Apple Fitness Band: ప్రముఖ టెక్ దిగ్గజం యాపిల్ తమ వేరబుల్స్ విభాగంలో కీలక మార్పులకు సిద్ధమవుతున్నట్లు తెలుస్తోంది. మార్కెట్లో పెరుగుతున్న డిమాండ్కు అనుగుణంగా డిస్ప్లే లేని ఫిట్నెస్ బ్యాండ్ను తీసుకొచ్చే ఆలోచనలో ఉంది. ప్రముఖ విశ్లేషకుడు మార్క్ గుర్మన్ కథనం ప్రకారం.. యాపిల్ తమ రాబోయే ఉత్పత్తుల కోసం పలు రకాల కొత్త ఆలోచనలను పరిశీలిస్తోంది.
ప్రస్తుతం స్మార్ట్ఫోన్ల వాడకం ఎక్కువైపోవడంతో నోటిఫికేషన్ల బెడద లేకుండా, కేవలం ఆరోగ్యంపై మాత్రమే దృష్టి పెట్టాలనుకునే వారి సంఖ్య పెరుగుతోంది. అందుకే యాపిల్ స్క్రీన్ లేని ఫిట్నెస్ బ్యాండ్ల వైపు మొగ్గు చూపుతోంది. ఇది పూర్తిగా హెల్త్, ఫిట్నెస్ ట్రాకింగ్ కోసం మాత్రమే పనిచేస్తుంది. రోజువారీ డిస్ప్లేల శోధన నుంచి ఉపశమనం కోరుకునే వారికి ఇది చక్కటి ప్రత్యామ్నాయంగా మారనుంది.
Also Read: టెన్సర్ జీ6 ప్రాసెసర్తో Pixel 11 Pro XL.. ఊహించని షాక్ ఇచ్చిన గీక్బెంచ్ స్కోర్లు!
కేవలం స్క్రీన్ లేని బ్యాండ్లు మాత్రమే కాకుండా.. వివిధ సైజులు, రకాల డిస్ప్లేలతో కూడిన వాచ్లపై కూడా సంస్థ ప్రయోగాలు చేస్తోంది. ఈ క్రమంలోనే రౌండ్ డిజైన్ కలిగిన యాపిల్ వాచ్ను కూడా పరిశీలించారు, కానీ ఇది మార్కెట్లోకి వచ్చే అవకాశాలు చాలా తక్కువగా ఉన్నాయని సమాచారం. వినియోగదారుల కోరికలకు అనుగుణంగా లుక్స్ విషయంలో కూడా మార్పులు చేయడానికి డిజైన్ టీమ్ పనిచేస్తోంది.
సాధారణ వినియోగదారుల నుంచి ప్రీమియం లవర్స్ వరకు అందరినీ ఆకట్టుకునేలా ధరల విషయంలో కొత్త వ్యూహాలను రచిస్తోంది. ప్రస్తుతం ఉన్న మోడళ్ల కంటే తక్కువ ధరకు ఒక వెర్షన్, అలాగే అత్యంత ఖరీదైన మోడల్ను కూడా తీసుకురావాలనే ఆలోచనలో ఉంది. దాంతో పాటు ఆర్టిఫిషియల్ ఇంటెలిజెన్స్, మరిన్ని అత్యాధునిక హెల్త్ ఫీచర్లను తన రాబోయే డివైజ్ లలో పొందుపరచనుంది.
ఇవన్నీ ప్రస్తుతం పరిశీలన దశలోనే ఉన్నాయని, ఏ మోడల్ మార్కెట్లోకి వస్తుందో ఇంకా స్పష్టత లేదని నిపుణులు చెప్తున్నారు. అయితే, యాపిల్ కనుక స్క్రీన్ లేని బ్యాండ్ను అందుబాటులోకి తెస్తే.. వేరబుల్స్ ట్రెండ్ పూర్తిగా మారిపోవడం ఖాయం.
Also Read: Apple Pay వస్తోంది సరే.. మరి UPI పనిచేస్తుందా? ఐఫోన్ యూజర్లు తెలుసుకోవాల్సిన సీక్రెట్ ఇదే!
Share
ఐటిఆర్ ఫైల్ చేసినా ఇన్కమ్ ట్యాక్స్ నోటీస్ వచ్చిందా? దీనికి 3 కారణాలు ఇవే
సింగర్ రాహుల్ సిప్లిగంజ్ పై కేస్ ఫైల్.. యువతికి హత్యా బెదిరింపులు!
