Gyanesh Kumar Family: భారత ప్రధాన ఎన్నికల కమిషనర్ (సీఈసీ) జ్ఞానేష్ కుమార్.. ప్రస్తుతం రాజకీయ వివాదానికి కేంద్రబిందువుగా మారారు. సర్ (ఎస్ఐఆర్) ప్రక్రియ అమలులో ఆయన తీసుకున్న కొన్ని కీలక నిర్ణయాలపై తీవ్ర విమర్శలు వ్యక్తమవుతున్నాయి. ఎన్నికల కమిషన్లోని ఇతర కమిషనర్ల సలహాలను పక్కనబెట్టి ఏకపక్షంగా నిర్ణయాలు తీసుకున్నారని కథనాలు వెలుపడుతున్నాయి. ఈ నేపథ్యంలో జ్ఞానేష్ కుమార్ ఫ్యామిలీ నేపథ్యం అందరి దృష్టిని ఆకర్షిస్తోంది. ఆయన కుటుంబంలోని అందరూ సివిల్ సర్వెంట్లు కావడం ఆశ్చర్యానికి గురిచేస్తోంది. ఆ వివరాలేంటో ఈ కథనంలో చూద్దాం.
1988 కేరళ కేడర్ ఐఏఎస్ అధికారి అయిన జ్ఞానేష్ కుమార్.. ఐఐటీ కాన్పూర్ నుంచి బీటెక్ పూర్తి చేశారు. కేంద్ర హోమ్శాఖ, సహకార శాఖల కార్యదర్శిగా బాధ్యతలు నిర్వర్తించి 2024 జనవరిలో పదవీ విరమణ చేశారు. ఆ తర్వాత 2024 మార్చిలో ఎన్నికల కమిషనర్గా, ఆపై ప్రధాన ఎన్నికల కమిషనర్గా బాధ్యతలు స్వీకరించారు.
షూటింగ్ ఛాంపియన్షిప్లో పతకం సాధించిన మేధా.. 2013 యూపీఎస్సీ పరీక్షల్లో పదవ ర్యాంకు సాధించి ఐఏఎస్ అధికారిణిగా ఎంపికయ్యారు. ప్రస్తుతం ఉత్తరప్రదేశ్ లోని నోయిడా జిల్లా కలెక్టర్ గా ఆమె విధులు నిర్వహిస్తున్నారు.
ఢిల్లీలోని సెయింట్ స్టీఫెన్స్ కాలేజీలో చదివిన ఈమె.. 2017 యూపీఎస్సీ పరీక్షల్లో 297వ ర్యాంకు సాధించి ఐఆర్ఎస్ (ఐటీ) అధికారిణిగా ఎంపికయ్యారు. ప్రస్తుతం అసిస్టెంట్ కమిషనర్గా పనిచేస్తున్నారు.
ఐఐటీ ఢిల్లీ పూర్వ విద్యార్థి అయిన మనీష్.. 2014 కేడర్ ఐఏఎస్ అధికారి. యూపీఎస్సీలో 53వ ర్యాంకు సాధించిన ఈయన ప్రస్తుతం ఆగ్రా జిల్లా మెజిస్ట్రేట్గా వ్యవహరిస్తున్నారు.
జమ్మూ కాశ్మీర్కు చెందిన అక్షయ్ 2017లో మొదటి ప్రయత్నంలోనే ఐఏఎస్ సాధించారు. శిక్షణ సమయంలో అభిశ్రీతో పరిచయం ఏర్పడి.. 2020లో వివాహం చేసుకున్నారు.
Also Read: చాక్లెట్ల పేరుతో ఆటపట్టించి.. ఉద్యోగులకు ఐఫోన్ గిఫ్టులు.. ఈ బాస్ బంగారం బాబోయ్!
వీరితో పాటు జ్ఞానేష్ కుమార్ సోదరుడు మనీష్ కుమార్ ఐఆర్ఎస్ అధికారిగా బాధ్యతలు నిర్వర్తిస్తుండగా.. ఆయన బావమరిది ఉపేంద్ర జైన్ 1991 బ్యాచ్కు చెందిన ఐపీఎస్ అధికారిగా ఉన్నత స్థానంలో ఉన్నారు.
Also Read: మీ ఫోన్ కెమెరా హ్యాకర్ల కంట్రోల్లోకి వెళ్లిందా? వెంటనే ఇలా కనిపెట్టండి.. లేదంటే డేంజరే!
Share
రైస్ మిల్లర్ల సమ్మెతో చిక్కుల్లో తెలంగాణ ప్రభుత్వం.. ఇప్పుడైనా కొలిక్కివచ్చేనా..?
జస్ట్ రూ.6 వేలకే అమెజాన్ బెస్ట్ సెల్లింగ్ టాబ్లెట్.. ప్రైమ్ యూజర్లకు గోల్డెన్ ఛాన్స్ భయ్యా!
