OTT Movie : ఇండోనేషియన్ హారర్ సినిమాలలో వైలెన్స్ ఎక్కువగానే ఉంటుంది. ఇక్కడి ప్రజలు కూడా పురాతన ఆచారాలు ఎక్కువగా పాటిస్తుంటారు. అందుకే ఈ ఇడస్ట్రీ నుంచి, చేతబడి, దెయ్యాల స్టోరీలతో సినిమాలు వస్తుంటాయి. ఓటీటీలోకి వస్తున్న ఈ హారర్ సినిమాలను ప్రేక్షకులు కూడా ఇంట్రెస్టింగా చూస్తున్నారు. అయితే ఇప్పుడు మనం చెప్పుకోబోయే సినిమా, ఒక తల్లి, ఒక కుమార్తె, మధ్యలో దెయ్యం అన్నట్టుగా సాగుతుంది. ఇందులో దెయ్యంతో ఒక మహిళ చేసుకునే ఒప్పందం, ఆ కుటుంబ నాశనానికి కారణం అవుతుంది. ఈ సినిమాని గుండె గట్టిగా ఉన్న వాళ్ళు చూస్తేనే బెట్టర్. ఎందుకంటే ఈ సీన్స్ అంత భయంకరంగా ఉంటాయి. ఈ సినిమాపేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే ..
నెట్ ఫ్లిక్స్ (Netflix) లో
ఈ ఇండోనేషియన్ హారర్-థ్రిల్లర్ మూవీ పేరు ‘ది డెమన్స్ బ్రైడ్’ (The Demons Bride). 2025 లో వచ్చిన ఈ సినిమాకి అజర్ కినోయ్ లుబిస్ దర్శకత్వం వహించారు. ఇందులో టాస్క్య నమ్యా (రాంటి), వులాన్ గురిట్నో, షిండి హువాంగ్, ఎడ్వర్డ్ అక్బర్ ప్రధాన పాత్రల్లో నటించారు. 2025 జనవరి 9న థియేటర్లలో విడుదలైన ఈ సినిమా, ప్రస్తుతం నెట్ ఫ్లిక్స్ (Netflix) లో అందుబాటులో ఉంది. 1 గంట 46 నిమిషాల నిడివి ఉన్న ఈ సినిమాకి IMDB లో 5.8/10 రేటింగ్ ఉంది.
స్టోరీలోకి వెళితే
రాంటి తన కుమార్తె నినాను తన ప్రాణాంకన్నా ఎక్కువగా ప్రేమిస్తుంటుంది. నినా పుట్టినప్పటినుంచే వికలాంగురాలు. నడవలేని స్థితిలో ఉంటుంది. రాంటి తన కుటుంబంతో (భర్త బోవో, సోదరి సిటి, అత్తగారు, బావమరిది) కలిసి ఒక గ్రౌండెడ్ జీవితాన్ని గడుపుతుంది. కానీ నినా పరిస్థితిని చూసి ఆమె ఆందోళన చెందుతూ ఉంటుంది. ఒక రోజు నినాకు ఒక ఘోరమైన ప్రమాదం జరుగుతుంది. ఆమెకు వెంటనే చికిత్స చేయాల్సి వస్తుంది. వైద్య ఖర్చులు భరించలేని స్థితిలో, రాంటి తన కుమార్తెను రక్షించడానికి ఒక షాకింగ్ నిర్ణయం తీసుకుంటుంది. ఆమె ఒక దెయ్యంతో ఒప్పందం చేసుకుంటుంది. ఈ ఒప్పందం నినా జీవితాన్ని కాపాడుతుంది. కానీ రాంటిలోకి దెయ్యం ఆవహిస్తుంది. ఆమె స్వభావం హఠాత్తుగా మారిపోతుంది.
దెయ్యం ప్రభావంతో, రాంటి హింసాత్మకంగా మారుతుంది. ఆమె తన కుటుంబ సభ్యులపై దాడులు చేస్తుంది. మొదట ఆమె సోదరి సిటిని, ఆ తర్వాత అత్తగారిని, బావమరిదిని, ఆమె భర్త బోవోను కూడా హతమారుస్తుంది. ఈ రక్తపాత సీన్స్ సినిమాలో భయంకరంగా ఉంటాయి. రాంటి మానవత్వం క్రమంగా కోల్పోతూ, పూర్తిగా దెయ్యం నియంత్రణలోకి వెళ్ళిపోతుంది. ఈ హత్యల సమయంలో, రాంటి సన్నిహితురాలు గిటా,నినా మాత్రమే ప్రాణాలతో బయటపడతారు. ఆ తరువాత క్లైమాక్స్ ఊహించని మలుపుతో దద్దరిల్లిపోతుంది. చివరికి ఆ దెయ్యం ప్రభావం వల్ల రాంటి ఏమౌతుంది ? నినాకి అంగవైకల్యం నుంచి కొలుకుంటుందా ? ఇంతకీ రాంటి దెయ్యం తో చేసుకున్న ఒప్పందం ఏంటి ? అనే విషయాలను తెలుసుకోవాలనుకుంటే, ఈ సినిమాని మిస్ కాకుండా చూడండి.
Read Also : భర్త ఉండగానే ఆఫీసులోనే కుర్రాడితో దుకాణం పెట్టే హీరోయిన్… స్ట్రిక్ట్లీ సింగిల్స్ కు మాత్రమే
Share
Finland Clever Trick: దారి పొడవునా.. చెట్లను గాల్లోకి వేలాడదీసి.. రష్యాకు చుక్కలు చూపించిన ఫిన్ల్యాండ్, ఎందుకలా?
Japan Airlines: గాల్లో ఒకేసారి 26 వేల అడుగుల కిందకి పడ్డ బోయింగ్ విమానం, చివరికి..
