కేక పుట్టించే కెమెరా, భారీ బ్యాటరీ.. రూ.30,000 లోపు దొరికే బెస్ట్ ఫోన్లు ఇవే!

Best Camera Phones: స్మార్ట్‌ఫోన్లలో కెమెరా టెక్నాలజీ రోజురోజుకూ మారిపోతోంది. ఒకప్పుడు కేవలం ప్రీమియం ఫోన్లకే పరిమితమైన అడ్వాన్స్‌డ్ ఫీచర్లు ఇప్పుడు రూ. 30 వేల లోపు లభించే మిడ్‌రేంజ్ ఫోన్లలోనూ అందుబాటులోకి వచ్చాయి. అద్భుతమైన సెన్సార్లు, OIS సపోర్ట్, 4K వీడియో రికార్డింగ్ వంటి ఫీచర్లతో ఈ సెగ్మెంట్ ఫోన్లు ఇప్పుడు ఫొటోగ్రాఫర్ల మనసు దోచుకుంటున్నాయి. మీరు కూడా ఈ బడ్జెట్‌లో మంచి కెమెరా ఫోన్ కోసం చూస్తుంటే.. ఈ బెస్ట్ ఆప్షన్లను ఓసారి పరిశీలించండి.

పోర్ట్రెయిట్ కింగ్ Vivo T4 Pro 5G:

ఫొటోల్లో జూమ్, పోర్ట్రెయిట్ షాట్స్ ఇష్టపడేవారికి Vivo T4 Pro 5G ఒక అద్భుతమైన ఛాయిస్. దీనిలో 50MP పెరిస్కోప్ టెలిఫోటో కెమెరాను అందించారు. ఇది 3x ఆప్టికల్ జూమ్‌తో పాటు ఏకంగా 100x డిజిటల్ జూమ్‌ను అందిస్తుంది. దీని మెయిన్ కెమెరా కూడా 50MP సోనీ సెన్సార్‌, OIS సపోర్ట్‌తో వస్తుంది. 4K వీడియోలు రికార్డ్ చేయగల 32MP ఫ్రంట్ కెమెరా సెల్ఫీ ప్రియులను ఆకట్టుకుంటుంది.

ఆల్‌రౌండర్ Motorola Edge 70 Fusion:

ఈ Motorola Edge 70 Fusion కెమెరాతో పాటు పవర్‌ఫుల్ పెర్ఫార్మెన్స్‌ను బ్యాలెన్స్ చేస్తుంది. దీనిలో OIS సపోర్ట్ ఉన్న 50MP సోనీ లైటియా సెన్సార్ ఉంది. ఇది తక్కువ వెలుతురులోనూ నాణ్యమైన ఫొటోలను తీస్తుంది. ఈ ఫోన్‌లోని 13MP వైడ్-యాంగిల్ కెమెరా మ్యాక్రో లెన్స్‌గా కూడా పనిచేస్తుంది. 144Hz డిస్‌ప్లే, భారీ 7,000mAh బ్యాటరీ ఈ ఫోన్ అదనపు ఆకర్షణలు.

Also Read: ఆ కెమెరా ఫీచర్లు చూస్తే దిమ్మ తిరగాల్సిందే.. Google Pixel 11 సిరీస్ లీక్స్ వైరల్!

నైట్ ఫోటోగ్రఫీ స్పెషలిస్ట్ Galaxy M56 5G:

శాంసంగ్ బ్రాండ్ నమ్మకాన్ని, సహజమైన కలర్ టోన్స్‌ను కోరుకునే వారికి గెలాక్సీ ఎమ్56 చాలా బాగుంటుంది. దీని వెనుక వైపు OIS సపోర్ట్ ఉన్న 50MP మెయిన్ కెమెరా ఉంది. శాంసంగ్ ప్రత్యేకమైన నైటోగ్రఫీ ఫీచర్ వల్ల రాత్రి వేళల్లో కూడా అద్భుతమైన ఫొటోలను తీసుకోవచ్చు. మరో విశేషం ఏమిటంటే.. దీని ఫ్రంట్ అండ్ బ్యాక్ కెమెరాల ద్వారా 4K వీడియోలను రికార్డ్ చేసుకోవచ్చు.

బిగ్ బ్యాటరీ Realme 16T 5G:

ఈ Realme 16T 5G ఫోన్ కెమెరా హార్డ్‌వేర్ కంటే సాఫ్ట్‌వేర్ ఫీచర్లపై ఎక్కువ ఫోకస్ పెట్టింది. దీనిలో 50MP సోనీ సెన్సార్ ఉంది. OIS లేకపోయినప్పటికీ ‘లూమాకలర్ ఇమేజ్ ఇంజిన్’ ద్వారా ఫొటోలు స్పష్టంగా వచ్చేలా సాఫ్ట్‌వేర్ చూసుకుంటుంది. ఇక ఈ ఫోన్ అసలు సిసలు ప్రత్యేకత ఏంటంటే.. దీనిలో ఏకంగా 8,000mAh బ్యాటరీని అందించారు.

సింపుల్ అండ్ బెస్ట్ OnePlus Nord CE6 Lite:

సరళమైన ఫొటోగ్రఫీ, సుదీర్ఘ బ్యాటరీ లైఫ్ కావాలనుకునే వారికి OnePlus Nord CE6 Lite బాగా సెట్ అవుతుంది. దీనిలో 50MP మెయిన్ కెమెరాను ఇచ్చారు. ఇది 4K మోషన్ ఫొటోలు, డ్యూయల్ వ్యూ వీడియో రికార్డింగ్‌కు సపోర్ట్ చేస్తుంది. 7,000mAh బ్యాటరీ, వన్‌ప్లస్ సిగ్నేచర్ డిజైన్‌తో ఈ ఫోన్ క్లాసిక్ లుక్‌ను ఇస్తుంది.

Also Read: రూ.20 వేల లోపే వన్‌ప్లస్ 5G మొబైల్.. మిలిటరీ గ్రేడ్ బాడీ, భారీ బ్యాటరీతో లాంచ్!

Share

• 
• 
• 
• 
• 
•