iPhone 20 Pro Max Leaks: అమెరికా టెక్ దిగ్గజం యాపిల్.. తమ వినియోగదారులకు త్వరలోనే ఒక పెద్ద సర్ప్రైజ్ ఇవ్వనుంది. ఐఫోన్ వచ్చి 20 ఏళ్లు పూర్తి కానున్న సందర్భంగా.. కంపెనీ అత్యంత వినూత్నమైన డిజైన్తో ఒక ప్రత్యేక ఐఫోన్ను తీర్చిదిద్దుతున్నట్లు సమాచారం. మార్కెట్లోకి ఇవి iPhone 20 సిరీస్గా 2027లో అడుగుపెట్టే అవకాశం ఉంది. ప్రయోగాత్మకంగా తయారుచేస్తున్న ఈ మోడల్స్ ఐఫోన్ లవర్స్లో భారీ అంచనాలను పెంచేస్తున్నాయి.
ఈ సారి రాబోయే iPhone 20 Pro, Pro Max మోడళ్లలో డిస్ప్లే పరిమాణాన్ని మరింత పెంచుతున్నారట. మునుపటి మోడళ్లతో పోలిస్తే.. స్క్రీన్ సైజ్ కాస్త పెరగడం వల్ల ఫోన్ చూడటానికి చాలా గ్రాండ్గా కనిపిస్తుంది. వీడియోలు చూడటానికి, గేమింగ్ ఆడటానికి ఈ సిరీస్ ఫోన్లు సరికొత్త అనుభూతిని అందిస్తుందని టెక్ వర్గాలు చర్చించుకుంటున్నాయి.
Also Read: రూటు మార్చిన ఐటెల్.. జస్ట్ రూ.949కే టైప్-C ఛార్జింగ్, ఏఐ బ్యాటరీతో Ace 3 Heera లాంచ్!
ఇప్పటివరకు వచ్చిన ఐఫోన్లకు భిన్నంగా, ఈ కొత్త ఫోన్కు నాలుగు వైపులా వంగిన కర్వ్డ్ గ్లాస్ను వాడనున్నట్లు తెలుస్తోంది. ఫ్లాట్ అంచులకు స్వస్తి చెప్పి, అసలు అంచులే (బెజెల్స్) కనిపించని విధంగా పూర్తి స్క్రీన్తో ఈ ఫోన్ రాబోతోంది. పట్టుకోవడానికి కూడా చాలా సౌకర్యవంతంగా ఉండేలా ఈ మార్పులు చేస్తున్నారు.
స్క్రీన్ పైన కనిపించే నోచ్ లేదా డైనమిక్ ఐలాండ్ను తీసేసి, ఫేస్ ఐడీ సెన్సార్లను స్క్రీన్ కిందనే అమర్చేందుకు యాపిల్ ప్రయోగాలు చేస్తోంది. దీనివల్ల డిస్ప్లేపై ఎటువంటి ఆటంకం లేకుండా, మునుపెన్నడూ చూడని రీతిలో స్క్రీన్ మొత్తం క్లీన్గా, భవిష్యత్ టెక్నాలజీని తలపించేలా కనిపిస్తుంది.
కేవలం డిజైన్ మాత్రమే కాకుండా.. ఈ కొత్త ఐఫోన్లో ఏ21 ప్రాసెసర్ను వాడనున్నారు. ఇది ఫోన్ వేగాన్ని పెంచడమే కాకుండా, బ్యాటరీ లైఫ్ను కూడా మెరుగుపరుస్తుంది. ఆర్టిఫిషియల్ ఇంటెలిజెన్స్ (AI) ఫీచర్లు మరింత వేగంగా పనిచేయడానికి ఈ ప్రాసెసర్ ఉపయోగపడుతుంది. ఈ మార్పులన్నీ నిజమైతే, ఐఫోన్ చరిత్రలోనే ఇది ఒక ల్యాండ్మార్క్ మోడల్గా నిలిచిపోతుంది.
Also Read: 8,000mAh బ్యాటరీనా.. అమోలెడ్ స్క్రీనా? ఈ 3 కొత్త 5G ఫోన్లలో ఏది కొనుగోలు చేయడం ఉత్తమం?
Share
Podarillu Today Episode : మాధవ్ మిస్సింగ్.. కన్నీళ్లు పెట్టుకున్న కన్నా.. పోలీస్ మాటతో చక్రీ ఫైర్..
ఫ్రీ బస్సు కావాలి.. ప్రైవేటు బడులకు పోవాలి! సర్కారీ చదవులపై ఇంకా గురి కుదరలే! వైద్యమూ అంతే..
