అమెజాన్ సేల్ వచ్చేస్తోంది భయ్యో.. ఈ స్మార్ట్‌ఫోన్ల ధరలు భారీగా తగ్గే అవకాశం!

Amazon Great Indian Festival 2026: దసరా, దీపావళి పండుగల సందర్భంగా కొత్త స్మార్ట్‌ఫోన్ కొనాలని చూస్తున్న వారికి అమెజాన్ గ్రేట్ ఇండియన్ ఫెస్టివల్ శుభవార్త అందించింది. అక్టోబర్ 8 నుంచి సేల్ ప్రారంభం కానుందని ప్రచారం జరుగుతోంది. ఈ సందర్భంగా ప్రీమియం నుంచి మిడ్‌రేంజ్ వరకు పలు ప్రముఖ స్మార్ట్‌ఫోన్లపై ప్రత్యేక డీల్స్ అందుబాటులోకి వచ్చే అవకాశం ఉంది. యాపిల్, శాంసంగ్, వన్‌ప్లస్, ఐకూ వంటి బ్రాండ్ల మోడళ్లపై ధర తగ్గింపులు, బ్యాంక్ ఆఫర్లు, ఎక్స్ఛేంజ్ ప్రయోజనాలు ఉండొచ్చని అంచనా.

ఐఫోన్ 16పై భారీ తగ్గింపు?

ఐఫోన్ 16 కొనాలని ప్లాన్ చేస్తున్న వారికి ఈ సేల్‌ ఉపయోగకరంగా ఉంటుంది. రూ.89,999 ధరకు లభించే ఈ మోడల్ కొన్ని ఆఫర్లతో రూ.70,000 కంటే తక్కువకే అందుబాటులోకి రావచ్చని సమాచారం. అయితే స్టోరేజ్ వేరియంట్, విక్రేత, బ్యాంక్ ఆఫర్‌ను బట్టి తుది ధర మారే అవకాశం ఉంటుంది.

శాంసంగ్ S25 అల్ట్రా..

ఆండ్రాయిడ్ ఫ్లాగ్‌షిప్‌లలో శాంసంగ్ గెలాక్సీ S25 అల్ట్రాపై కూడా భారీ డీల్ ఉండొచ్చని తెలుస్తోంది. ప్రస్తుతం సుమారు రూ.99,999 ధరలో కనిపిస్తున్న ఈ ఫోన్.. వివిధ ఆఫర్లు కలిస్తే రూ.85,000 లోపే లభించే అవకాశం ఉందని అంచనా. ఎక్స్ఛేంజ్ బోనస్, బ్యాంక్ డిస్కౌంట్‌తో మరింత ప్రయోజనం పొందొచ్చు.

Also Read: AI మెమరీతో కొత్త స్మార్ట్ గ్లాసెస్.. కెమెరా, స్క్రీన్ లేకుండానే ఎలా పనిచేస్తాయంటే?

వన్‌ప్లస్, ఐకూకి డీల్స్..

వన్‌ప్లస్ 15, వన్‌ప్లస్ 15R, ఐకూ 15 వంటి మోడళ్లపై కూడా రూ.5,000 నుంచి రూ.10,000 వరకు తగ్గింపులు రావచ్చని అంచనా. బడ్జెట్, మిడ్‌రేంజ్ విభాగాల్లో వన్‌ప్లస్ నార్డ్, ఐకూ Z సిరీస్ ఫోన్లకు కూడా ప్రత్యేక ఆఫర్లు ఉండొచ్చు.

బ్యాంక్ ఆఫర్లు..

సేల్ సమయంలో బ్యాంక్ కార్డ్ డిస్కౌంట్లు అదనపు ఆదా కల్పించవచ్చు. ఎస్‌బీఐ క్రెడిట్, డెబిట్ కార్డులపై 10 శాతం వరకు తక్షణ తగ్గింపు వంటి ఆఫర్లు ఉండే అవకాశం ఉంది. ప్రైమ్ సభ్యులకు కొన్ని డీల్స్‌పై ముందస్తు యాక్సెస్ కూడా లభించవచ్చు.

కొనే ముందు జాగ్రత్త..

ప్రచారంలో ఉన్న ధరలను తుది ధరలుగా భావించకపోవడం మంచిది. సేల్ ప్రారంభమైన తర్వాత ప్రొడక్ట్ పేజీలో వేరియంట్, విక్రేత, బ్యాంక్ ఆఫర్, ఎక్స్ఛేంజ్ విలువ, నో-కాస్ట్ EMI వంటి వివరాలను పరిశీలించాలి. అన్ని ప్రయోజనాలు కలిపిన తర్వాత నిజంగా ఎంత చెల్లించాలో చూసి ఆర్డర్ చేయడం ఉత్తమం. ముఖ్యంగా ఫ్లాష్ డీల్స్‌లో స్టాక్, ధరలు వేగంగా మారవచ్చు. కాబట్టి ముందుగానే నచ్చిన మోడళ్లను విష్‌లిస్ట్‌లో సేవ్ చేసుకుంటే సేల్ సమయంలో నిర్ణయం తీసుకోవడం సులభమవుతుంది.

Also Read: హెడ్‌ఫోన్స్‌ను ఇలా కూడా మార్చుకోవచ్చా? Beats 360లో అదిరిపోయే ఫీచర్లు.. ధర ఎంతంటే?