Mijia Smart Cooker: టెక్నాలజీ దిగ్గజం షావోమి (Xiaomi) గృహోపకరణాల విభాగంలో మరో విప్లవాత్మక ప్రొడక్ట్ ను తీసుకొచ్చింది. స్మార్ట్ హోమ్ గ్యాడ్జెట్స్కు కేరాఫ్ అడ్రస్గా నిలిచే మిజియా బ్రాండ్ నుండి ‘మిజియా స్మార్ట్ ప్రెజర్ కుక్కర్ 2 ప్రో’ (Mijia Smart Pressure Cooker 2 Pro) ను చైనా మార్కెట్లో అధికారికంగా లాంచ్ చేసింది. ప్రస్తుత వంటగది అవసరాలకు తగ్గట్టుగా, సరికొత్త సాంకేతికతతో ఈ స్మార్ట్ ప్రెజర్ కుక్కర్ను డిజైన్ చేశారు. దీనికి సంబంధించిన పూర్తి వివరాలేంటో ఈ కథనంలో చూద్దాం.
ఈ సరికొత్త స్మార్ట్ ప్రెజర్ కుక్కర్ ఏకంగా.. 2200W IH హీటింగ్ సామర్థ్యంతో రూపొందింది. సాధారణ కుక్కర్లతో పోలిస్తే ఇది అత్యంత వేగంగా అన్ని వైపుల నుంచి వేడిని అందిస్తుంది. దీనివల్ల ఆహారం త్వరగా ఉడకడమే కాకుండా పదార్థాలలోని పోషక విలువలు (Nutrients) కోల్పోకుండా ఉంటాయి. ఫలితంగా సమయం ఆదా అవ్వడంతో పాటు వంట రుచి కూడా అద్భుతంగా ఉంటుందని కంపెనీ వర్గాలు పేర్కొన్నాయి.
ఆరోగ్యానికి అత్యంత ప్రాధాన్యతనిస్తూ షావోమి ఈ కుక్కర్లో ఫ్లోరిన్-రహిత (Fluorine-free) డ్యూయల్ పాట్స్ (రెండు లోపలి పాత్రలు) అందించింది. సాధారణంగా నాన్-స్టిక్ కోటింగ్లలో ఉండే కెమికల్స్ ఆరోగ్యానికి హానికరం అనే ఆందోళన సహజంగానే ఉంటుంది. కాబట్టి ఇందులో సురక్షితమైన కోటింగ్ను ఉపయోగించారు. పైగా రెండు వేర్వేరు పాత్రలు ఇవ్వడం వల్ల ఒకదానిలో అన్నం వండుకుంటూ మరొకదానిలో కర్రీస్ లేదా సూప్స్ వంటివి సులభంగా తయారుచేసుకోవచ్చు.
‘మిజియా’ బ్రాండ్ నుండి వస్తున్న ప్రొడక్ట్ కాబట్టి ఇందులో ఆకర్షణీయమైన స్మార్ట్ ఫీచర్లను అందించారు. దీనిని మిజియా యాప్ (Mijia App) సాయంతో స్మార్ట్ఫోన్తో కనెక్ట్ చేయవచ్చు. యాప్ ద్వారా వందలాది వంటకాల (Recipes) గైడ్ను యాక్సెస్ చేయడమే కాకుండా.. వంటను పర్యవేక్షించవచ్చు. కుక్కర్ కు అమర్చిన డిస్ప్లే, నాబ్ కంట్రోల్స్ వల్ల యూజర్లు వంట మోడ్స్ను చాలా సులభంగా మార్చుకునేందుకు అవకాశం ఉంటుంది.
ప్రెజర్ కుక్కర్లలో సేఫ్టీ అనేది చాలా ముఖ్యం. దీనిని దృష్టిలో ఉంచుకుని షావోమి ఇందులో మల్టీ-లేయర్ ప్రెజర్ ప్రొటెక్షన్ సిస్టమ్ను ప్రవేశపెట్టింది. పీడనం ఎక్కువైతే ఆటోమేటిక్గా అడ్జస్ట్ అయ్యేలా దీనిని రూపొందించారు. కేవలం ప్రెజర్ కుక్కర్లానే కాకుండా.. దీనిని రైస్ కుక్కర్, స్లో కుక్కర్, స్టీమర్, సాట్ పాన్లా కూడా మల్టీపర్పస్గా వాడుకోవచ్చు.
Also Read: నెట్ఫ్లిక్స్ వాడుతున్నారు సరే.. ఈ 7 సీక్రెట్స్ గురించి తెలుసా? లేదంటే చాలా మిస్ అవుతున్నట్లే!
ప్రస్తుతానికి చైనా మార్కెట్లో అందుబాటులోకి వచ్చిన ఈ ‘మిజియా స్మార్ట్ ప్రెజర్ కుక్కర్ 2 ప్రో’ త్వరలోనే అంతర్జాతీయ మార్కెట్లతో పాటు భారత్ లో కూడా అడుగుపెట్టే అవకాశం ఉంది. ప్రస్తుతం ఈ స్మార్ట్ కుక్కర్ ధరను 899 యువాన్లుగా షావోమీ నిర్ణయించింది. అంటే భారత కరెన్సీ ప్రకారం ఇది రూ. 12,472కు సమానం. డిజిటల్ లైఫ్స్టైల్కు అలవాటుపడి కిచెన్లో త్వరగా, ఆరోగ్యకరంగా వంట ఫినిష్ చేయాలని భావించేవారికి ఇదొక పర్ఫెక్ట్ ఛాయిస్ అని చెప్పవచ్చు.
Also Read: ఏంటీ, ‘Bluetooth On’లో ఉంటే.. ఇన్ని ఘోరాలు జరుగుతాయా? సర్వం కోల్పోవాల్సిందేనా!
Share
సియెర్రా To అవిన్యా.. టాటా రాబోతున్న 5 క్రేజీ ఎలక్ట్రిక్ కార్లు ఇవే!
Ashwin: 2027 వరల్డ్ కప్ లో కోహ్లీ, రోహిత్ ఆడకుండా కొందరు కుట్రలు చేస్తున్నారు
