జస్ట్ రూ.6 వేలకే అమెజాన్ బెస్ట్ సెల్లింగ్ టాబ్లెట్.. ప్రైమ్ యూజర్లకు గోల్డెన్ ఛాన్స్ భయ్యా!

Amazon Fire HD 10: నేటి టెక్ యుగంలో కొత్త టాబ్లెట్ కొనాలంటే బడ్జెట్ పెద్ద సమస్యగా మారుతుంది. అంతలా ధరలు పెరిగిపోయాయి మరి. అయితే అమెజాన్ తమ ప్రైమ్ సబ్‌స్క్రైబర్ల కోసం ఒక అదిరిపోయే ఆఫర్‌ను అందుబాటులోకి తెచ్చింది. తమ బెస్ట్ సెల్లింగ్ ఆప్షన్లలో ఒకటైన Fire HD 10 టాబ్లెట్‌పై ఏకంగా 50 శాతం డిస్కౌంట్ ఇస్తోంది. సాధారణంగా రూ.12,000 పైనే ఉండే ఈ గ్యాడ్జెట్.. ఇప్పుడు ఈ సేల్‌లో కేవలం రూ.6,000 ఆఫర్ ధరకే లభిస్తోంది. రోజూ సినిమాలు చూడటానికి, ఆన్‌లైన్ క్లాసులకు లేదా ఈ-బుక్స్ చదవడానికి ఒక మంచి డివైజ్ కోసం చూస్తుంటే ఇది బెస్ట్ ఛాయిస్.

డిజైన్, డిస్‌ప్లే విశేషాలు..

ఈ టాబ్లెట్ 10.1 అంగుళాల ఫుల్ హెచ్‌డీ స్క్రీన్‌తో వస్తుంది. డిస్‌ప్లే క్వాలిటీ చాలా బాగుండటం వల్ల వీడియోలు, సినిమాలు చూసేటప్పుడు మంచి అనుభూతిని ఇస్తుంది. ప్రస్తుతానికి కేవలం బ్లాక్ కలర్ మోడల్‌పైనే ఈ భారీ డిస్కౌంట్ వర్తిస్తుంది. ఇందులో 32GB ఇంటర్నల్ స్టోరేజ్ ఇచ్చినప్పటికీ.. మైక్రో ఎస్‌డీ కార్డ్ ద్వారా ఏకంగా 1TB వరకు పెంచుకునే వెసులుబాటు ఉంది. అలాగే సెల్ఫీలు, వీడియో కాల్స్ కోసం 5 మెగాపిక్సెల్ ఫ్రంట్ కెమెరాను అమర్చారు.

Also Read: MP3 పాటల్లోనూ HD సౌండ్ ఎంజాయ్ చేయొచ్చు.. రూపాయి ఖర్చు లేని 5 ట్రిక్స్ ఇవే!

పనితీరు, బ్యాటరీ లైఫ్..

Amazon Fire HD 10 డివైజ్‌లో ఆక్టాకోర్ ప్రాసెసర్‌తో పాటు 4GB ర్యామ్ అందించారు. దీనివల్ల డైలీ టాస్క్‌లు, గేమింగ్, యాప్స్ వాడకం చాలా స్మూత్‌గా సాగుతుంది. ఒక్కసారి ఫుల్ ఛార్జ్ చేస్తే దాదాపు 13 గంటల వరకు బ్యాటరీ లైఫ్ వస్తుందని కంపెనీ చెబుతోంది. పెట్టెలోనే యూఎస్‌బీ టైప్-సి కేబుల్ ఇస్తారు. విడిగా 15 వాట్స్ ఛార్జర్ వాడితే మూడు గంటల్లోపే ఈ టాబ్లెట్‌ను ఫుల్ ఛార్జ్ చేసుకోవచ్చు.

స్మార్ట్ ఫీచర్లు ప్రత్యేకం..

ఇందులో అమెజాన్ అసిస్టెంట్ అలెక్సాతో పాటు కొన్ని సరికొత్త ఆర్టిఫిషియల్ ఇంటెలిజెన్స్ ఫీచర్లు కూడా ఉన్నాయి. మనకు నచ్చిన వాల్‌పేపర్‌లను క్రియేట్ చేసుకోవడం, పెద్ద వెబ్‌పేజీలను కుదించి సారాంశం చదవడం, మెయిల్స్ రాయడంలో సాయం పడటం వంటివి ఈ ఫీచర్ల ద్వారా చేయవచ్చు. పిల్లల కోసం ప్రత్యేకంగా కొన్ని చైల్డ్ ఫ్రెండ్లీ ఆప్షన్లు కూడా ఉండటం విశేషం.

వినియోగదారుల స్పందన..

ఇప్పటికే ఈ టాబ్లెట్‌ను కొనుగోలు చేసిన వేలాది మంది కస్టమర్లు దీని డిస్‌ప్లే, తక్కువ ధర, పనితీరుపై ప్రశంసలు కురిపిస్తున్నారు. అయితే కొంతమంది మాత్రం బ్యాటరీ బ్యాకప్ విషయంలో మిశ్రమంగా స్పందించారు. రూ.6,000 లోపు బడ్జెట్‌లో ఇంతటి డిస్‌ప్లే, మంచి ఫీచర్లు ఉన్న టాబ్లెట్ దొరకడం నిజంగా గొప్ప విషయమే. ప్రైమ్ సభ్యులకు వేగవంతమైన డెలివరీ, రీప్లేస్‌మెంట్ సౌకర్యం కూడా అందుబాటులో ఉన్నాయి.

Also Read: రూ.3,000 బడ్జెట్‌లో వావ్ అనిపించే ANC ఇయర్‌బడ్స్.. సౌండ్ క్వాలిటీ, బ్యాటరీ నెక్ట్స్ లెవెల్!