Apple iPhone Duo: అమెరికా టెక్ దిగ్గజం యాపిల్ తొలిసారి ఫోల్డబుల్ ఐఫోన్‌ను ఆవిష్కరించింది. iPhone Duo పేరుతో వచ్చిన ఈ ఫోన్.. సాధారణ ఐఫోన్‌కు భిన్నంగా మడిచే డిజైన్‌తో పాటు పెద్ద స్క్రీన్ అనుభవాన్ని అందిస్తుంది. మడిచినప్పుడు ఫోన్‌లా.. పూర్తిగా తెరిచినప్పుడు చిన్న టాబ్లెట్‌లా ఉపయోగించుకోవచ్చు. 7.6 అంగుళాల లోపలి డిస్‌ప్లేతో వచ్చిన ఈ ఫోన్‌లో iPhone 18 Proలో లేని కొన్ని ప్రత్యేక ఫీచర్లు కూడా ఉన్నాయి.
iPhone Duo పుస్తకం మాదిరిగా మధ్యలో మడుచుకునేలా రూపొందించారు. టైటానియం బాడీ, కొత్త హింజ్‌తో నిర్మాణం బలంగా ఉండేలా చేశారు. స్క్రీన్‌పై మడత కనిపించే ప్రభావాన్ని కూడా తగ్గించారు. దీనికి IP68 రేటింగ్ ఉండటంతో దుమ్ము, నీటి నుంచి రక్షణ లభిస్తుంది. ఫోన్‌ను మడిచినప్పుడు ఒక స్క్రీన్‌లోని యాప్ మరో స్క్రీన్‌కు స్మూత్‌గా మారే యానిమేషన్లు కూడా ఆకట్టుకుంటాయి.
లోపలి డిస్‌ప్లేలో ప్రత్యేకమైన మ్యాట్ ఫినిష్ అందించారు. దీని వల్ల బయట ఎక్కువ వెలుతురు ఉన్నప్పటికీ గ్లేర్ తగ్గుతుంది. స్క్రీన్‌పై మడత కూడా తక్కువగా కనిపించేలా ఇది సహాయపడుతుంది. మరో ఆసక్తికరమైన విషయం ఏమిటంటే.. లోపలి FaceTime కెమెరాను స్క్రీన్ కింద పెట్టారు. దీంతో నాచ్ లేదా ప్రత్యేక కెమెరా కటౌట్ లేకుండా డిస్‌ప్లే క్లీన్‌గా కనిపిస్తుంది.
Also Read: కీప్యాడ్ ఫోన్‌లో ఇలాంటి ఫీచర్లు అరుదే.. 2500mAh బ్యాటరీతో iTel Music 450L లాంచ్!
పెద్ద స్క్రీన్‌కు అనుగుణంగా iOS అనుభవాన్ని కూడా మార్చారు. ఒకేసారి రెండు యాప్‌లను పక్కపక్కనే ఉపయోగించుకోవచ్చు. ఫోన్‌ను సగం మడిచి స్టాండ్‌లా పెట్టి వీడియోలు చూడటం వంటి పనులు కూడా చేయొచ్చు. Apple Pencil సపోర్ట్ కూడా అందుబాటులోకి రానుంది. ఫోన్‌ను ఏ పొజిషన్‌లో ఉపయోగిస్తున్నామో దానికి అనుగుణంగా యాప్‌ల లేఅవుట్ మారుతుంది.
కెమెరా విషయంలోనూ iPhone Duoలో కొన్ని కొత్త ఫీచర్లు ఉన్నాయి. Smart Take ద్వారా టైమర్ అవసరం లేకుండా పోజ్‌ను గుర్తించి ఫొటో తీయొచ్చు. Duo Previewతో ఫొటో తీసుకునే ముందు ఫ్రేమ్‌ను బయట స్క్రీన్‌పై చూడవచ్చు. పిల్లలు కెమెరా వైపు చూసేలా Kid Cue యానిమేషన్లు ఉపయోగపడతాయి.
Duo FaceTimeతో బయట స్క్రీన్‌ను ఉపయోగించి వీడియో కాల్ అనుభవాన్ని మరింత సౌకర్యవంతంగా మార్చుకోవచ్చు. మొత్తంగా ఐఫోన్ డ్యూయో కేవలం మడిచే ఐఫోన్ మాత్రమే కాదు. పెద్ద స్క్రీన్, కొత్త iOS అనుభవం, ఫోల్డబుల్ డిజైన్‌కు అనుగుణంగా రూపొందించిన కెమెరా ఫీచర్లతో ఇది కొత్త తరహా ఐఫోన్ అనుభవాన్ని అందించేలా ఉంది. భారత్‌లో అక్టోబర్ 23 నుంచి ఈ ఫోన్ అందుబాటులోకి రానుంది.
Also Read: బడ్జెట్‌లో ప్రీమియం ఫీచర్లు.. Moto Buds 2 Fusion ధర తెలిస్తే వెంటనే కొనేస్తారు!
Share
పొలిటికల్ ఎంట్రీ పై ఉదయభాను క్లారిటీ... పోరాటం చేయాల్సిందే అంటూ!
కేసీఆర్, రేవంత్ రెడ్డికి డీఎన్ఏ టెస్ట్ చేయాలి.. బండి సంజయ్ సంచలన వ్యాఖ్యలు!
