూవీ స్టోరీ ఏంటి ? అనే విషయాలను వివరంగా తెలుసుకుందాం పదండి.
కథ ఒకరోజు రాత్రి నగరంలో జరిగిన ఘోరమైన హత్యతో స్టార్ట్ అవుతుంది. పోలీసులు హంతకుడి శవాన్ని కూడా చనిపోయిన వ్యక్తి పక్కనే ఉన్నట్టు కనిపెడతారు. కానీ ఫోరెన్సిక్ రిపోర్టు ఒక భయంకరమైన నిజాన్ని బయట పెడుతుంది. నిజానికి ఆ హంతకుడు మూడు నెలల క్రితమే చనిపోయిన వ్యక్తి. అంటే బ్రతికొచ్చిన శవం అన్నమాట. ఒకసారి చస్తే తిరిగి రావడం అన్నది జరిగే పని కాదు. అందుకే ఈ మిస్టరీని ఛేదించడానికి ధైర్యవంతురాలైన ఇన్వెస్టిగేటివ్ జర్నలిస్ట్ లిమ్ జిన్-హీ రంగంలోకి దిగుతుంది.
ఒక రేడియో షోలో ఉండగా ఆమెకు ఒక గుర్తుతెలియని వ్యక్తి నుండి ఫోన్ వస్తుంది. తానే ఆ హత్య చేశానని, ఒక పెద్ద ఫార్మాస్యూటికల్ కంపెనీకి చెందిన ముగ్గురు ఎగ్జిక్యూటివ్‌లను కూడా బ్రతికొచ్చిన శవాలతో చంపబోతున్నానని లైవ్‌లోనే హెచ్చరిస్తాడు. అన్నట్టుగానే నగరంలో భయంకరమైన దాడులు మొదలవుతాయి. ఒక మంత్రగాడు తన శక్తులతో చనిపోయిన వందలాది శవాలను లేపి నగరంలోకి వదులుతాడు. ఆ శవాల సైన్యం పోలీసులపై, కార్లపై భీకర దాడులు చేస్తూ విధ్వంసం సృష్టిస్తాయి.
జిన్-హీ ఈ శవాలను ఆపడం సాధారణ మనుషుల వల్ల కాదని గ్రహించి, చైనీస్ అక్షరాలు, ఫోటోలు, వస్తువుల ద్వారా మనుషులను శపించగల ప్రత్యేక శక్తులున్న ఒక టీనేజ్ అమ్మాయి బేక్ సో-జిన్ సహాయం తీసుకుంటుంది. ఆమె సహాయంతో జిన్-హీ ఆ మంత్రగాడి సీక్రెట్ ను వెలికితీస్తుంది. ఆ మంత్రగాడు ఒక ఫార్మా కంపెనీపై పగ తీర్చుకోవడానికి ఈ శవాల సైన్యాన్ని ఉపయోగిస్తున్నాడని తెలుస్తుంది. ఇంతకీ ఆ మంత్రగాడి గతం ఏంటి ? అతను ఇలా శవాలతో ఎందుకు చెలగాటం ఆడుతున్నాడు ? చివరికి ఏమైంది ? అన్నది స్టోరీ.
Also Read : కాన్సర్ట్ కోసం బయల్దేరి కనిపించకుండా పోయే గ్యాంగ్… విమానం కూలడంతో కథ కంచికి
‘ది కర్స్డ్: డెడ్ మాన్స్ ప్రే’ సినిమాలో జాంబీ దాడి సీన్స్, చేతబడి సన్నివేశాలు, ట్విస్టులు ప్రేక్షకులను ఆకట్టుకుంటాయి. ‘ట్రైన్ టు బుసాన్’ దర్శకుడు యాన్ సాంగ్-హో ఈ సినిమాకు కథ అందించడం విశేషం. ప్రస్తుతం Amazon Prime Videoలో కొరియన్ ఆడియోతో ఇంగ్లీష్ సబ్‌టైటిల్స్‌తో అందుబాటులో ఉంది. తెలుగు డబ్బింగ్ వెర్షన్ అందుబాటులో లేదు.
Share
టీమిండియాకు RCB ప్లేయ‌ర్ల శాపం...ఆ జ‌ట్టు ప్లేయ‌ర్లే ముంచేస్తున్నారు క‌ద‌రా
చిరిగిన బట్టలు ధరించకూడదు ఎందుకు? ఇప్పుడు అదే ట్రెండ్, దానివల్ల నష్టాలెన్నో తెలుసా?
