BSNL 999 Plan: ప్రభుత్వ రంగ టెలికాం దిగ్గజం భారత్ సంచార్ నిగమ్ లిమిటెడ్ (BSNL) తమ వినియోగదారుల కోసం ఒక ఆకర్షణీయమైన బ్రాడ్బ్యాండ్ ప్లాన్ను తీసుకొచ్చింది. రోజురోజుకూ ఇంటర్నెట్ వాడకం పెరుగుతున్న నేపథ్యంలో.. తక్కువ ధరలోనే ఎక్కువ ప్రయోజనాలు అందించడమే లక్ష్యంగా ఈ ప్లాన్ను రూపొందించింది. వర్క్ఫ్రమ్ హోమ్ చేసేవారికి, రోజూ ఆన్లైన్ గేమింగ్ లేదా స్ట్రీమింగ్ చేసే కుటుంబాలకు ఇది ఎంతో ఉపయోగపడుతుంది.
BSNL తమ అధికారిక సోషల్ మీడియా ద్వారా ఈ కొత్త బిఎస్ఎన్ఎల్ ఫైబర్ (FTTH) ప్లాన్ను ప్రకటించింది. దీని నెలవారీ రుసుము రూ.999 కాగా.. దీనిలో నెలకు ఏకంగా 5,000GB వరకు డేటాను వాడుకోవచ్చు. అది కూడా ఏకంగా 200 mbps వేగంతో ఇంటర్నెట్ సేవలు అందుతాయి. దీంతోపాటు దేశవ్యాప్తంగా ఏ నెట్వర్క్కైనా ఉచితంగా అపరిమిత వాయిస్ కాల్స్ మాట్లాడుకునే సదుపాయం కూడా లభిస్తుంది.
Also Read: ఇది కదా అసలైన ఫోల్డబుల్ ఫోన్ అంటే.. శాంసంగ్ను మించిపోయేలా Xiaomi కొత్త ప్లాన్!
కేవలం హైస్పీడ్ ఇంటర్నెట్ మాత్రమే కాకుండా.. వినోదానికి కూడా ఈ ప్లాన్లో పెద్దపీట వేశారు. ఇందులో జియో హాట్స్టార్, సోనీ లివ్, జీ5, హంగామా, షెమరూ వంటి ప్రముఖ ఓటిటి ప్లాట్ఫారమ్ల సబ్స్క్రిప్షన్లను ఉచితంగా అందిస్తున్నారు. వేర్వేరుగా ఓటీటీ ప్లాన్లు తీసుకునే అవసరం లేకుండా, ఒక్క రీఛార్జ్తో ఇంటర్నెట్తో పాటు వినోదాన్ని కూడా పొందే అవకాశం దీని ద్వారా దక్కుతుంది.
ఇటీవలే BSNL తమ ఫైబర్ వినియోగదారుల కోసం ‘ఫ్రీడమ్ ఆఫర్’ పేరుతో మరో ప్రత్యేక ఆఫర్ను కూడా తెచ్చింది. సాధారణంగా రూ.199 విలువ చేసే ఓటీటీ ఎంటర్టైన్మెంట్ ప్యాక్ను ఈ ఆఫర్ కింద కేవలం రూ.150కే అందిస్తోంది. దీని ద్వారా సోనీ లివ్, జీ5, జియో హాట్స్టార్ సేవలను తక్కువ ధరకు పొందే వీలుంది.
మరోవైపు కొత్తగా BSNL నెట్వర్క్లోకి మారాలనుకునే వారి కోసం రూ.51 సిమ్ ఆఫర్ గడువును ఆగస్టు 31 వరకు పొడిగించారు. ఈ ప్లాన్ కింద రూ.51కే కొత్త సిమ్ కార్డు లభిస్తుంది. ఇందులో 30 రోజుల వ్యాలిడిటీతో రోజూ 2GB డేటా, రోజుకు 100 SMSలు, అపరిమిత కాలింగ్ సౌకర్యం లభిస్తాయి.
Also Read: బాస్కెట్బాల్ లవర్స్ కోసం Pixel Watch 5.. కొత్త ఎడిషన్ గ్యాడ్జెట్ లవర్స్ను ఆకట్టుకుంటుందా?
Share
ఎయిరిండియా విమానం కుదుపు.. మత్తులో పైలట్? ఇకపై పైలట్లకు డ్రగ్ టెస్టులు
తప్పు ఒప్పుకున్న అజయ్ భూపతి.. జయకృష్ణ విషయంలో అన్యాయం!
