Moto Buds 2 Fusion: తక్కువ బడ్జెట్లో మంచి వైర్లెస్ ఇయర్బడ్స్ కొనాలనుకునేవాళ్లకు మోటరోలా గుడ్ న్యూస్ చెప్పింది. కంపెనీ తాజాగా కొత్త బడ్జెట్ ఇయర్బడ్స్ను భారత మార్కెట్లోకి తీసుకొచ్చింది. రూ.2,000 లోపే యాక్టివ్ నాయిస్ క్యాన్సిలేషన్, భారీ బ్యాటరీ బ్యాకప్ వంటి ఫీచర్లు ఇందులో అందిస్తోంది. మరి ఈ ఇయర్బడ్స్లో ఉన్న ఫీచర్లు, ధర, లభ్యత ఏంటో చూద్దామా..
ఈ Moto Buds 2 Fusion ధరను కంపెనీ రూ.1,999గా నిర్ణయించింది. వీటిని ఫ్లిప్కార్ట్తో పాటు మోటరోలా అధికారిక స్టోర్లో కొనుగోలు చేయవచ్చు. ట్యాప్ షూ, లారెల్, సర్ఫ్ ది వెబ్ అనే మూడు కలర్ ఆప్షన్స్లో ఇవి అందుబాటులో ఉన్నాయి.
Also Read: రోజూ 2GB డేటాతో పాటు అమెజాన్ ప్రైమ్, హాట్స్టార్ ఫ్రీ.. Jio కొత్త రీఛార్జ్ ప్లాన్ చూశారా?
ఈ ఇయర్బడ్స్లో 55dB యాక్టివ్ నాయిస్ క్యాన్సిలేషన్ (ANC) అందించారు. దీంతో బయట ఉండే శబ్దాలను తగ్గించుకుని మ్యూజిక్ను ఆస్వాదించవచ్చు. ఆడియో కోసం 12.4mm టైటానియం కోటెడ్ డ్రైవర్లను ఉపయోగించారు. కాల్స్ మరింత క్లియర్గా ఉండేందుకు ఆరు మైకులు, క్రిస్టల్టాక్ AI టెక్నాలజీ కూడా ఉన్నాయి.
Moto Buds 2 Fusion బ్యాటరీ విషయంలోనూ ఆకట్టుకునేలా ఉన్నాయి. ఒక్కసారి ఛార్జ్ చేస్తే ఇయర్బడ్స్ 13 గంటల వరకు పనిచేస్తాయని కంపెనీ చెబుతోంది. ఛార్జింగ్ కేస్తో కలిపి మొత్తం 53 గంటల బ్యాకప్ లభిస్తుంది. 10 నిమిషాల ఫాస్ట్ ఛార్జింగ్తో మూడు గంటల వరకు ప్లేబ్యాక్ పొందవచ్చు.
బ్లూటూత్ 6.0, డ్యూయల్-డివైస్ కనెక్టివిటీ, తక్కువ లేటెన్సీ గేమింగ్ మోడ్ వంటి ఫీచర్లు ఇందులో ఉన్నాయి. అలాగే నీరు, దుమ్ము నుంచి రక్షణ కోసం IP54 రేటింగ్ ఇచ్చారు. మొత్తంగా రూ.1,999 ధరలో మంచి ఫీచర్లు కోరుకునేవారికి ఈ మోటరోలా ఇయర్బడ్స్ బెస్ట్ ఆప్షన్గా కనిపిస్తున్నాయి.
Also Read: అడ్వాన్స్డ్ ఫీచర్లతో మార్కెట్లోకి వచ్చేస్తోన్న Samsung Galaxy Tab S12.. లాంచ్ డేట్ లీక్!
Share
చేయూత పెన్షన్లకు భారీగా దరఖాస్తులు.. ఎక్కువగా అప్లికేషన్లు వచ్చిన జిల్లా ఇదే..?
తెలివైన వాళ్ళు మాత్రమే..వాడే ఈ సేఫ్టీ మోడ్ గురించి మీకు తెలుసా?
