itel Ace 3 Heera: చౌకైన ధరలో సరికొత్త ఫీచర్లతో మొబైల్ కొనాలనుకునే వారికి ఐటెల్ గుడ్ న్యూస్ చెప్పింది. భారతదేశంలో itel Ace 3 Heera పేరుతో ఒక కొత్త ఫీచర్ ఫోన్ను విడుదల చేసింది. కేవలం రూ.949కే లభించే ఈ ఫోన్.. తక్కువ బడ్జెట్లోనే మంచి ఫీచర్లను అందిస్తోంది. ఇప్పుడీ ఫోన్ యొక్క పూర్తి వివరాల్లోకి వెళ్లిపోదాం పందండి..
సాధారణంగా ఈ కేటగిరీ ఫోన్లలో పాత మైక్రో-యూఎస్బీ పోర్ట్ ఉంటుంది. కానీ ఐటెల్ తమ ఫీచర్ ఫోన్లలో టైప్-సి ఛార్జింగ్ పోర్ట్ ఇచ్చి ఆకట్టుకుంది. దీంతో స్మార్ట్ఫోన్ ఛార్జర్తోనే ఈ ఫోన్ను కూడా సులభంగా ఛార్జ్ చేసుకోవచ్చు. itel Ace 3 Heera బ్లూ, పర్పుల్, బ్లాక్ కలర్స్లో అందుబాటులో ఉంటుంది.
itel Ace 3 Heeraలో 1000mAh బ్యాటరీ ఇచ్చారు. దీనికి ఏఐ ఆధారిత బ్యాటరీ ఆప్టిమైజేషన్ సాంకేతికతను జత చేశారు. ఇది ఛార్జింగ్ ఎక్కువ సమయం వచ్చేలా చూస్తుంది. అంతేకాదు.. బ్యాటరీ బాగా తక్కువగా ఉన్నప్పుడు వాడుకోవడానికి ‘సూపర్ బ్యాటరీ మోడ్’ కూడా ఇందులో ఉంది.
Also Read: అదిరిపోయే అప్డేట్.. WhatsAppలో సీక్రెట్ ఓటింగ్, డెడ్లైన్ ఫీచర్స్.. ఇక గ్రూప్ అడ్మిన్లకు పండగే!
పాటలు వినేందుకు బ్లూటూత్, వైర్లెస్ ఎఫ్ఎం రేడియో ఉన్నాయి. ఎఫ్ఎం ప్రోగ్రామ్లను రికార్డ్ చేసుకునే వెసులుబాటు కూడా ఉంది. మెమరీ కార్డ్ ద్వారా స్టోరేజ్ను 32GB వరకు పెంచుకోవచ్చు. దీంతోపాటు ఆటో కాల్ రికార్డింగ్, ఇంగ్లీష్, హిందీ భాషలకు సపోర్ట్ చేసే ‘కింగ్ టాకర్’ వాయిస్ అసిస్టెంట్ ఫీచర్లు కూడా ఉన్నాయి.
itel Ace 3 Heera ఫోన్ ధర రూ.949 మాత్రమే. దీనిపై కంపెనీ ఒక సంవత్సరం రీప్లేస్మెంట్ వారంటీని అందిస్తోంది. తక్కువ ధరలో రోజువారీ వాడకానికి, సెకండరీ ఫోన్గా వాడుకోవడానికి ఇది చాలా బాగా ఉపయోగపడుతుంది. స్మార్ట్ఫోన్ వాడకూడదు అనేకునేవారికి లేదా ఇంట్లో పెద్దవారికి itel Ace 3 Heera బెస్ట్ ఆప్షన్గా నిలుస్తుంది.
Also Read: గెలాక్సీ రింగ్ యూజర్లకు గుడ్ న్యూస్.. ఇకపై ఫోన్తోనే ఛార్జింగ్, కేస్ అవసరమే లేదు!
Share
పుత్తడి ప్రియులకు షాక్.. భారీగా పెరిగిన బంగారం-వెండి ధరలు, మార్కెట్లో ఇవాళ మాటేంటి?
Podarillu Today Episode : మాధవ్ మిస్సింగ్.. కన్నీళ్లు పెట్టుకున్న కన్నా.. పోలీస్ మాటతో చక్రీ ఫైర్..
